لكزس أي أس 2016 Lexus ES , في أول صورة رسمية .

متى متوقع نزولها؟

اعجبني تفسيرك

ومثل ما قلت كثير الي يمدحون وكثير الي يذمون

وضاعت الطبخه

وراك معصب ياخوي !! ههههههههههه

وجهات نظر و الناس أذواق

وأنت خذ الللي يعجبك وترتاح له :smile:

ههههههههههههههههه :bigggrin::bigggrin:

غير صحيح ماذكرته اخي العزيز جمله وتفصيل

الحين الامبالا قبيحة ؟؟ والله ما قبيحة هالسيكل حققكم . اشيل الكزس حقك في شنطة الامبالا

بحثت في المواقع المتخصصه بالسيارات والمعارض والمنتديات الخاصه بالبيع والمقارنات وسألت اصحابها
صدقني خلاصة التجربه مافيه احد راح يمدح اي سياره ويجتمع على مدحها الكل ابدا مهما كانت لازم يكون فيه فئه معينه تذكر عيوب لهالسياره وربما هم على حق ,,,, اللي صنع السياره بشر بالاول لازم يخطئون ولو بنسبة 5 بالمئه على الاقل
اللكزس اي اس 350 مدحوها المداحين وكتبوا فيها النون وكسر النون وفي اتجاه اخر سبوها بعض ملاكها وبعض من جربها وذكروا عيوب لها ومشاكل والله اني ضننيت انها هايلكس 88 غماره من كثر مابالغوا

الى الان انا لم اشتريها ولم الغي الفكره من بالي لكن اللي استفدته هو
لاتسمع ولاتصدق كل مايقال فكل شخص صاحب هوى اما انه يكون ركب في السابق سيارات فارهه مثل الالماني من الفئات العليا ونزل لمستوى اقل وهو اللكزس وهي ليست مقارنه عادله ويبدأ يقارن ويجمع الفروقات بين الاثنين هذا الشخص في الغالب ستكون هذي نكسه له طبعا لايقارن الالماني باللكزس

وصاحب الهوى الثاني تجده شخص كان يمتلك هوندا او كامري او سياره اقتصاديه عاديه وطمح انه يمتلك لكزس وهذا الشخص بالذات وسواسي ومزعج للوكاله ويتعب نفسه بالاول ليش ,, لانه يضع اعلى المعايير في العالم لهذي السياره يجعلها سياره لاعيوب فيها لامشاكل ولوسمع صوت بسيط مثل اهتزاز المرتبه الجانبيه مع مطب لاسودت الدنيا في عينه من الهم لانه حط دم قلبه في هالسياره وهذا بعد عدة اصوات واهتزازات يصاب بالاحباط ويبدأ يسب ويذم السياره ولاينفع تاخذ وتعطي معاه لانه مقتنع انهم نصبوا عليه وتبدأ عروض البيع تنهال من هذه النوعيه من البشر لانه في باله يبغى يلحق على السياره قبل لاتطيح عليه من كثر الوسوسه اللي فيه وشوفوا عروض البيع على اللكزس في موقع حراج والله شي مو طبيعي وبالذات هالنوع es 350


ا


بالنسبه للجينسيس اشوف اللي يمدحها كثير ولابمدح ولا بذم لكن سياره كوريه من هونداي في نظري مهما صارت فخمه نهايتها كوريه وترجع لعائلة السوناتا والازيرا وسوقها غير مرغوب وبيعتها صعبه هذا الواقع وماحد يعرف عنها الكثير , البعد عنها مهما كانت مغريه المواصفات اللي تجي معها البعد غنيمه


الله يوفق الجميع

الرساوة غير الثبات :confused1:

ايش اسمها بالانجليزي ،، مثل ما تدرسها بهندسة السيارات

Vehicle Stability عندك مصطلح يفرق بين المترادفين بالعربي :bigggrin:

بالنسبة للثبات ( هذا الاسم العلمي بالعربي ) الرساوة المصطلح العامي لنفس الكلمة ، فيه عدة عوامل تتحكم فيه ،، التعليق ، تصميم الشصي نفسه و اتزانه ، توزيع العزوم ، انسيابية الهواء ، نظام التوجيه أيضا ،، هذا ميكانيكيا - و ما أتوقع فيه عاقل يشكك بقدرات تويوتا و لكزس من هذه الناحية ، لأن فيها علماء على مستوى عالمي و ليس فقط مهندسين

طرق ثانية لتعزيز الثبات باستخدام الأنظمة الالكترونية ، مثل نظام التحكم بالثبات ،، و هو ضروري جدا خصوصا لسيارات الدفع الأمامي ، و التي لاتملك نظام تعليق متكيف .

علميا تقاس : لأي سرعة تستطيع قيادة السيارة مع سيطرتك التامة عليها - هذا و انت تقود قيادة طبيعية ، ماهو تحاول تتحدى قوانين الفيزياء :bigggrin: -

تحياتي لك

شباب الي يسأل عن العرض

انا توي مكلمهم نزل عرض الشهر الماضي وجدد للشهر الحالي

خصم 10 الاف على الدفع كاش لاغلب الانواع .

وبالنسبة للتقسيط نفس السعر بس عرض دفعه اولى 50% وبالباقي اقساط 3 سنوات بدون ارباح .

سعر ES350 الأساسي قبل الخصم للكاش
سياحية 156,400 ريال فيها كل المواصفات ما عدا الي موجود بالي اعلى منها المكينة 3.5 , 6 سلندر , 6 سرعات القير , جنط 17 , حساسات امامية وخلفية , مثبت سرعه , جلد , ستارة خلفية كهربائية وستائر جانبية يدوية .
وسط 184,400 تزيد سقف بانوراما وشاشة ملاحه وجناح وحساس مطر بالمساحات
الفل 188,400 تزيد تصميم العجلات تختلف , الجلد نوعيته افخم , باب الشنطة بالمس مع شفط


اتمنى اكون افدتكم :xyxwave:

فيه فرق بين الرساوة وبين الثبات
هذا وانت تدرس عالم السيارات

الثبات وانظمته غير الرساوة اللي تتحكم فيها انظمة التعليق وقوة التصميم الهندسي والربلات

للاسف هذا هو السبب الي يخليك تشتريها

حاليا سعر الES350
١٥٦ الف بدون نفقيتور وبانوراما وكيمرا خلفيه وهذي الي افكر فيها لانها الاقل سعر و٦ سلندر
والفل ١٨٨ الف
بس ما ادري وش الفرق بينهم وبين الخليجيه
انا صار لي فتره اللف بالوكالات

الامبالا والفوكس واجن باسات ماتسوى تدفع فيها والسياحي من ٩٠ وفوق

والتورس والافلون هي اقربهم للفخامه بس سعرهم غالي

بصراحه محتار

هاللكزس بالنسبة لي مقلب كبير

مشكور يا غالي

بانتظار الكشف عنها



يا غالي لا أعلم مقياس الثبات عند البعض

يعني فيه سيارات من اللي كثير كنت أسمع عن ثباتها ، و منها الكامري مشيت عليها لغاية 160 ، بصراحة راسية جدا ، تخيل أتكلم عن كامري فما بالك بلكزس ES - ملاحظة الكامري كانت تحتوي على نظام الثبات الالكتروني اللي ناتفه أبو جميل منها - لكن الـES فيها النظام كتجهيز أساسي

و ثق تماما مسألة ديناميكية القيادة ليست موضوع معقد أو صعب بهندسة السيارات ، و لكزس من الشركات اللي وصلت مستوى متفوق جدا من هالناحية بعد أبحاث LFA

بصراحة أشوفها مسألة نسبية بالنسبة للأشخاص ، أما المعيار العلمي اللي نعتمده للثبات بتلقى أمثلة عليه باليوتيوب منها اختبارات الـSlalom . Moose Test و غيرهم

أما عن العزل نزلت تجارب كثير و كما ذكرنا يستخدمون جهاز قياس معدل الضجيج ، احدى تجارب المجلة الأمريكية Fast Lane Car وصف عزلها بكلمتين " Crazy Quiet " = هادية بشكل جنوني

ما أدري إذا يجيهم غير اللي يجينا أو عندنا الناس تبالغ الله أعلم

،،،

فقط من باب لايطلع واحد من المنتديات الأمريكية أو الأوروبية يكون يفهم عربي و يقرأ هراء :bigggrin: مثل عزل و ثبات عن لكزس

تحياتي للجميع

الجنسيس مكينة 8 سلندر و8 نمر موصفات خيالية وضمان مميز =بسعر es

الجنسس الان سعرها 130 الف ولكن بعد فترة راح يرتفع سعرها واتوقع يتجاوز

190-160 الف ابتداء من,,


الان علامة جنسس تحتاج ان تثبت نفسها وتجعل الجميع يثق بها كعلامة,,

واتوقع هذا الشي والارتفاع بالسعر راح يكون بالجيل القادم.


:ch19:

ومع ذلك حتى لو كان السعر مرتفع للــ gs لكن ماتندم على دفعه

لانه تقدم لك شيء مميز , البعض من ملك es استاء منها بسبب

دفع مبلغ وقدره وفي الاخير ماتقدم لك شيء مميز

وأنت وحر فيما تختار وتحب , بالتوووفيق







بالنسبه للعروض كل سيارات لكزس عليها عروض مستمر

وبالأخص es عليها عرض له سنتين تقريبا وهو تقسيط تدفع نصف السعر

والنصف الاخر تقسيط لمدة سنتين , لكن لاتنسى

مبلغ التأمين الشامل .





مشكلة غلاء سيارات لكزس هو الوكيل ابو جميل

ولا الخليجي أرخص او بنفس السعر مع صالح كثرة المواصفات للخليجي

عام 2013 كانت ls عند ابو جميل بسعر اغلى مقارنة بالخليجي اللي كان ارخص

بــ 40 الف لنفسه الفئه مع صالح المميزات للخليجي .

لكزس اذا ماتطورت اكثر راح ينسحب البساط منها

لكزس LS سعر مرتفع على تصميم لايطمح لمنافسة البي ام وال S من مرسيدس

لكزس GS مميزة ورائعة ومتعة قيادة لكن اخذت الطابع الرياضي أكثر وواضح في ضيق المساحة الخلفية

صحيح نزل عليها عرض ب 130 الف
استاندر
4 سلندر بدون شاشة
وفتحة سقف

مقارنة بالجينيسس استاندر واللس سعرها 130 الف
اخذ الجينيسس
6 سلندر ,, دفع خلفي ,, صيانة مجانية

مادام وكيل قوي سعر اعادة بيع ممتاز قطع غيار متوفرة
لو ايش ماوصل السعر الناس تشتري لاتسب وتذم انا جربت فترة
ابعد على حكم السوق السعودي والحمد لله السيارة عاشت معي على البركة
الموت مع الجماعه ارحم ولاكن في شيء مرة مهم مثلا كادينزا ماليبو es
تفتقد شي مهم التميز توقف قدام سوق نفس الصفة الي واقف فيها ثلاثة سيارة
نفس سيارتك وكمان نفس اللون