السلام عليكم يا اعضاء منتدي السيارات معاكم محمد من الكويت جديد بالمنتدي وحبيت اطرح تجربتي للامبالا 2015
فالبدايه كنت ابي سياره سيدان تكون كبيره و مريحه وكنت محتار بينها وبين السيارات الي بفئتها مثل التوروس و الافالون والكرايسلر 300
والي شدني للامبالا حجمها الكبير ومقاعدها المريحه وسياقتها الممتعه اثناء التست درايف و صناعتها الكنديه وحصولها على اعلى تقييم في الكراش تيست و جائزه افضل سياره كبيره الحجم ب2014
ايجابيات السياره في نظري
امبالا 2015 LT
مريحه جدا في السفر والخطوط الطويله
ناعمه عالمطب
عزل الهواء ممتاز جدا
اقتصاديه السياره الفل يمشي 600 كيلو بالمدينه وبالطرق السريعه يمشي 750 كيلو تقريبا
المكينه ماشالله قويه وتبيض الوجه
ارتفاع السياره من الاسفل
رحابه السياره
سلبيات الامبالا في نظري
مكيفها يبيله وقت شوي على مايبرد خصوصا بعز الحر
المشاكل التي واجهتها
لما عديت ال5000 كيلو طلع لي صوت هزه بسيطه بالقزاز الخلفي عاليمين وتم حله بالوكاله
تقييمي للسياره
الراحه 9/10
الجوده الداخليه 6/10
الجوده الخارجيه 9/10
المحرك 10/10
المواصفات مقابل السعر 10/10
المكيف 7/10
عزل الهواء 9/10
الثبات 9/10
قوه المكابح 9/10
التقييم النهائي 9/10
نصائح للي بيشتري الامبالا
انصح الي يبي يشتري الامبالا انه يبتعد عن فئه LTZ لمقاعدها الجلد الغير مريحه و ورنجاتها (جنط) القاسيه
سعر سيارتي 9150 دينار كويتي + 500 دينار قسيمه مشتريات من الكترونيات الغانم
زبده الكلام
السياره حسب تجربتي لبعض السيارات الي بفئتها مثل الاوريون 2011 والمكسيما و التشارجر2013 لكل واحده لها ميزه فالتشارجر فيها متعه القياده و جوده في المواد الداخليه ارى انها الافضل بينهم اما الامبالا افضل من ناحيه الراحه و الرحابه والمكسيما و الاوريون لاشيئ يميزهم امانتا
وبرايي ارى ان الامبالا افضل ماجربت
واي استفسار انا حاضر
