ايهما افضل تاهو والا اكسبدشن

أضف لخياراتك:

- باترول الأفضل بلا منازع في الرمال في فئة الجيوب الكبيرة

- السيكويا الأوسع والأريح والأقوى محرك في فئة SUV العائلية الكبيرة

اشكركم على تفاعلكم مع هاذا الموضوع والذي افادني وافاد غيري لكن احد الاعضاء ( فتى عمير ) يثني على الاكسبدشن فهل انت تقصد التاهو والاكسبدشن موديل 2015 والا موديلات اقدم شوي؟؟؟؟؟

الباترول ممتاز شكل خارجي وداخلي وعززل قوي وممتاز .. ما شاء الله عليه .. أشترها وتوكل على الله .. سكويا شكلها مع أحترامي لكم . بقرة . مدري كيف ما هضمتها . .. ارمادا ممتازه داخليته لكن بيتغير . كان عليها عرض قبل 4 اشهر قبل 170 ألف بعد 130 ألف سألت ليش قال بيتغير شكله ... رأي باترول أو الأكسبديشن ..

تاهو الجديدة فيها عيوووب تسريب موية الراديتر داخل السيارة ومنتشرة في اليوتيوب فأبتعد عنها .. الاكسبديشن جت 6 سلندر مع تيربو فصارت اقوى من المكينة القديمة من 310 حصان إلى 360 حصان . لتعطي قوة اكبر واستهلاك البنزين اقل . من ناحية الداخلية الطبلون تغير صار افضل وكمان المسلجل اما فتحة المكيف نفسها كمان الشمعات الامامية صارت عالي وواطي منفصلة بدل ما كانت واحدة .. وفي نفس الوقت اناجربت تاهو فل كامل واستاندر قسم بالله غير مريحة .. طبعا مع زملاء عمل .. اما الاكسبديشن فركبته مع جاري .. ما شاء الله مريحه .. والفورد مشهود من قديم انها مريحه .. والخيار لك .. اهم شئ انك تكون مقتننع ما عليك من كلام الناس كلن يمدح بضاعته في النهاية انت الذي تركبها .. يسر الله امرك .

اخوي انا اكلمك مقارنة بالاسعار الي انا ناوي عليها سعرها 175 وهذا اقل من سعر الستنادر في التاهو

حقيقية انا اثق بأعتمادية الاكسبدشن أكثر من التاهو ولا الفرق شوي

لكن

فئة محرك أصغر توين تيربو مش مطمئن لها كثير بالاخص توها نازلة عندك بشكل رسمي

لذلك أن بغيت نصيحتي لا تاخذ ولا واحد من هذي الخيارات!
بالاخص أنهم كلهم جديدة كليا وجديد كليا من أمريكي أنا منب مرتاح له أكثر من غيره على قولتهم "أول فوح كبه" :smilie16:

روح للخيار الياباني
أرمادا أو سيكويا
وأن كنت تقدر توصل للباترول أفضل وأفضل
طبعا الارمادا والسيكويا بيكونون أوسع من الباترول بالاخص الصف الثالث لكن أن كان الباترول اتساعه مناسب لك فلا تفوته :2smilie40:

من قال لك ان التاهو شاشته صغيره في النص فل
النص فل مثل الفل لكن الفرق في اشياء ثانيه

الشاشه الصغيره في الستاندر

بين الأثنين الأختيار سيكون لـ تاهو 2015 ..

أنصحك أنك تضيف خيارات جديدة :

نيسان باترول SE T2 جديد , سعره تقريباً 200 الف ريال سعودي
مواصفاتها , ثلاجة, فتحة سقف, كاميرا خلفية, باب خلفي كهربائي, حساسات أمامية و خلفية.
وغيرها من المواصفات الجميلة ..

أيضاً فولكسواجن طوارق 2015 , جيب جراند شيروكي أوفرلاند 2015 كذلك ..

و بالتوفيق لك أن شاء الله ..

انا معاك بالحيرة بين السيارتين

شخصيا نويت على الاكسبديشن و غضيت النظر عن التاهو بسبب السعر مقارنة بالمواصفات الي تاخذها لانه xlt فيه كل المواصفات الي انا ابغيها ما عدا البصمه وهاي مقدور عليها اعتقد بنفس السعر للتاهو بدون اي مواصفات

اعتقد داخليا اجوف الاكسبيديشن منظرها افضل خاصة مع شاشه 8 انش مقارنة بنفس السعر للتاهو الي بتكون بدون شاشه

التعليق المنفصل بيعطيك افضلية من ناحية السواقة

اخيرا وكيل الفورد بالامارات افضل من وكيل التاهو

انا انصحك بالتاهو

شكل اجمل
مواصفات اكثر
ونادر اقرأ الموصفات حقتها
فيه مواصفات ماحد يعرفها الا اذا جرب السياره
وعن نفسي عندي تاهو ٢٠٠٨ مطلعه اصفار. وفيه مواصفات وحركات توي اعرفها

ويوفر وقود اكثر من الاكسبدشن ٦ سلندر او مثله تقريبا!!!!!


في احد الردود يقول كلها عيوب وماحد يشتريها

انا اقول له روح التوكيلات في المدينه
وشف كم سياره محجوزه وكلها فل كامل!! الدفعات نصها محجوزه

واللي فيها عيوب سياره واحده او ثنتين من ١٠٠٠!!

نصيحتي لك خذ رأي الناس وارجع لرأيك انت وخذ السياره اللي عاجبتك

وابارك لك مقدما

الاكسبدشن الجديد سمعت تعليقه صار هوا وصار مريحححح الففف

وسمعت برضوا ان فيه مشكله بعد ما يعدي 70 ميل وتقدر تشوف موضوع بالوصف عن ذالك

وتاهو واليوكنن ممشاكلهم غطة اليوتوب تقدر تشوف واحد متعطل بخط والثاني شغال الدبل معه ما يطفي

واحد يقول قاسي

و بيني وبينك اعتقد انك سمعت بالمثل (( طلقها واخذ اختها قال لعنات على الثنتين ))

دور لك باترول ولا برادو ولا سكويا يتخيل لي افضل ونفس السعر ماهو بعيد عنه

والله يوفقك للي فيه الخير

نا رحت شفت الاكسبدشن 2015 المتد بدون دبل سعره حول 200

و اول ماركبته ماحسيت اني راكب سياره تصميم جديد نفس القديمه بتغييرات بسيطه جدت مع اضافه شاشه
غير الصف الثانيه و حركه السقف المنحوت فوق الراكبين الي عند الباب و في الوسط نازل عشان التكييف و المبات القرائه

بالنسبه لي ماعجبني بالمره و خاب ظني فيه لاني كنت حاطه منافس للتاهو لكني استبعدته

وفي الاخير الناس اذواق الافضل تروح و تركب السياره و تجربها و اذا تقدر تنتظر على الفورد الى ان يثبت جدارته على الاقل الى نص الصيف او في رمضان يتضح مع الغبار وضع المحرك الجديد و التيربو و مدى كفائته (طبعا هذي الفتره قصيره تعتبر لاختبار الكفائه )
حتى الموظف كل واحد يجي جنب السياره يحاول يقنعه فيها و يشغل السياره و من هذي الامور

اما التاهو غني عن التعريف و اعتقد الاكسبدشن اريح بسبب التعليق المنفصل و التاهو اقوى تحمل لانه مبني على اساس السلفرادو
بوجود الشاصي و الدفرنس الصلب

و بالتوفيق في الي تختاره

-------------------------

في الدمام التاهو بجميع فئاته LT بالذات بدا في الانتشار بشكل كبير اكثر من اليوكن الاكسبدشن ماله ذكر

عن نفسي اختار تاهو

- شكل جديد ولــ 4 سنوات قدام على الأقل اما الاكسبدشن اللي حصل عليه هو تحديث فقط

- داخلية التاهو أجمل ومواد أرقى من الاكسبدشن اللي كله بلاستيك

بالنسبه للراحه سبق وجربت الاكسبدشن 2014 والصراحه مريح جدا

لكن لحد الان ماجربت الجيل الجديد من اليوكن او التاهو , والتجربه خير برهان

فكر بالباترول

واليوكن....


^_^

انا مثلك احترت بس قارنت بعقلانيه

الاكسبيديشن سعره الجديد مثل التاهو ينقص 5 الالف تقريبا

مثل ماقالو الاعضاء مكينه تيربو شكل مستهلك مواد داخليه قديمه وتصميم كلاسيكي

لو كان على سعره القديم كان افضل

التاهو انصحك تجربه يوم ب 500 ريال وتعرف الفرق ولايهمك كلام الناس قرر انت بنفسك والله يوفقك

نزل الاكسبديشن وللحين ماشفناه بالشارع
والتاهو الجديد الدفعات بالحجز ، خذلك تاهو وانت مغمض