جدآ آستمتعت بقراءه هذا التقرير الجميل .
بصراحه سنترا سياره مظلومه واللي ظلمها اكثر الوكيل ..
يعطيك ألف عافيه آخي الكريم ، تم التقييم <3
الله يعافيك وشرفني مرورك
لو خيروني بينهما
باختيار بلا تفكير الكورولا
غالبا تكون سياره استخدام يومي ومشاوير كثيره وكرف
فلابد من وكيل قوي يخدمك من ناحيه الصيانه والقطع
والكورولا مشهود لها بالعمليه البحته
اما السنترا لسه جيل جديد والقير ايضا جديد عليها
والموكيل مش ولا بد
،،
ف اشوف انسب خيار للمستخدم اليومي لاجل بعيد كورولا
صدقت لكن السيارة في اول 3 سنوات لن تحتاج الوكيل ولا قطع الغيار حسب وجه نظري
بارك الله فيك على طرح هالتقرير وجعله في ميزان حسناتك
شخصيا أشوف هالفئه فيها الكورلا والألنترا والان دخلت معهم المازدا 3
أكثر مايعيب نيسان بالنسبه لي هو الوكيل اولا وثانيا قيور cvt اللي مسببه أزمه
ماشاء الله تبارك الله
افدتنا كثير عن السيارة
لكن من وجهة نظري , ملكة الفئة هذي هي الكورولا والآن دخلت المازدا 3 للمنافسة
النية كانت على مازدا 3 هالسيارة معجب فيها جدا وفي اختها مازدا 6 لكن يوم شفت فرق السعر 10 الالاف اخذت السنترا
يا اخونا راعي التقرير ابسألك هل قطعها متوفرة مثل : فحمات -سيور مكينة - موية اديتر اصلية - زيت قير اصلي خاص بالـcvt - وفلتر زيت المكينة - وفلتر هواء - الى اخره من القطع الاستهلاكية
اذا كانت متوفرة كم اسعارها ارجو منك الافادة
أفيدك لاحقا اذا سألت عنها الان ما عندي علم
ماشاء الله تبارك الله ..الله يعطيك خيرها ويكفيك شرها
اختيار موفق جدا مقارنه بالسعر ووفق ماتعطيك السياره
واشوفها افضل من الكورولا بمرااحل ومن الظلم مقارنتها فيها في جميع الاشياء جوده وشكل وداخليه وتقنيات
باستثناء الوكيل
وتجربه مثيره للاهتمام وغالب ملاك هذه الفئه لاتهمهم السرعه ولانها سيارات مدنيه ويوميه
جزاك الله خير أخوي وفعلا مثل ما ذكرت فرق كبير بالمواصفات بينها وبين الكورلا وايضا جودة تصنيع المواد الداخلية
يعطيك العافية
نيسان مشكلتها الوكيل.
الله يعافيك وفعلا الوكيل لا يستحق وكالة شركة كبيرة مثل نيسان
وكيل سيئ ولا يبدو انه يتحسن فقط فالحين في افتتاح فروع جديدة
ماشاءالله بارك الله، معي سنترا ستاندرد وودي اضيف زر تشغيل طبعاً مع كامل القطع بس محتار والله يوفق.
ما انصحك تسويها غير انها مكلفة وراح تشوه الديكور وما ادري تضبط او لا
رز تشغيل بدون دخول ذكي (بصمة ) احسه ما له ذيك الاهمية
اشكرك اخوي على التجربة الرائعة واسمح لي اضيف نقطة مهمة هنا وهي مطب يقع فيه الجدد في عالم السي في تي
وانا هنا اقصد انك ومن خلال كلامك كنت واثق تماما ان السينترا كسولة في القومة وان الكورولا انشط منها وبكثير
معليش اخوي .. هذا فعلاً الشعور اللي يجيك لكنه مناقض تماما للواقع .. السينترا انشط وبفارق واضح في تسارعها من الكورولا
والسبب هو السي في تي .... ادري مانت مقتنع ومعذور لان حتى خبراء السيارات اكلوا هذا المقلب
شوف عندك هذا الرابط تجربة قومة سينترا وكورولا وسيفيك ... ولاحظ ردة فعل الاثنين على النتيجة .. هههه
في النهاية كان خيارهم سينترا لانها توفر الكثير ... جودة مواد وراحة وابعاد داخلية مميزة وتسارع مميز
http://www.youtube.com/watch?v=Xr0jdF4jsRw
اما انا شخصياً فقد ذكرت في مشاركة سابقة اني استأجرتها واعجبت بها جداً لدرجة اني استفسرت من موظفي
شركة التأجير عن ملاحظاتهم عليها وكانت ردودهم إيجابية جداً .. ثم اني لم اقرأ او اسمع عن أي مشاركة
عن خلل في الس في تي الخاص بسينترا ابداً ولو حصل فهو استثناء وليست خلل مصنعي كحال الباثفايندر مثلاً
وقد يكون مرد ذلك والله اعلم ان السي في تي اكثر ملائمة للمحركات الصغيرة.
عموما السيارة رائعة وخيار موفق واضم صوتي لصوت المنطق والذي يجعلها الخيار الأول في فئتها دون منازع
والله يعطيك من خيرها ويكفيك شرها يارب
اتفق معك في الراحة وجودة المواد والرحابة لكن العزم والتسارع عجزت اقتنع شيئ :c0038:
انا عرفت السنترا قبل 9 اشهر كنت مسافر لخارج المملكة مع زملائي وكانت الرحلة توقف ترانزيت 14 ساعه في قطر وجيت استاجر سيارة قال محل التأجير ما عندي سيدان الا السنترا ستاندر ب190 ريال اليوم قلت فرصة اجربها وفعلا اعجبتني رساوتها ونعومتها في الخط والصرفيه ومن ذاك اليوم وهي ضمن الخيارات
مشكور اخوي Qassim Land على الموضوع
بصراحة كنت ودي اشوف تقرير عنها وزين جاء عن طريقك ومقارنتك بها مع الكوريلا
تقرير رائع لكن ليتك حطيت الصور بين الكتابة بدال ما تكون جميع الصور بأخر الموضوع لان كذا يكون التقرير أجمل
العفو يا مشرفنا الغالي وتشرفت بمرورك والتعليق
وبالنسبة للصور كنت ودي اتب الموضوع اكثر لكن الصور بهذلتني رفعتها على الدروب بوكس كذا مرة وبالعافيه ضبط ولا بغيت احط موضوع بدون صور :a1120(86):
