احب اطرح تجربتي مع الكاديلاك اسكاليد واتمنى تفيد البعض السياره ليست تحت يدي كامل الوقت لانها مع السائق ولكن اسوقها باستمرار واستطيع الحكم بذلك
الاختيار :
[SIZE="5"]الاختيار كان من عده اطراف اخواني الوالد والوالده انا كنت افضل الانفنتي QX80 بمسماه الجديد لعده اسباب انه اوسع و شكله كان جديد بعكس الاسكاليد من 2007 له 5 سنوات ذلك الوقت
ولكن الباقين كانو مصرين عليه والسياره جميله وتستاهل اخذناه يعتبر الفل كامل وليس البلاتينيوم الشورت وليس الطويل بسعر 270 الف حسب ماذكر مع صيانه مجانيه 4 سنوات او 100 الف كيلو[/SIZE]
المواصفات :
مواصفاتها جميله جلد تبريد تسخين مراتب فتحه مكينه قويه حول 403 حصان جنوط 22 نقطه عمياء DVD خلفي تشغيل عن بعد ..الخ
الايجابيات والسلبيات :
السياره شكلا جميله ومحتفظه برونقها مواصفاتها حلوه وسيعه وجميله بالخطوط والسفر قوه المكينه وصوت الاقزوز والايجابيات كثير جدا بزعمي
اما السلبيات
1/ السياره لا تتوفر ببلوتوث وهذا شيء جدا غير مع وجود زر للهاتف وكذك مايك فوق السائق وسالت الوكيل اكثر من مره بذلك الخصوص ويؤكد انه مايتوفر واتمنى انه موجود بشكل 2015
2/ جلد السياره حساس او جودته مو عاليه تحسه مو لاصق على الاسفنج نفسه ببعض الاماكن ومره وحده ركبت وطلع لو ن العبايه على السياره ولا طلع وسوينا له تلميع مرتين ونفس الشيء وصورت لكم المكان
3/ التعليق قاسي والسبب الجنوط الكبيره
4/ عند المطبات القويه تهتز كل السياره داخليتها اقل تماسك من مقارنه السيكويا وجيب لكزس اللي اجربهم بشكل مستمر
5/ المساعدات ماتتحمل بشكل كبير مره سافرنا بها مكه وكنا واجدين رجعنا وضربت المساعدات وبعدها بسنه كذلك خرب مساعدين وتم التغيير على الضمان
6/ الزينون العالي لو تكبس عليه يشتغل ويطفي ابو 5 ثواني فلازم تضغط عليه مرات عده عشان تنبه السياره اللي امامك او تخليه مشغل على طول
7/ المفتاح شكله سئ وليت دمجوه مع الريموت
وانه دايما غطا الجنوط ينسرق :bigggrin::bigggrin:
وتعتبر سلبيات مقبوله
الصيانه والضمان :
ميزه الصيانه المجانيه جدا جميله طريقه الجميح اذا صيانه فقط تستقبل السياره اي وقت والافضل تكون بموعد اما اذا يوجد ملاحظات لازم موعد والسياره تاخذ وقت الصيامه عاده يوم وتخلص والملاحظات على حسب
بس مثلا ملاحظه المساعدات اللي سبق ذكرتها لازم يصوروها وترسل الى جي ام وثم تاتي الموافقه بالاصلاح داخل الضمان وجلست عندهم اسبوع
المره ثانيه قلت لهم صوروها وارسلو التقرير واذا جات الموافقه جبت السياره وهذا اللي حصل
بعض الامور ماتشملها الصيانه مثل البطاريه الفحمات والاناره
مره انحرقت شمعه الزينون سعرها عندهم مع شغل اليد قريب 1500 ركبت بره نفس حق الوكاله بالرقم وكل شيء من كلايسلر ب 300 ريال ولا فيه اي فرق
نظام الصيانه يمشو على نسبه الزيت اذا وصلت 5% تجيبها الصيانه وبوجه عام اعتبرهم مقبولين مقارنه بالناغي وغير جيدين اذا مقارنه بعبداللطيف
الصور
هذا المفتاح تصميم غير موفق وكان الافضل دمجه بالريموت
واي استفسار تحت امركم
