رايكم ، هوندا اكورد او لكزس ES 2015؟

اذا لك نظر في غيرها
عندك الكورس منتازه
نفس سعر الes مستعمل وجديده

انا بعطيك اقتراح ثاني لان شكلك ودك بالكزس لكن محتار من مواصفاتها ولا تبي كوري.
ولا كان قلت لك الجينسس افضل خيار
اذا بتاخذ لكزس es 250 فانا اقترح عليك تفكر بـ is 250
اللي يميزها عن الـ es انها v6 ودفع خلفي
اما es دفع امامي v4
الـ is من ناحية ثبات ورساوه ما شاء الله كنك تسوق الماني وهذي من تجربه عندي السيارة من سنه و قيادتها ممتعه ما شاء الله
الـ is250 و es250 ما فيها مواصفات تذكر لكل السيارتين
و اذا ما يفرق معك الحجم لان ال is صغيره تكفي لـ 4 اشخاص بالغين وقيادتها رياضيه
اما es اكثر رحابه و راحه

فعلا كلامك صحيح

انا سقت لكزس اكثر من موديل واخر موديل كان 2014 بصراحة وجهة نظري لما تركبها تحس بفخامة اللكزس بس
من ناحية الرساوة احس ان رساوتها نفس الاكورد + الالتيما .

اريح شوي من الكامري والديكور ارتب شوي صحيح جودته مثل جودة ديكور الافالون لكن مافيه مواصفات

على مسالة الرساوة اقل من منافسيها حتى الفئة الاعلى اساسا والاكورد ارسى منها بكثييييييييييييير لكن اقسى في المركب

حياك أخوي
أنا ماقصدت من ناحية المواصفات والأمان ونحوه
أنا قصدت من ناحية المركب والراحة والرساوة ماحسيت انها تختلف عن السيارات الشعبية اللي ركبتها

الاكورد الستة سلندر لازم تغيير السير الداخلي حق المكينة كل 80 الف اتوقع لانه ربل
السيارتين تفرق بشكل كبير من ناحية العزل والهدوء لصالح اللكزس

مثل ما ذكر الأخ techmate
حل وسط : افالون بكامل مواصفاتها :xyxthumbs:

ههههههه

لا عاد اخوي سلطان موهالدرجة تقارنها بالكامري .

الكامري مافيها مواصفات خير شر حتى الفل glx حقها يجي ارباقيين ؟

ممكن حجمها حجم كامري لان حجمها من فئة السيارات المتوسطة .

سؤال لمن جربوا الليكزس ES
أنا ركبت كذا سيارة ليكزس ES مع اخوياي بس بصراحة ماقدرت أفرق بينها وبين الكامري في المركب
هل أنا اللي ملاحظ هذا الشيء بس والا كمان انتم تلاحظون نفس الشيء ؟

طبعاً لكزس ولافية مقارنة حتى اذا كانت اربع سلندر فهي افضل بكثير من فل ستة سلندر لهوندا اكورد
اترك المميزات والتقنيات والكلام الفاضي

واذا اخذت هوندا كورد تجميع صيني تراك بتندم
اللكزس رفاهيه وإسم وشعبية جارفة وشيك وقت البيع
يارجل توكل على الله
ترى اللكزس ماركة في الإعتماديه وهي الافضل بالعالم حتى من الشركات الاوروبيه الشهيرة
ادفع مالك بشئ انت واثق فيه والامان فيها عالي واعلى من هوندا اكورد بكثير
وكيل ممتاز وقطع غيار متوفره واذا بغيت تغير السياره بعد سنه يادوب تطيح من قيمتها يمكن حول العشره الاف
استخير بس وماعليك وراح تدعي لي

كنت باكتب نفس تعليقك وسبقتني

شوف اخي الكريم

اذا تبي الفخامة لكزس كاسم ولكن مافيه مواصفات ولا نظام جي بي اس ولا شي نهائيا تعتبر افالون بشعار لكزس

اذا تبي سيارة رياضية الاداء وقوية خذ الاكورد ستة سلندر وفيها مواصفات جميلة وكافية ورائعة



اذا ما تبي الكوري انا معك فيه لكن الجينيسيس غير وهيونداي سوتها لاجل تبين للعالم انها تغيرت تماما

طبعا الهندسة والتصميم والشاص وكل شي اصلا من شركة لوتس لكن الاسم جينيسيس هيونداي

الامان هي ممتازة جدا ولا تخاف وغير كذا ضمان خمس سنوات مفتوحة الكيلومترات يعني تجي بعد 4 سنوات و345 يوم وماشي 2 مليون كيلومتر وتقول المساعدات خربت يبدلونها لك ببلاش

شوف اذا انت تبغى سيارة حق كرف حرام تاخذ لكزس وتكرفها لكزس حق دلع .

خذا اكورد مادام انها 6 سلندر سيارة حق كرف وجودتها ممتازة .

بسعر أكورد 6 سلندر فل, عندك الخيارات التالية:
- لكزس ES350 سياحي
- جينيسيس سياحي
- أفالون فل مع GPS


شخصيا خياراتي على الترتيب لكزس سياحي – جينيسيس سياحي – أفالون فل – أكورد فل
وضعت الأكورد خيار أخير لأنها من فئة الكامري والألتيما والسوناتا

إذا اللكزس 250 فـ أبعد عنها

لان مواصفاتها صفر والمحرك 4 سلندر على شاصي أفالون

باختصار بيكون معك شعار لكزس فقط , أيضا الجنسيس تعتبر خيار

أفضل من الأثنين ولاتنسى انه سياره فاخره وافضل سيارات هيونداي هي الجنسيس

الجينيسس من 2009 اثبتت انها السيارة العملية رقم واحد في هيونداي
وغيرها من تويوتا نفس الموديل ضارب القير فيها :bigggrin:


بالنسبة للخيارات بين اللكزس والاكورد
اشتري لكزس وإذا طفشت منها بيعها وخذ الاكورد
تمسك سعرها

الصراحه الاختيار جدا غريب سياره مثل لكزس معروف انها من الفئه الفاخره مستواها والفئه اللي هي فيها ابدا مافيه مقارنه بالاختيار بينها وبين هوندا اكورد ..تقارنها بهونداي جنسس معقوله الواحد يحتار
بعدين واضح انك انت وبعض الاخوان عندكم فكره قديمه وخاطئه عن السيارات الكوريه السيارات الكوريه الآن تعدت في جودتها السيارات اليابانيه والامريكيه وهذه لغة ارقام ووقائع مش مجرد كلام ..
عموما اذا خياراتك بين السيارات اللي انت ذكرتهم اكيد لكزس بدون تفكير ولا تنسى ان الهوندا اكورد صناعة صينيه اذا تهمك نواحي السلامه

هل مقارنتك بين الاكورد V6 بكامل مواصفاتها وبين اللكزس ES250 ستاندرد؟
في هالحالة الأكورد أفضل بحكم ان اللكزس مافيها اي مواصفات تذكر

لكن اذا كنت تقصد ES350 فأكيد اللكزس أفضل
عموما الـ ES بيتغير شكلها لعام ٢٠١٦: