تجربتي للجينيسيس 2015

160 الف سعر مغري لكن بالمقابل استنزاف مالي من ناحية الصيانة + صفر مواصفات


اذا تهمك المواصفات خذ الجينيسس
اذا ماتهمك خذ البي ام

طلعت حول 160 بدون عقد الصيانة المجاني، حسب كلام الموظف ان عقد الصيانة قيمته 22

ميزة البي ام عقد الصيانة المجاني
يريحك من المبالغ اللي تدفعها في الصيانة

بكم طلعت عليك ؟

الله يعطيك العافية اخوي تقرير موفق وحيادي بعيدا عن الميول ما قصرت

انا سجلت بس علشان ارد واستفسر منك عن بعض الامور
انا محتار جدا بين الجينيسس نص فل وبي ام الفئة الخامسة i520، جربت البي ام قيادة تجريبية اعجبتني لكن خذلتني ببعض الامور منها الشاشة صغيرة جدا ومافيها نافقيشن وتنقصها مميزات كثيرة مثل التدفئة والتبريد وحتى النقطة العمياء!! بالنسبة للجينيسس ما شاء الله ابدعوا فيها لكن شعار البي ام لحاله يفرق، الجينيسس ميزتها صيانة مجانية عكس البي ام (انا ماخذها بدون صيانة علشان كذا السعر طلع اقل وقريب من الجينيسس) من عيوب البي ام ايضا ان الشكل بيتغير بعد سنتين تقريبا او اقل عكس الجينسس، البي ام كشكل وهيبة داخليا وخارجيا لا يعلى عليها، يا ليت تعطيني رأيك ومقارنتك بينهم بحكم انك مجرب الاثنين وسبب التفضيل

الله يعطيك العافية مقدما وان شاء الله انك تفكني من الحيرة الشديدة اللي انا فيها

السلام عليكم ورحمة الله وبركاته
تقرير ولا اروع , وجهد مبارك , وموضوع يستحق كل الاشادة والتقدير
لقد تمتعت فعلا بالسرد والشرح الوافي وبالفيديو الجميل
بارك الله فيك
جزيل الشكر والامتنان
اخوك

لو تدخل حراج وتشوف اول موديل لجينيسس واللي هو 2009
سيارات نظيفة معروضة وممشاها حول ال 250 الف وبدون مشاكل

الجينيسس اثبتت نفسها من أول موديل لها

اللي معهم موديلات 2011 واللي هو الجيل القديم ما اشتكوا من شيء

وابو مؤيد عنده جينيسيس الجيل القديم وما اشتكى من شي

شركة ذيب لتاجير السيارات عندهم السيارة الجيل الجديد والقديم وسالتهم بحكم علاقات الصداقة معهم كلهم قالوا لي انها كويسة ومافيها مشاكل ابدا حتى وهي ماشية مسافات طويلة جدا

مع كل التطمينات هذه انا ما اعتمد عليها لكن اعتمد على الله ثم على عرض الخمس سنوات مفتوحة الكيلومترات يعني امشي 4 سنوات و250 يوم ومسافة 1 مليون كيلومتر وقول لهم مساعداتي خربت يغيرونها لك بكل بساطة هم اصلا يتحدونك انها تخرب :)

هم حاطين حيلهم بجينيسيس لاجل يحطونها ماركة لحالها تماما منعزلة مثل لكزس لاجل كذا مهتمين بالجودة وقلة الاعطال كثير

وجودة لكزس معروفة ما عدا الجي اس الجيل السابق هو اسوأ لكزس طلع للعالم كله من ناحية الجودة لكن باقي لكزس كله ممتاز

بصراحة انصدمت كثير ان كل هالمواصفات بالاستاندر ماشاء الله شي خرافي :c0214:

بناء على كلامك هذا بختصار لكزس يميزها عرضهم التقسيط بسعر الكاش وثبات السعر عند البيع خخخخ :a1120(121):
يعني مالها نصيب بالمواصفات الرائعة للجنسيس :mad1:

الموضوع يبي له اعادة نظر

في البداية كنت ضايع بين لكزس وتورس وكنت مطلع جنسيس برى القائمة , والحين انت رجعتها للقائمة مرة ثانية خصوصا اني من النوع الي ما يبيع سيارته بسرعه .:bigggrin:

بس هل صلابة وجودة صناعة جنسيس بعد 5 - 8 - 10 سنوات (اذا الله كتب لنا عمر ان شاء الله) تعادل اللكزس ؟؟ او بتكون مهتريه وتحتاج صيانة كثيرة ؟؟

انا باعطيك الجينيسيس الاستاندر اللي هي اقل شي وش فيها من المواصفات :)


1- شاشة ملاحة 8 انش
2- تسخين مراتب
3- نظام التحكم بنمط القيادة ( مريح - رياضي - اقتصادي )
4- نظام فتح الي للصندوق الخلفي يعني توقف خلف السيارة 3 ثواني وتفتح الشنطة لحالها
5- بانوراما
6- دفع خلفي + قفل دفرنس الكتروني
7- ضمان 5 سنوات مفتوح الكيلو مترات
8- قير 8 سرعات مع تبديل يدوي على القير نفسه او الدركسون
9- مكيف منفصل للجانب الايمن والايسر
10- جنط 18
11- ايرباقات جانبية وامامية
12- ليد نهاري امامي وزينون مع اضاءة اوتوماتيكية في الظلام
13- 311 حصان للمحرك


اتوقع المواصفات ممتازة على ستاندر بالنسبة للكزس

اللكزس نفس الافالون في الثبات يعني نسبيا ثابتة بس مو نفس ثبات الجينيسيس

اهم شي موجود باللكزس هو ثبات سعر البيع يعني حتى بعد 5 سنوات سعر البيع جميل فيها بصراحة لكن على مستوى الراحة الداخلية الجنيسيس اريح بكثير من اللكزس



اذا بتقارن الجنيسيس باللكزس GS قد تكون المقارنة صعبة شوي لان تويوتا مهتمة كثير بالجي اس

الله يعطيك العافية

اخوي يمكن انت تكون سبب بعد الله في فك الحيرة

انا محتار بين الجينيسيس واللكزس ES350
سعر اللكزس بعد الخصم الجديد 146,000 موديل 2015

قارنها مقارنة سريعه مع الجينسيس مثل مقارنتك الي سويتها قبل شوي مع الأفالون

وياليت مقارنتك تكون على اقل المواصفات يعني في الكزس بدون شاشة ملاحة وفتحة وحدة مو بانوراما وبدون جناح لان الي اعلى منها ب174,400 ريال !! فرق 30 الف ريال بينهم .

الف شكر

خياراتك محصورة بين الجنسس والافلون ابعد الامبالا,,


وبالنسبة لي انصحك بالجنسس افضل من الافلون,,

تستاهل ختم التميز على تقرير يعتبر من افضل تقارير تجارب السيارات

شكراً لك :xyxthumbs:

شوف هي عند الاحصنة ممتازة

يعني لو تحشر الار بي ام على 5 وتدعس بتمشي معك مثل الصاروخ

لكن التورك ضعيف عند الانطلاق

التورك هو الاساس في اي انطلاق والتورك المفروض يتعدى 350 نيوتن متر

مكينة السيارة على ثقلها و 6 سلندر اشوفها نشطية جدا

1- تويوتا افالون شيك بالجيب شكلها مقبول واعتمادية ومافيها اعطال ودفع امامي وشكلها ما يعطي او يوحي باي فخامة ابدا لكن مقبولة كسيارة عملية طبعا الثبات في الطريق نسبيا ثابتة تشتريها الان ب 150 الف بتبيعها بعد 3 سنوات يمكن 130 الف والعزل جيد جدا

2- امبالا مليئة باعطال الكهرباء ومشاكل المحرك واسال الورش واسال شركات التاجير عن مشاكلها وطبعا الثبات ثابتة ما دمت تمشي بخط مستقيم طبعا مانع الانزلاق كان سيء والوكالة نزلت تحديث له وحلوا المشكلة والعزل ممتاز

3- الجينيسيس دفع خلفي وشكلها فاخر جدا وفخم وضمان 5 سنوات مفتوح الكيلو مترات مع العلم بان عيوب الجديدة 2015 ليست ظاهرة حتى الان حتى للي عنده من سنة طبعا مشاكل بسيطة مثل ان حساس فتحة السقف يتوسخ موجودة عند البعض لكن الوكالة تعالجها لك طبعا السعر ينخسف كمستعمل الا اذا بعتها على الوعلان فيه ضمان السعر يشتريها منك بخصم 20% من قيمتها الاساسية في حال كانت سليمة العزل ممتاز


خياراتك الان بين الافالون والجينيسيس والكل لها ميزاتها انت اختار

تجربة مثيرة وممتعة تستحق عليها الشكر والتقدير يا سيد "اوتشيها مادارا" ، ولا تحرمنا من مواضيعك ومشاركاتك القيمة والبناءة ..


صراحة أنا محتار كثيراً في شراء سيارة عملية ومريحة من جميع النواحي والخيارات المتاحة هي :

1- تويوتا افالون 2016
2- شيفروليه إمبالا 2016
3- هيونداي جينسيس 6 سلندر 2016

اوتشيها مادارا

اجمل فيديو كشرح من ناحية اختبار السيارة كوضع رياضي

لك مستقبل ياغالي

لما تقول الفرامل - نفس كلام حسن كتبي اعجبته مره الفرامل

طيب لما تقول حاس بثقل السيارة مع التسارع - كيف تتوقع بيكون ادائها مع ال 8 سيلندر؟

شكرا لك

مافيه شي كامل حتى الالماني مع الاتقان بس السعر فيه زايد عن المستوى الطبيعي لغالبية الناس

ما انكر ان فتحات المكيف شكلها مو ذاك الزود بس المشكلة مع هيونداي انهم اعتمدوها في اغلب سياراتهم السوناتا والالنترا

والشمعات فيه نوعية ما تجي عندنا بعدستين زينون مو عدسة وحدة ولو تكون فل ليد افضل بكثيييير لان اضاءة الليد اطول في المدى واكثر سطوع من الزينون بكثير وغير انه يعيش للابد ولا يحترق نهائيا والاجمل من هذا وذاك انه ما يصرف كهرباء كثير بالتالي ما يحتاج لا محولات ولا شغلات الزينون الغبية بصراحة وهذا اللي خلى كل الالماني يتجه لليد لايت

بتشتريها من الوعلان ؟؟؟؟؟؟؟

المعارض ارخص مر على معارض النسيم تلقاهم يجيبون من الوعلان وارخص منه ب 10000 ريال تقريبا


افضل من الوعلان نفسه