أولا :- يا أخي الكريم ماعلمتنا كم ماشي الموتر ؟؟ وهل عندك أي معلومات عن آخر مره أو بالأصح آخر مسافة اقيمت للسيارة عملية تصفية من تغيير بواجي - وفلتر هواء - زيت وفلتر القير .......الخ
ثانيا:- بما أنك تقول أنه السيارة تمام التمام وعالي العال كذا أفهم من كلامك أنه السيارة مشيها وعزمها وتسارعها وصفاوة محركها ممتاز ومافيه أي ملاحظات صح والا أنا غلطان أخي الكريم ؟؟؟
طبعا طبقا للكلام اللي قلته للك عن صفاوة وعزم المحرك اذا كنت انت متأكد وجوابك أنه اوكي معناته مافي أي داعي لعملية تنظيف البخاخات وأخذ كل هذا المبلغ بدون فائدة وأي سبب يذكر وهذا الكلام ينطبق أيضا على عملية التصفية ماشوف له أي داعي يا أخي الكريم واذا في شئ ضروري ماعليك الا فحص حالة فلتر الهواء وتنظيفه او التغيير اذا كان بحاجةفعلا للتغيير
مايخص لمبة فحص المكينة Check Engine لابد أن تعطينا وتوضح لنا الأكواد اللي ظهرت لك أثناء فحص السيارة بالكمبيوتر حتى نحدد ونشرح لك سبب كل كود يسبب ظهور هذه اللمبة لأنه هذه اللمبة أحيانا من شئ بسيط مثل / عدم احكام غطاء البنزين بشكل جيد , وجود مشكلة في أحد حساسات الأكسجين مع أنه صرفية البنزين وكل شئ عندك تمام
التربيط لو تدور لك ورشه ثانيه خاصه بالتربيط راح تلاقي السعر يفرق عن هذه الورشة واعلى سعر راح تلاقيه 50 ريال وراح يكون التربيط أمامك وببين لك العامل اذا فيه شئ ضروري يحتاج للتغيير أو لا
مشكلة صوت الصفير أو الاحتكاك وقت ماتضغط بريك هذه لابد التشييك على القماشات الأمامية والخلفية والتأكد في نفس الوقت من حالة الهوبات خصوصا الهوبات الأمامية هل فيها تموجات وتعرجات كبيره بحيث تحتاج فعلا الى الخرط والا بس صنفره وتغيير أقمشة ويروح الصوت وهذا يحصل في كثير من السيارات بمجرد تركيب أقمشة وصنفرة خفيفة للهوبات الصوت يختفي ولكن أنا بسألك هل وقت ماتضغط بريك تحس في رجة والا بس صوت الصفير والاحتكاك ؟؟ , طبعا وقت ماتشيك وتفحص الهوبات شيك على وزنية الجلنط (الهاند بريك) هل يمسك معاك بشكل جيد والا بحاجة الى شد
نجئ الى موضوع زيت ناقل الحركة الأوتوماتيكي (القير) + زيت الباور ستيرنج كلا الأمرين يستخدم لهما زيت Mopar ATF+4 وهذه صورة الزيت المخصص لهما
طبعا في شركات ثانية غير شركة موبار Mopar مثل شركة كاسترول
أو زيت من شركة فالفولينValvolinei
طبعا للأهمية والنصيحة نوعية زيت القير ATF +4 زيت تخليقي بالكامل Full Synthetic حرام يا أخي الكريم تغير زيت قير سيارتك لأنه تخليقي بالكامل وأكيد بها الحالة مسافة تغيير الزيت راح تكون كبيره جدا مثل ماوضحت لك أنا انصحك فقط بالتشييك عليه وتشوف اذا ناقص أو لا وبالمره راح يبين عندك حالة زيت القير
في النهاية يا أخي الكريم اذا حصل رد منك على موضوعك هذا أي استفسار وسؤال راح اجاوب عليه وأنا في خدمتك وهذا من صالحك حتى لاتكون ضحية واستغلال بعض الورش وتغيير أشياء مافيها أي مشكلةوأخذ مبلغ وقدره وكأنه راح يصنع صاروخ وهذا هو سبب ردي على تساؤلاتك واستفساراتك
