شوركم .. شفروليه إمبالا LTZ موديل 2016 او تويوتا أفالون ليمتيد موديل 2016

الإمبالا من مصانع شفروليت في كندا ، الماليبو هي اللي تصنع في كوريا

تنطقون في ما لا تعلمون
وللاسف انتم كثر

الافلون مالم يضايقك الحجم

اما مزيج شوفرليه ودايو ...لايستهويني بتاتا .....

بنظري افضل الامبالا ..

واتمنى رؤية الجينسس استاندر فيها مواصفات رائعه وتستحق قيمتها

واذا يهمك سعر البيع الافالون ضالتك او الهايلكس فيمسك سعره اكثر

الشفر سيئ زي م قلت مسبقا بالسيدان لو توسع خياراتك افضل واذا كنت ملزم خذ افالون

الامبالا افضل بمراحل

محيرة جداً

بالنسبة لي اختار الافالون
ليس سوء في الامبالا
ولكن سعر البيع يميزها

الأمبالا يميزها مواصفاتها مقابل السعر المدفوع ايضا السياره كبيره جدا

وهي الافضل بالمساحه من بين المنافسين وبعدها الأفالون , مشكلة الأمبالا

انها دفع أمامي كحال البقيه لكن المكينه بالطول وهالشيء مزعج لان اذكر

تجربة حسن كتبي للأمبالا ذكر هالنقطه وقال انه عيب قووي بعض الشيء .

الأفالون أفضل مافيها انها اعتماديه ووكيلها افضل السيئين وعيبه السعر غالي

والمواصفات مافيه لكن الخليجي افضل بزيادة رادار + تشغيل عن بعد + نظام مانع الأصطدام

والسعر أعلى طبعا وتحصلها عند البازعي

الإمبالا أوسع وأجمل وأقوى ماكينة من الأفالون

لكن السيارات الأمريكية ناجحة جدا في سيارات الدفع الخلفي 8 سلندر
الأمريكي يوكن وتاهو وسييرا وأفلانش وإكسبدشن و F15 ورام وهيمي وكابريس قديم وكراون فيكتوريا
أما سحب أمامي و 4 و 6 سلندر سيئة, بل الكوري أثبت جدارته أكثر من الأمريكي في هذا المجال

لذلك أنصحك بالأفالون ليميتيد من البازعي أو جينيسيس أو كوريس

وبالأول عليك بالإستخارة

جرب السيارتين و اشتر الي تعجبك .
وارفع يدك لانك لو تسمع كلام الناس ماراح تخلص ولا بتشتري السسياره و انت مرتاح

جرب السيارتين و استخير و توكل على الله

الامبالا بلون البني المحروق من الداخل صايره جميله

بالنسبه لكثره المبيعات لو تدخل على مرسيدس E مثلا شوف الي يبون يبيعونها ؟؟؟ هذا مو مقياس

بالنسبة لي شيفرولية امبالا ، افضل من تويوتا افالون بكثير , تويوتا بشكل عام سعر غالي مواصفات قليل

الإمبالا فيها أمان ممتاز و مواصفات ممتازه ماهي موجوده بغيرها كامله من كل النواحي وسعرها اذكر انه مابين 120 الف ريال او 130 الف ريال


السياره اخذت افضل سياره عائليه في عام 2015 من مؤسسة Kelley Blue Book الخاصه بتقيييم السيارات في امريكا والمعترف فيها دوليا

http://www.chron.com/cars/article/KBB-picks-15-best-family-cars-6092131.php


وفي رأيي الشخصي افضل سياره حاليا في هذه الفئه هي الإمبالا
وانا شايف بشكل عام في هذه الفئه السيارات كبيرة الحجم ، الأمريكي بشكل عام تفوق على الياباني والكوري مع احترامي لهم

بالنسبه للمشاكل ماادري عنها ماسمعت شي , لكن لو تبغى تبيع بعد فتره بسيطه خذ افالون ، اما اذا مستخدم لا والله امبالا امبالا

موفق ان شاء الله