غسيل محرك السيارة بالبخار

Wissam @user_53237 · 22-09-2015

السلام عليكم اخواني الاحبة

القصة ومافيها قبل يومين رحت اجدد ملكية السيارة (كامري 2003) قالولي فيها تسريب زيت .. سويه وارجع ... السيارة اعرفها ما تنقص غير كل فترة طويله زيت الباورستيرن ... فرحت للمغسلة اغسلها .. قالولي لازم بالبخار ... فغسلتها اليوم غسيل من تحت ومكينه بالبخار
والنتيجة كالتالي:

بعد ما طلعت من المغسلة... لمبة المحرك اشتغلت
القير تبديلاته جداً متأخرة واحيانا تحسه ما يعشق

المهم تبهذلت ... بعد ربع ساعة طفت لمبة المحرك من وحدها ... بس ظلت سالفة القير ... سقت فيها فترة ... بعدين صفيتها لباجر الصبح عسى تنشف ويتحسن الوضع :S

هاي تجربتي اليوم مع الغسيل بالبخار .. والي ما اتوقع اني اعيدها
اكيد الكم تجارب مشابهة ... فيدونا :)

super_safari @user_201024 · 30-09-2015

أنا أستغرب من هذه الأخبار! ما جربت غسيل البخار لكن الي أسمعه أنه آمن على الكمبيوتر و الحساسات.. طبعًا بخار و ليس ماء.
فهل يعقل أن تكون مجرد دعاية تجارية و سمعة غير صحيحة ؟

يوسيف خالد @user_275458 · 23-09-2015

السلام عليكم هو من المفروض عند غسل ماكينة السيارة بالبخار أو بالماء يجب تجفيفها بالهواء حتى ننزع الروطوبة من البوجيهات وأسلاك البوجيهات لانه هو الدي يؤدي الى تقطع في كهرباء السيارة وتتبدل عليك السيارة لهذا أنصح بالتجفيف الكلي للموتور عند غسله وشكرا

Wissam @user_53237 صاحب الموضوع · 22-09-2015

شكراً اخي Zabuza على مداخلتك
اليوم الصبح شغلتها اجربها ... لقيت لمبة المكينه شغالة ... وبالمشي القير كأنه ثالث او رابع ... لأازم احطها على 1 بعدين احركه لل2 بعدين احطه D عشان تمشي ... وطول الطريق اسوقها كأنها قير عادي
رحت للورشة وانا نفسيتي محطمة ... الرجال بالبداية قالي سوقها يومين خلي الماي ينشف بعدين تعال ... بعدها قال صعدها علجك اشوفها ... صعدتها ... لقى كيبل للقير مفصول .. الظاهر بسبب قوة دفع المي اثناء غسيل المحرك ... دفعه لمكانه ... وبعدها اشتغلت تمام

حبيت انقللكم التجربة للافادة ... ولو الكم تجارب .. شاركونا

Zabuza @user_300050 · 22-09-2015

كان عندي كمارو ١٩٩٦ وغسلتها من تحت بالبخار ولما طلعت من المغسله

صارت السياره ترج وتفتف وتقطع في المشي وتطفي علي لكن بعد ما نشفت السياره وجف الماء رجعت كأن مافيها شي

والسبب وجود حساسات تحت السياره :c0038: