ارجو الرد

ام ريان ورسلان @user_304710 · 10-10-2014

السلام عليكم . انا موظفه بشركة خاصة وراتبي تفريبا 4500 اريد سياره منهيه بالتمليك وبدفعه اولى بسيطه وش تنصحوني فيه

ام ريان ورسلان @user_304710 صاحب الموضوع · 10-10-2014

يعطيك العافيه اخوي نجدي بس انا قبل قدمت ع كذا بنك ورفضو بحجة ان الشركة اللي متعاقده معها ماهي عامله اتفاق مع البنك بس لو تعرف البنك اللي يقدر يمولني وع راتبي اكون شاكره لك واخلص موضوع هالسياره

ام ريان ورسلان @user_304710 صاحب الموضوع · 10-10-2014

اخوي عبد الله يعطيك العافيه

Najdi @user_15416 · 10-10-2014

وعليكم السلام ورحمة الله وبركاته

اذا ما عليك قروض! بإمكانك أخذ قرض شخصي (وليس قرض سياره) بشرط ألا يتجاوز القسط الشهري 40% من راتبك (وهو 1800 ريال).
وأفضل من يقدم قروض شخصية متوافقة مع الشريعة هي البنوك اللتي تقدم قروض شخصية عن طريق بيعك أسهم في سوق الأسهم السعودية... ومنها مصرف الإنماء ومصرف الراجحي.

أعلى مبلغ يمكنك الحصول عليه براتبك الحالي هو: 95000 ريال تقريبا ليتم تقسيطها على 5 سنوات (بحيث لا يتجاوز مجموع ما يتم تقسيطه الـ 108000 ريال شامله ارباح البنك على إفتراض ان نسبة ربح البنك هي 2.5%).

حصولك على المبلغ كاش من البنك يسهل لك عملية الشراء من أي وكاله والتفاوض للحصول على خصم خاص.

لو أفترضنا ان السياره المراد شرائها هي تويوتا كامري بـ 80000 ريال
80000 * 2.5% = 2000 ريال ربح للبنك عن كل سنة تقسيط = 2000 ريال * 5 سنوات = 10000 ريال مجموع ربح البنك على القرض الاساسي.
وبهذا يصبح مجموع المبلغ اللذي يجب تقسيطه للبنك على 5 سنوات هو 90000 ريال = 90000 ريال تقسيم 60 شهراً = 1500 ريال شهرياً.

انا وسيارتي @user_181125 · 10-10-2014

مشكلة التأجير المنتهى بالتمليك ان المبلغ يكون عالي جدا اذا كانت عن طريق الوكالة أما عن طريق البنك فالفائدة أقل

أغلب الوكالات تتعامل مع البنوك

وكيل تويوتا يقوم بالتأجير المنتهي بالتمليك وأظنه بدون كفيل

لذلك أنصحك بتويوتا كورولا لأنها عملية واقتصادية وقليلة الأعطال

لهم موقع على الانترنت يقوم بحساب تسعيرة السيارة عن طريق التأجير المنتهي بالتمليك لكنه حالياً معطل

لعلي ازوره وقت وآخر وآتيك بالخبر اليقين

ام ريان ورسلان @user_304710 صاحب الموضوع · 10-10-2014

يعطيكم العافيه اخواني بس انا ماسئلت الا لاني مااعرف ولا شي بالسيارات حتى اني رحت للمعارض وشفت بس ماعرف وش اللي اريده كل اللي اريده سياره ماتكون عائليه يعني عاديه للسواق وبدون كفيل والدفعه الاولى تكون بحدود 4000 واللي اقصده اني اليها بالاقساط كلمت كذا بنك والاغلب كلهم يقولو لازم الراتب 5000 وانا راتبي اقل وش تنصحوني فيه ومن وين اخذ والسياره المناسبه ويعطيكم الف عافيه ماتقصرو

انا وسيارتي @user_181125 · 10-10-2014

وعليكم السلام

الأخ أبو محمد ما قصّر وهناك سيارات بديلة عن التي ذكر وبسعر أفضل ومواصفات أعلى

المهم يا ام ريان تحديد ما يلي :

المبلغ
الفئة ( جيب ، سيارة صغيرة )

ابو محمد 40 @user_301011 · 10-10-2014

عليكم السلام
اذا لوحدك انصحك في سيارة صغيرة جديدة
[COLOR=Red]يارس تماتيك وقزاز كهرباء تقريبا 50 الف
أو اكسنت تماتيك قزاز كهرباء سعرها 45 الف
او النترا وهي اكبر وسعرها تقريبا 55 الف
اكبر منها كوريلا تماتيك وقزاز كهرباء سعرها تقريبا 60 الف
اكبر منها كامري تماتيك وقزاز كهرباء سعرها تقريبا 80 الف
أو جيب فورتشنر اذا عندك عائلة وسعرها 88 الف قير وقزاز كهرباء بدون دبل طبعا
أو جيب راف فور سعرها تقريبا 77 الف بدون دبل
الفرق بين فورتشنر والراف فور ان الفورتشنر يجي 3 مراتب اذا عائلتك كبيرة شوي
والراف فور مرتبتين مثل السيارات الصغيرة
نصيحتي لك انا مطلع على السيارات ولا يهمني شركة تويوتا أو غيرها
لكن انصحك لأني اعرف ان هذه السيارات ما يصبر على شوارعنا وبلدنا مثلها
وقطع غيارها معقولة وأهم شي اذا عندك سواق ركبي على الموتر جهاز مراقبة
وممكن انزل موضوع عن جهاز المراقبة في هذا المنتدى سعرها تقريبا 700 ريال
لاحظي ان السيارات كلها كتبت تماتيك وقزاز كهرب لكن بدون مواصفات عالية
لأن المواصفات العالية يحتاجونها الشباب وغير مهمة وتاخذ عليك مبلغ كبير يتجاوز 10 الاف و20 الف
احذري من شراء السيارات الامريكية لأنها حساسة و بالعافيه تصبر علينا مو على السواق
جميع السيارات المذكورة ومجربة وموثوق بها باذن الله

,,
[/COLOR]