الاكسبيدشن ما زال الافضل للعائلة اكثر من التاهو واليوكن

رغم التغير الي حصل للاكسبديشن لاكن لازالت الجوده الداخلية دون المطلوب
طبعا من شهر لفينا اغلب الوكالات نبي نغيير موتر العائلة (دورانجو):smilie16:
وماحصلنا افضل بالنسبة لنا من الارمادا الفل كامل
طبعا حصل على تغييرات من جنوط وديكور الابواب






طبعا مايهمنا تغيير الشكل اطلاقا
اكثر مايهم هو الراحة ويكون عملي
السيكويا تم اسبعاده لقبحه فقط لاكنه عملي جدا
والسيارات الامريكية لنا دروس معاها

عشر طعش وصل سلامي للنمس :bigggrin:

الإسكاليد والباترول تسارع جبار كلهم في بحر 6 ثواني يعني في شوية متعة رياضية
المرسيدس gl كمان نفس الشيئ
أودي q7 نفس الشيئ كلهم فيهم نفس رياضي ومتعة قيادة

وش متعة قيادة:bigggrin:
تراها جموس واكسبدشن يعني سيارات سواويق او رب الاسرة الي عنده عشرطعش ولد

قال متعة القيادة

التاهو ستاندر مواصفاتها مثل مواصفات الاكسبدشن نص فل وفي اغلب السارات يعني نفس الاسعار تقريبا !!

ياسلام عليك انت فاهمني

ودي أعلق على موضوع السعر.. واللي أشوفه متقارب إذا أخذنا بعني الإعتبار قيام فورد بإنزال فئة غير موجودة في الولايات المتحدة اللي هي XL مثلا تلقى الاكسبدشن بدون عدسات للأنوار الأمامية ولا تلقاها إلا باللمتد بينما بالتاهو ماتلقى سيارة لونين وعندك أقل فئة مثلا فيها أنوار بعدسات والجنط مقاسه أعلى واللي يدقق يلقى مواصفات أخرى في التاهو متقدمة أكثر من الاكسبدشن.. يعني السعر أشوفه هو هو ما يختلف.

انت قلت التاهو متطور
ماهو التطور في نظر البعض هل هو الشكل ؟
gm غيرت المظهر فقط ولازال المحرك مثل القديم مع تحسينات فقط وليس محرك جديد بديل ناقل الحركة كما هو انظمة الثبات والتعليق لم نرى فارق او شئ جديد لازال التعليق الخلفي محور صلب !
الفورد غيرت الجوهر وهو المحرك الشئ الاهم استعداد لدخول السيارة بشكل جديد تماما عام 2017

عموما التطور بتقنية المحرك وانظمة الثبات والاداء العام للمركبة وليس كما يراه البعض شاشة وفتحة وكاميرا هذة الاشياء ابدعت فيها السيارات الكورية

يا ابو عبدالله الرجال مدح الجمس والشفر وقال اللي عنده فلوس يدفع عشان مواصفات اكثر يشتري اليوكن والتاهو
لكن
الحين وش اسوي بمواصفات اكثر إذا قيادة السيارة (التاهو أو اليوكن) أقل متعة من الاكسبيدشن
الاكسبيدشن قبل 2015 كان أكثر سلاسة ومتعة من التاهو والحين أصبح توجيه المقود كهربائي يعني أكثر متعة وسلاسة على كلام اللي جربوه .

أقول كلها سيارات حلوة ما شاء الله لا قوة إلا بالله ويعطي الجميع خيرها ويكفينا وإياكم شرها .
مواصفات الجمس الجديد أيضا ممتازة من رادار وغيره
والمسألة أذواق أيضا وحتى الشكل الخارجي فيه من يفضل الفورد ويعتبره أفضل شكل من الجمس .

الحين صار الاكسبدشن افضل عشان السعر بس!!؟؟
يعني لو نجيب لك سيارة ب ٥٠ الف بتقول افضل سيارة


صح الفورد ارخص من الجمس بس لازم تشوف كل المواصفات

يعطيك العافيه اخوي

وعليكم السلام

اتفق معك في ان الاكسبديشن الخليجي خيار رائع جدا ...

والغريب فارق السعر بينه وبين السعودي قرابة 30 ألف ريال !!

نعومة الفورد وسلاسة قيادته تخليك تستمتع فيه ... التاهو واليوكون قيادتها ثقيلة وأحيانا مملة !

شكرا لك على الموضوع ... :)

كل الفئات فيها حساسات من الخلف ومن قدام والمواصفات لكل الفئات أشوفها ممتازة
من كل فئة فيها نوعين se واحد و 2 وكمان le رقم 1 ورقم 2
توفر القطع والوكيل معاك
بس المكينة مافي إلى الآن مطارحة بين الأرمادا والإكسبديشن الجديد عشان نعرف
( أتوقع الأرمادا أفضل ) بس الصرفية الإكسبديشن ومافيها كلام
بس بالنسبة للجيل الجديد معاك حق حرام الواحد يشتريها

أنا اشهد على هذا الشي

جربت التاهو واليوكون الجديد و اليوكون دينالي و جربت الاكسبديشن

بالرغم من أني افضل سيارات جي ام لسبب واحد و هو انهم نازلين ب جيل جديد
ولكن بصراحه الفورد كان افضل منهم بمراحل من ناحية الراحه و من ناحية القياده و القوه و الصرفيه
لكن عيبه الشكل فقط و هذا الشي يختلف من شخص إلى آخر في ناس ممكن يفضلون شكل الفورد و العكس

مافيه مقارنة , نعم صحيح الارمادا جودته بطلة ومظلوم عندنا
وكل من استخدمه يمدحه

بس كتجهيزات يبقى الاكسبيدشن افضل وتوفر قطع وموزعين
والمكينة افضل

غير كذا حرام الواحد يشتري الارمادا الان وبعد فترة ينزل الجديد
لان الجديد بيكون شيء خورافي اذا كانوا بيبدعون فيه
مثل التيتان

بالفعل هذي ميزة الاكسبديشين

انا زرت الوكالة وتعرفت عالمواصفات وكانت جدا ممتازة حقيقة على سعرها
والفتحمة متوفرة الى الفئة 3
وكل الاشياء اللي تحتاجها موجودة

فقط يعيبها الجودة الداخلية+الشكل القديم في الفئة المتدنية
اما السيارة ماعليها غبار

وحاليا خيار ذهبي