مشورتكم في شراء الدودج الرام 1500 2014 لارامي

لارامي 1500 2012 مايجي الا قير أرضي
الظاهر انك مجرب فئة ثانيه
عالعموم
شوف المراجعه الي حطيتها .....
بالنسبة لجودة المواد
لارامي 2013 وانت طالع
جميع الجلود والتخشيب 100% طبيعي
ان جربت موديل قبل الفيس لفت الأخير
الجودة كانت جيده بس 2013 كان فيه تغيير كبير للداخليه
والقير 8 سبيدز مايحتاج
------------------
في الجي ام سي والشيفر
ماتقدر تطلب مكينة الدينالي على اقل نواع
نقول باب واحد وسوح
بينما بالرام تقدر تطلب ال 6.4 على رام باب واحد سلق على قولتهم
---------------
وكون انك حتى تفضل تركات Government Motors على الفورد
فانت متعصب
اٌكدلك الفورد افضل من الرام من ناحية المكاين 8 سلندر والناحية الميكانيكية .. بس ذوقي الشخصي يفضل الرام
:ch19:
ولا لي خلق أحطلك مقاطع الرام ياكل قرابيع جي ام سي وشيفر
-----------
ومكاين الديزل
Cumming 6.1 turbo diesel
شي ووحش ثاني
وال 5.1
لايقارن ابد ابد ابد بال 5.7
من ناحية تورك او هورس باور

بالتوفيق

طيب و إذا جبت لك سييرا أو سلفرادوا 1500 أو F-150 فل الفل :) ؟؟
بس الفرق إن السلفرادوا و السييرا ماعندهم فئات فخمه متعددة
عندهم فئة فخمة و لها مواصفات خاصة تليق بفخامتها
و هذا مو عيب إن تكون المكينة أكبر بالعكس هذي ميزة و تفرد


كلام مبالغة الصراحة
أنا سقت الرام 1500 tو أتوقع لارامي موديله 2012 قيره علاقي
ما أنكر مرونته و رساولته مريح جداً حتى أريح من اليوكن وليس السييرا
و الصراحة أريح حتى من اليوكن الدينالي 2006 اللي معانا ( أريح من الموديلات الجديدة بكثير )
ولكن تقول لي جودة الخامات تقارن مع بالسيارات الأوروبية !!!
إعذرني وحدة من الثنتين :
1- يا أنك مو شايف خير مثل أصحاب الكوري اللي يجي ينط لك يقول لك السوناتا أفضل من الـ S-Class ( بالعامية نقول ملحوس ) .
أو
2- يا أنك ما ركبت الأوروبي الفخم و إلتمست جودته و فخامته :) .
مابي أحط إحتمال ثالث و أقول يا إنك مطبل :rolleyes1:

بعدين قل لي وش وضع تهنيقة الشاشة و تطفي بدون سبب بالرام و عدم إستجابة الكنسول في بعض الأوقات ؟!


لا ما نرجع نغثه ولا شي بس إنت متعقد من الواقع
بس إنت قاعد تغثنا إن السييرا و السلفرادوا خرده !
المكينة 5.3 اللي تقول عزمها ميت يا كثر المقاطع و هي تنتف الدودج رام

تفضل شوف الخرد يا طويل العمر :) :
http://www.youtube.com/watch?v=qr7qEuaXeGo&hd=1
http://www.youtube.com/watch?v=TKMQjm7i2Jw&hd=1
http://www.youtube.com/watch?v=_f3CAnH7WIM&hd=1
http://www.youtube.com/watch?v=0v3oH3uxyKw&hd=1

من المتعصب الآن ؟!
ترا أنا أعشق جي إم و دودج و أكره فورد
بس ما إستنقصت من فورد لأني أكرهها
إذا فورد فيها ميزة أذكرها ولكن للأسف ما جربت f150 على الواقع
-------------------
أخي صاحب الموضوع
الرام : رساوة عزل ليونة مرونة فخامة و ثقة بالطرق ( ضخم )
بس الصراحة فيه شي و أعتبره عيب
مافيه صوت دبات على الرغم إنه دول إكزوس :c0038:
و إذا متخوف من الهيدروليك شيله و ركب لك سست مدري يايات و مساعداته الكهربا :smilie16:

ميزة الهايدروليك موجودة في القراند شيروكي فول اوبشن

لذلك تستطيع أن تطرح سؤالك حول جودة الهيدروليك لمالكي

القراند شروكي فهو موجود لديهم منذ ظهور الجيل الحالـــــي

كما أن مبيعات القراند أعلئ وهي منتشرة في الخليج وسوف

تجد من يفيدك بإذن الله عن هيدروليك القراند ، الله يوفقك .

لو رحت وصدرت من الامارات او الكويت

راح تكون السيارة مضمونة 3 سنوات(ضمان المصنع) والوكيل السعودي يستقبلها بلا مساكلها
بس بدون عروض راح تكون

ف جرب اسئل عن مواصفاتهم في الكويت والامارات

هلا اخوي والله حاولت معاهم
قالو نحن مانجيب اي طلبيه
المواصفات الي نطلبها ثابته :c0038:

وجهه نظري انا
اذا بغيت سيارة متعددة الاستخدام وللخطوط والسفريات
ابحث عن سياره دارجه مع الشعب من اجل الصيانه وقطع الغيار

اما الدوج اذا كان متوفر في امريكا بدون هدروليك ليه ماتكلم الوكيل بحيث انه يطلبه لك من المصنع

والله يكتب لك الى فيه الخير

طيب يااخواني لو شريت السيارة من دبي ولا البحرين طبعا جديدة ايش الاجراءت الي لازم اسويها
لاني لقيت في امريكا لارامي 2014 من دون هيدروليك ومواصفات كاملة والكمال لله
قلت ممكن احصل زي كذا في الامارات ولا البحرين

الددج سيارة قوية وممتازة بس ماانصحك تاخذها في السعوديه لان الوكيل خدماته سيئه جدا

شكرا لكل من هم لمساعدتي
لكن حتى الان لم اجد جواب شافي لسوالي
وهو هل الهيدروليك في هذي السيارة عملي
ولا بخليني ادق صحبة مع هذا الوكيل الفاشل

ابحث ببمنتديات الرام الاجنبيه

واذا كان يهمك الشكل
اشوف فئات
الرام سبورت
رام ار تي
كشكل احلى من لارامي ومافيها هيدروليك
لارامي مواصفات افخم
المشكله
الوكيل مايوفر فئات سبورت
و ار تي
:c0038:

الاستخارة قبل كل شي

والله يوفقك

اميل للسييرا

اشكرك اخوي انا وسيارتي
والله هذا الي انا اتكلم عنه انو مافي شك انو الرام مريح وفخم
لكن مربط الفرس هو الهيدرولك
ماادري هل هو نفس الهيدرولك الي مركب على القراند شيروكي اوفرلاند وسميت ؟

وعليكم السلام ورحمة الله وبركاته

من خلال تجربة رام 2010 فل كامل
وسيلفرادو 2013 Z71
وسييرا 2014 ستاندر 8 سلندر

وجدت أن الرام أفضل من منتجات جي إم مجتمعة !

أنا شخصياً معي سيلفرادو 2013 وأقول بكل صراحة أن الرام أفضل من سيارتي بكثير من ناحية متعة القيادة وخفة النفس وقوة المحرك

الرام يعتبر ياباني الامريكي من ناحية قلة الأعطال ومن ناحية جودة المواد والصبر على الاستخدام خلال سنين عديدة ،

الرام لم يوفق بوكيل يسوّق له بشكل جيد ويؤمن قطع غيار ،
ولا بد أن نقول أنه غير مرغوب عند البيع وزبائنه قليل جداً جداً

هلا اخوي ملك الرمال
المشكلة اني ناحلت الشركة على موضوع التست دريف
لكن للاسف كلهم يقولوا مافي امل انسسسسسسسسى :c0038:
ادري انو الوكيل سيء
لكن مررررره معجب بهذا الرام
وباالنسبة لموضوع التطعيس انا ماليه فيه ممكن اذا بر على خفيف
لكني احب السفر وحاولت القى احد عنده رام حولي لكن للاسف ماحصلت
وشكرا على مرروك

يارجل روعة أنا يوم تفحصتة قلت هذا مو وانيت هذا قصـر

متنقل بمواصفات حصرية ، وخلوصة الأرضي فوق الممتاز

وعليه كفرات حجرية ضخمة مع جنوط تقولك وين الجبااال

والبراري حقتكم ، بصراحة كمواصفات فوق الروعة ولكــن

يبقئ تجربتك الشخصية قبل الشراء هو الحكم حاول انك

تجربة تيست درايف أو تشوف لك واحد عنده رام وأحكـم

بنفسك افضل ، رغم أني متوقع أنه هو البيك آب الأفضل .

انت والله زدتني شوق باالصور الحلوة دي :xyxthumbs:
ان شفت في النت واليوتيوب كثير عنه جدا رائع ورزه بالمقارنة باالشاحنات الاخرى
بس همي الوحيد الهيدروليك
واغلب الامريكان اشتكو من تعليق في الهيدروليك في درجة حرارة 30 تحت الصفر :a1120(121):
ومااعتقد انو عندنا بيكون في مشاكل من ناحية البرودة
بس ماادري والله
وشكرا اخوي لارامي لمرورك

اشكرك اخوي راعي النيترو على ردك السريع
كلام سليم بس الي اقل منه هو SLT وبصراحة مافيه فخامة وماعجبني والسعر قريب من الارامي

أهلا وسهلا

عندي رام لارامي 2012
ماشي الحين حول التسعين
السسبنشن فيه ملتي لنك
ماهو هوائي فما أقدر أفيدك بالنقطه هذي
-------------
عموما بالنسبة للرام
يوفرلك افضل عزل ارضي وحانبي
الابواب عزلها ثلاثي وهذا الشي من 2009 وتوه السسيرا واشفر والفورد يوفروه في موديلات 2014.
الرام الترك الوحيد الي يوفرلك هيمي 5.7 395 حصان بكل الفئات.. من اقلها لأعلاها
بينما الشركات الثانيه لازم تاخذ موديلا افخم اذا تبي قوه حصانيه.
المواصفات وجودة الخامات الداخليه يقارن بالسيارات الفخمه الأوروبيه
الرام بوكس ... اذا تعودت على استخدامه مستحيل تستغني عنه.
كل من جرب الرام وساقها ويمدحها وينصدم من العزل الثبات العزم الرساوة بالنسبه ل فل سايز ترك.
لكن للأسف ربعنا متعصبين..
يرجعون يغثونك بالسييرا والشيفر ومكاين ام 5.1 وعزم ميت.. لو قالوا فورد نقول أوك ماعليه كلام
بس سييرا وشفر خرده للأسف.
الموتر ماشفت منه الا كل خير
ان عاجبك وناستك اسعار قطع الغيار لاتتردد
ولو اني انصحك ان تبي تقارن سو مقارنه بينه وبين الفورد اف 150 بلاتينيوم [بالنسبه لي اشوف سواقة الرام اخف واسهل ووضعية السائق أفضل]
لاتاخذ فورد ايكوبوست . حلاة الترك تنفس طبيعي
ولاتاخذ رابتور حق مبزرة :bigggrin:
ولاحد يخوفك من القير الفرار. تراه نفس الارضي وميكانيكية عمله اللهم انه فرار
أغلب الشعب مايدري وين الله حاطه فلا تسألهم عن الرام الا المجربين لأن عارف الوضع عندنا
ببغاءات كثير

أكثر شي ممكن يكرهك بالرام
ان الشعب هنا يسموه
جمس حوض

:bigggrin::bigggrin::bigggrin:



مراجعة رام ياكو ديزل لواحد اوروبي
مستوردها اوروبا
وشوف وش يقولك
أكثر ترك اشوفه في اوروبا الي هو الرام
http://www.thetruthaboutcars.com/2014/07/capsule-review-2014-ram-1500-ecodiesel/

بالتوفيق