كنت اناظر الصفحة الرئيسية بالمنتدى وشفت موضوعك واعجبني جداً
وسجلت دخول عشان بس اشكرك على جهودك بكتابة المواضيع وتحربتك الصادقة ياليت انا وغيري نكون مثلك بالتجارب والطرح والحيادية
والاختلاف لايفسد المودة
انا هالايام قررت اشتري ان شاء الله سيارة
ما كنت اظن يوم من الايام ان إختيار نوعية السيارة هي أصعب قرار .
بديت افكر بعدد من السيارات بدات من مازدا 6 تبدأ من 68 الف , ثم فيوجن من الفورد تبدأ من 79 الف , ثم باسات من فوكس واجن تبدأ من 90 الف .
لكن بعدها قررت اخذ شي يميل للراحة والفخامة .
شفت التورس تبع فورد لكني حسيت ان اسعارهم مبالغ فيها تبدأ من 100 للتورس وتوصل لرقم خيالي عشان فيها دبل !! .
نصحوني البعض اذا وصلت لمبلغ اكثر من 100 اني اروح للكزس ES350 ب156 الف او ES250 ب146 الف وعليها خصم 10 الاف لكن للاسف للكاش وانا ابي اقساط .
لكني افكر احيان بأني إذا وصلت لهذا الرقم ممكن اخذ جنسس او تورس افخم من لكزس واعلى بالمواصفات وبنفس السعر , لكن تبقى اسم لكزس اكبر واشهر للناس
مع العلم اني ابي السيارة للتنقل بالرياض وسفريات بسيطة للمنطقة الشرقية ما تتعدى 4 مرات او 5 بالسنة وممكن مرة واحدة بالسنة اروح الغربية وانا مو راعي سرعات وهجولة ودوران .
والحيرة تستمر ,,,,,,,,,,
