هل تفوق نظام التعليق المغناطيس الجديد في التاهو اليوكن الفل 2015 على نعومة الاندكروزر

الجيل السابق كان قاسي خصوصا في الحفر والمطبات وكان يحسسك بان متصات الصدمات تقفل على حد معين خصوصا في الامام علشان لايحك خشم الموتر ومااعلم شي على الجديد

اللاند كروزر انعم من خلال تجربتي لكن الباترول الجديد لايعلى عليه في الراحة .

هو مساعد عادي مثل اي سيارة لكن يوجد بداخله بستم(بستن) والبستم مجوف من الوسط وتدخل في وسطه حديده على طول المساعد بشكل افقي ليتحرك فيها البستم,والبستم بداخله حقل مغناطيسي

وهذا الحقل المغناطيسي يتحسس طريقة السواقة 1000 مرة في الثانية, عن طريق مواد معدنية صغيرة جدآ على شكل حبات الرمل

وبعد ان يتحسس الحركة يعطي اوامر للمواد المعدنية الموجودة داخل المساعد

وعلى حواف البستم فيه عدة فتحات يدخل فيها الزيت والسوائل والمواد المعدنية,وهذه المواد هي من تجبر البستم على الحركةبعد ان تأخذ امر من الحقل(قاسي-لين-مريح-سبورت-غيره) حيث انها مثلآ تجبر الزيت ليبقى في الاعلى على شكل وسادة ليكون امتصاص الصدمة اقوى وهكذا..

صاحب الموضوع:انت تقصد موديل 2015؟

الاندكروزر له ثلاثة انواع من التعليق

1-العادي مثل اليوكن الستاندر

2-KDSS يجي على VXR وبعض انواع 2016الGXR.وهذا تقدر تتحكم فيه(وللأمانة قاسي شوي في الشوارع المكسرة)

3-الهدروليك على فئة VXR3 2016 الجديد نفس الكزس القديم,,,الكزس قاسي.!!

بالنسبه للفروق ...فرق كبيير ..ولصالح التاهو ..
لكن فيه عيب ..انه يكون نازل من الخلف . بشكل بسييط ..يعني اقدر احدد فئه السياره قبل ما اشوف الحروف !

والاندكروزر اعتقد انك تقدر تتحكم بارتفاعه و نزوله ! وهذا يعجبني انا ..بس ماهو ضروري

بس مستغرب من اللي يقول مافيه فرق ..!!

يعني ليش اتعب نفسي واخذ الفل من الاساس

ليش بدال ما ادفع في قيمه المساعد الواحد 200 ريال في النص فل
واضيع فلوس وادفع 900 ريال في مساعد واحد فقط في الفل كامل؟؟

اذا انت ما جربتها بنفسك ...لا ترد علي ;)

مع احترامي لك انت وولد عمك اما ولد عمك يسلكلك خايف على مشاعرك او خايف ترصه بعين او انك قاعد تسلك لنفسك وبن عمك مشاها لك
عاد يا حبيبي انت قاعد تقارن الدينالي بالعادي قووووووووووووووويه جدا

اصلا لم يتصف الاند كروزر بالنعومه في يوم من الايام حتى تقارنه باليوكن ... الاند سيارة اوف رود درجه اولى تتصف بالقساوه وعدم الراحه كا اغلب السيارات الاوف رود اليابانيه ولا يوجد مقارنه بين الامريكي و الياباني في الراحه والنعومه بالنسبه للتعليق المغناطيسي استغرب من الي يقول ما في فرق يعني با اعتقادك مركب زينه بس !!!???
مع احترامي للجميع انا ما جربت اليوكن ولا التاهو ولا اقدر احكم عليهم لكن يا اخي مو معقول سياره فيها التعليق المغناطيسي وهي في الفل كامل للتاهو واليوكن وزيادة السعر وبعدين في الاخير زيها زي الفئه الاقل الي تجي بدون تعليق مغناطيسي لا وصيانة او تغير اي شي يتعلق بالتعليق المغناطيس دبل العادي ??? !!!!

^

نظام تعليق متطور ، بحيث التعليق يكون متغير ع حسب الطريق ، اذا واجهه طريق وعر تلقائيا النظام يكون قاسي واذا كان طريق ناعم يكون التعليق مريح ، وهكذا .. واذكر قريت ان النظام يتغير ب اجزاء من الثانيه !
وايضا يستخدم لسيارات السبورت زي zo6 القديمه واعطت اداء افضل بالحلبات

صاحب الموضوع
انا مافهمت وش المقصد بالضبط .. لكن الاند كرزور ماشوف فيه راحه ولا نعومه مقارنه بالجمس ، وانا جربت الاثنين ومعي حاليا ، لدرجه اني اسافر بسييرا ولاندكروزر 2015 والسييرا افضل بالنسبه لي ، ربما وسع المرتبه هي السبب :p
عموما الاند كروزر افضل بكثير من الجمس بالبر تعليقه قاسي ومايرادح وتحسه ماسك نفسه ، لكن خطوط وديره الافضليه للجمس

وش تعليق مغناطيسي اول شي ؟!!

اعتقد ان التعليق في سيارات الجيل الجديد من يوكون وتاهو تمت معايرته ليلائم القيادة خارج الطرق المعبدة اكثر من الاجيال السابقة
فقد اصبح اقل ليونة عند مقارنته بالجيل السابق ولا علم لي بتعليق اللاند وان كنت اعتقد انه لايزال اقل راحة من اليوكون والتاهو

في ناس قالوا من التواير لكن أنا أقول من نظام التعليق وممتصات الصدمات يحتاجن تغيير خصوصا الأماميات
وبعدين إستجابة اليوكون للتسارع المفاجىء بطيئه جدا وأعتقد هالمشكلة تحتاج إعادة برمجة الثروتل

أنا عندي اليوكون العادي وبن عمي عنده الدينالي وما حسينا بالفرق وقاسي جدا بالمطبات