ميتسوبيشي باجيرو 3.5 الي مجربينها فضلا الدخول

ما عمري شفت احد ذمه

و لكن الشي الوحيد اللي ما عرفت له الراحه و العزل

ناس تمدح و ناس تذم

مافي جواب شافي

البجيرو لايختلف على اعتماديته وجودته

كنت باخذ لي واحد .. لكني فضلت انه يكون عندي رفاهية اكثر على الاعتمادية لكني ما همشت الاعتمادية بس نزلتها نقطة لصالح الرفاهية

انا مجرب البجيرو حق اخوي تقريبا سنة .. وملاحظاتي عليه انه يحتاج الى اماكن اكثر لوضع الحاجيات (مثل الجوال والمحفظة واي حاجة انت تحملها معاك باستمرار) بينما السيارات الثانية مليانة ادراج وحوامل كاسات وجيوب.

واما السيارة فالشهادة انها عملية جدا ومناسبة الى الاستخدام اليومي في المدن وعلى الطرق السريعة

اخي العزيز ..
اولا : اسال الله لي ولك وللجميع التوفيق
ثانيا : ومن واقع تجربه انا سيارتي توي مشتريها كملت شهرين ويومين ( باجيرو فل كامل 3.8 من معرض العمر بجوار معرض المسند )
بتكلم لك عني انا انا كنت مثلك متخوف من قطع الغيار والوكيل والسيارة الخليجيه وعدم قبول الضمان و و و وجلست ما يقارب الشهرين قبل الشراء ابحث عن الموتر في النت وكل ما شفت واحد في الشارع وقفته وسالته عن السيارة ولله الحمد كل الي سالتهم وكل بحثي اشارو علي بالمكينه الكبيرة حتى الي معاهم المكينه الصغيرة مدحولي السيارة ولكن نصحوني بالمكينه الكبيرة ( الي هي ما تحي الا في الفل كامل )

معلومه مهمه ومفيده لكل من يرغب بشراء السيارة من المعارض ( خليجية )
وزارة التجارة اللزمت كل الوكالات بقبول اي سيارة مطابقه للمواصفات والمقاييس السعودية والخليجيه
وتاكدت من ذالك في الوكاله بنفسي بس يشترطون انك تحضر لهم ( فاتورة شراء السيارة + البطاقه الجمركية ) فقط
وفي الصيانه من ناحية الاسعار تفرق بس في صيانه ال1000 الخليجي ياخذون عليك 400 ريال بس يقولك عشان ييرمج لك

ونصحني سعودي في استقبال الصيانه قالي والله كلها نصب في نصب ووراني الجدول وقالي ترى الي يهم اهم شي كل 40 الف غير زيت القير وعلى 100الف اهم شي اهم شي تغير سير التيمن والبواجي
لان برضو قرار من وزارة التجارة مو شرط تسوي الصيانه الدورية عندهم عشان يقبله الضمان واكد لي الموظف ذالك
المكينه الكبيرة / 3.8 ليتر / 250 حصان صافي عند 6000دورة في الدقيقه / عزم 33.9ن.م عند 2750 دورة في الدقيقه - اضافه الى ذالك 5 تغيرات القير
مواصفات الفل كامل : جلد / فتحه كبيرة جدا/ جناح/ جنوط 18/زينون/6سيديات/بلوتوث/مدخل ايوكس/يو اس بي/ اضواء خافته داخل السيارة / حساسات / مكيفين + ثلاجه تشتغل مع المكيف الامامي ( طبعا مو ثلاجه بمعنى ثلاجه ولكن فتحه تكييف في الدرج الكبير ) / 12 سماعه ( في الخليجي متوفرة مع سب اوفر ( ماركه فورد روك) / كاميرا خلفيه في المرايا ( متوفره قي مديلات 2014 اما في 2015 ليست متوفره قبل شهر كنت في المسند واكد لي الموظف ) / مرايا تعتيم / رشاش مويه للشمعات /انوار ضباب اماميه وخلفيه / تحكم بالدركسون / مثبت سرعه /مانع انزلاق وتراكشن كنترول / تانكي بنزين 88 لتر يعني يعتبر متوسط / السيارة جدا اقتصاديه في البنزين بحيث تمشيك اكثر من 500 كيلو اذا معبي 95 كما ينصح به دليل المالك ( بعكس لمى تعبي 91 تمشيك 500 كيلو او اقل )
معدل استهلاك السيارة في البنزين حسب الملصق الي من وزارة التجارة 8.5 لتر / دوفلوك وهذي شي مهم لهوات البر ولا يتواجد الا في الفل كامل
هذا كله ب110 الالف في المعارض ( خليجي )يعني قارن السعر يالمواصفات بالمنافسين ( برادو -باثفيندر ) واضافه لكل ذا ياباني 100%
طبعا وارد العيسائي ب135 الف والفرق بين الخليجي والعيسائي 2015 لا يكاد ان يذكر
العيسائي يجي بشاشه و6 سماعات وكاميرا / والخليجي يجي 12 سماعه بدون شاشه وكاميرا
اول ما نزل 2015 عند العيسائي اذكر كانو منزلين عروض على 2014 ب128 الف اذا باقي مصمم على السعودي واذا باقي عندهم كميات
لكن لمى تتكلم عن المكينه الصغيره : 3.5 ليتر / 189 حصان / عزم 30 ن.م / تفتقر اغلب مواصفات الفل كامل
الان السوناتا والكامري الفل كسرت حاجز ال100 الف

وانت تتكلم عن سيارة متعددة الاستخدام جيب ودفع رباعي حقيقي وياباني وبطل رالي داكار 7 سنوات متتالية وسيارة اعتمادية وسبع ركاب

تجي للي يقولك قطع غيارها نار و و و
اخوي خلنا نتكلم يالمنطق الكل عارف جودة الصناعه اليابانية ومدى خدمتها وقوتها فلو تحسبها صح انا لمى اركب لسيارتي قطع غيار اصلية واعتماديه افضل من اني كل يومين وانا بورشه واوجع راسي والان كل قطع غيار السيارات صارت غالية حتى تويوتا الان . الان ما يميز تويوتا انها منتشرة في كل مكان فقط

والله للمعلومية انا نزلت الامارات قبل العيد والله ان اغلب سياراتهم ياجيرو واخوي عسكري بالحفر يقولي اغلب الكويتيين طايحين فيه يقول اشوفه بكثره وموظف معرض العمر الي شريت منه سيارتي يحلف لي انه تقريبا هو اكثر سيارة انياعت في المعارض هذي السنه
ونصيحتي لك : اولا واخيرا استخير الله والخيره فيما اختاره الله لك

السياره عمليه لابعد حد ونادر جدا ماتطلب قطع

لكن يكون في علمك السياره انتشارها ضعيف فــ قطع من التشاليح انسى تحصل

ايضا قطع غياره مرتفعه بعض الشيء لكن مجرد ماتركبها تنساها خلاص

الافضل الافضل محرك 3800 خصوصا إذا انت بتاخذ الباجيرو باربع ابواب

الي يقصد الأخ asak333 موتر 3.8 جديد أصفار فل كامل وللعلم وكالة العيسائي تضمن السيارة فلا تشيل هم من هالناحية كل ما عليك تروح لمهم وتسجل السيارة وبعدها خلاص يدخل الضمان
وللعلم الفروقات بين 3.5 و 3.8 جدا كبيرة مو بس حجم المكينة أشياء كثير منها القير 3.8 خمس سرعات 3.5 اربع سرعات والدف لوك وأشياء أخرى كثير حسب كلام الأخوة هنا في المنتدى مب بس حجم المكينة

استخير الله وبالتوفيق

سيارات ميستوبيشي تتميز بالجودة العالية والكفاءة المميزة ..

إلى جانب الجودة والكفاءة يتميز الباجيرو باقدرات العالية في جميع الطرقات المرصوفة والمعبدة والبرية والرملية والجبلية..

شخصياً لدي باجيرو 2012 مكينة 3.8 .. وصار له معي 3 سنوات و20 يوم بالضبط .. وقطعت به 136459 كيلو متر عند كتابة ردي هذا ..

ولم تتعطّل به قطعه واحدة ( الحمد لله ) أبداً رغم استخدامي الشاق له وفي ظروف متنوعة جداَ .. وطرقات مختلفة ومتباينة.
وما يميز قطع غيارة أنها.. أن تعطلت .. فعند تبديلها .. تنساها .. لان قطع غيار ميستوبيشي تعيش طويلاً جداً.

إذا أراد أي شخص شراء باجيرو فإني أنصح دائماً بالمكينة 3.8 لأنها الأفضل ..

أقولها من واقع تجربة

والله مستبيشي مش مثل نسان

مستبيشي تصنع صوارريخ وهوايل السيارات ولا شيء قدام الي تصنعه

والبيجيرو تحديدا يصنع باليابان تحت اشراف الشركه الام

وله سنين واهم يصنعونه مش توهم يصنعونه ومن 2007 الين الحين ما شفت عيب تصنيعي بالباجيرو الياباني

وهاذي وجهة نظري والله يوفقك

والله ياخوي انا شريتلي التيما من المعارض وطلع فيها خلل بالقير وهي ماشية 15000 وصلحتها ب6000ريال وبعتها بخسارة وعقبها حرمت المعارض والي بدون ضمان .