محتاج شوركم : افالون 2016 او مكسيما 2016

المكس حلوه لكن القير cvt قتلها من وجهة نظري

ادخل موقع ابو جميل تشوف الامان كامل من الاستنادر للفل
ABS و موزع فرامل الكتروني ومساعدة فرامل و ونظام الثبات الالكتروني ونظام التحكم بالجر و 10 وسائد هوائية مايقدر يشلح اي شيء لانه هذولي من المصنع وامريكا واليابان ماعندهم لعب في هالشغلات اما المصانع الثانية خذ وخل

الافالون الجديد فقط تغير بسيط وطبعا مواصفات السامة من زمان فيه بس للاسف مانزلوها معنا
والان السؤال هل بتنزل بمواصفات امريكا؟ام انها ستكون مجردة من المواصفات

انتظر وقارن بالمواصفات والاسعار

أفالون حلو اذا كان مواصفات أمريكية ، ميكسيما الجديد تغيرت كلي مو مثل أفالون ٢٠١٦ تغيرات بسيطة جدآ

افالون مواصفاته حلوه ومريح وراسي وحلو وفخم
ماكسيما التصميم ماعجبني بشع شوي وفيها نفس رياضي
ليش ماتشوف امبالا مواصفاتها حلوة جدا الاكثر مواصفات والوسع سيارة وسيعة والطول ماشاء الله يوكن وسعرها فل 135 الف ومحرك 305 حصان وصناعة امريكي اذا ماعجبك ارشح افالون

في البدايه انتظر حتى نزول الماكسيما وشف أنطباع المجربين والمراجعات بشكل عام

طبعا الأفالون 2016 صار لها تحسينات خارجيه أماميه فقط اما الداخليه فــ هي نفسها

أيضا مواصفات الأفالون عندنا ناقصه ومشلحه للأسف مع ان الخليجي افضل من السعودي

بعدة أشياء مثل الرادار , نظام مانع الأصطدام , تشغيل عن بعد

لو تبغى فخامة أكثر وسواقتك رايقة خذ الأفالون
لكن لو تبغى نفس رياضي خذ الماكس
وكتقنيات قريبين من بعض لكن في تفوق للمكس الجديد

بالنسبه لي افالون ..

صار على الشكل الجديد موديل او موديلين وهذا يعزز ان الانتاج الحالي يكون قد تفادا العيوب السابقه ..
بالاضافه الى انك قد ترغب في بيعها ولن تخسر الكثير باذن الله .

المكسيما توها جديده وهناك رأي او اعتقاد في عالم السيارات ان يتم تفادي بقدر المستطاع اول موديل لسياره باصدار جديد .. لنفس السبب الي ذكرته لك في الافالون ..
وكما هي حكاية اعادة البيع في الافالون العكس تماما مع المكسيما .. مع توقعي الشخصي ان المكسيما اوسع وارحب من الافالون ..

الله يوفقك