هذه مواصفات السوناتا ياهل المازدا

عادية جداً و إذا تبغى التقييم اللي عليه الكلام فهذا هو تقييم الخبراء مو فلان و علان


هذا رابط تقييم السوناتا
http://www.thecarconnection.com/overview/hyundai_sonata_2016

و هذا رابط تقييم اللي أعلى منها و متوفرة ووكيلها جيد
http://www.thecarconnection.com/overview/kia_optima_2016

و هذا تقييم الأعلى في هذه الفئة ( لكن وكيلها تعبان عندنا وضعت الرابط من باب الإنصاف)
http://www.thecarconnection.com/overview/subaru_legacy_2016


هذي تقييمات اللي أخبر مني و منك بالسيارات و 1+1=2
و الذوق أمر شخصي و كل واحد و رأيه لكن عن نفسي اذا حبيت اشتري سيارة ما رح اخذ غير الاوبتيما لأنه هي الأفضل في فئتها هذي السنة.

راح أرد عليك بجمله قاله لك المراقب " أنا وسيارتي " سابقا



" مالهدف من الموضوع " !!

ترا احنا بعد ننتتظرك في موضوع المكاسيما

جيت هناك تقول السوناتا اكثر مواصفات من الماكسيما

سألوك الشباب وش هي

واختفيت ماعاد شفناك بالموضوع



اتمنى تبعد عن تعظيم السوناتا بهذا الشكل
وتهدي اللعب شوي

وازيدك موجد الرادار بعد بالمازدا ٣

المشكله شرحنا لك قبل في الموضوع السابق لكن شكلك مصر تحرج نفسك
روح شوف السياره بالوكاله وطالعها زين بعدين تعال افتح موضوع الرادار اولا ما يجي في الخليج ثانيا من وين جبت الهد اب ديسبليه في السوناتا
الزياده الموجوده غي السوناتا هوه تبريد وتدفئه المقاعد غير كذا ما في شي والبانورامه المبسوط عليها خلهم يعدلونها بالاول كلها اصوات وخرابات وخلي السوناتا تيجي ٢ ارباق في على الاستاندرد .
وراح اسرد لك ما تتفوق فيه المازدا على السوناتا
١. محرك متتطور جدا ذو كفائه استهلاك وقود الافضل في فئتها
٢. رادار
٣. تنبيه من الاستضام الامامي مع التدخل في ايقاف السياره قبل الحادث
٤. هيد اب دسبليه
٥. نظام التنبيه من الخروج عن المسار مع امكانيه رجوع السياره
٦. اناره led متكيفه بالكامل وذكيه ومتحركه وكل شي ممكن تتخيله
٧.ماوس للتحكم بالشاشه
٨.امكانيه ربط حفظ مقعد السائق مع مفتاح السياره
٩. جنوط ١٩
كل هذي مواصفات اكثر من الموجود بالسوناتا فيرجى اخي الكريم اغلاق الموضوع لانه سبق وناقشناه قبل.

نهائيا ماتجي برادار حتى الفئة الجديدة بتيربو فل كامل

وش المقصود بالرادار ؟؟ جهاز امامي يكشف الطريق امامك يرسل موجات كهرومغناطيسية
عاليه التردد تصتدم بالاشياء الي امام السيارة وتنعكس ووترجع للجهاز ويدري الكمبيوتر ان فيه
شيء امامه في الانظمة الارخص مثلا النيسان يرسل اشعه ليزر
نظام الرادار يستخدم في السيارة في نظامين وهو نظام التحذير من الاصتدام الامامي
ونظام مثبت السرعة الذكي المتكيف

الرادار غالبا يجيك ياعدسة في الامام ياقطعة لامعة او مطفيه خلف الشبك
وحاليا شركة دلفي الامريكية طورت جهاز رادار خلف الصدام الامامي رخيص التكلفة

هذه فديو لنظام الرادار واليوتيوب مليان فديوهات لجميع الشركات
https://www.youtube.com/watch?v=WtFbT_EMpbE

هذه السوناتا الامريكية فيها قطعه لامعه في الشبك الامامي


هذه ازرار مثبت السرعة للسوناتا الامريكية لاحظ زر رسمة السيارة وهو يحدد لك المسافة
بينك وبين السيارة الامامية


وهذه ازرار التيربو الفل كامل الخليجية لايوجد فيها

طبعا الشبك لا يوجد فيه قطعة الرادار (القطعة البلاستيكية اللامعة )

في السوق الخليجي الرادار يتوفر في فئة السيارات المتوسطة في المازدا6 فقط

اولآ ليتك تبدأ بالسلام قبل الهجوم!

ثانيآ ليتك وضعت مواصفات المازدا

ثالثآ المواصفات الي وضعتها بعضها ماتجينا

رابعآ :smile: انتشار المازدا يثبت عكس ماقلت,والأهم انها اخذت جائزه قبل فتره:السعر مقابل المواصفات

خامسآ قلتها لك قبل اقرأ..اقرأ..اقرأ..عندك مغالطات كثيرة في مواضيعك تعكس الواقع الي عشناه من قبل والي نشوفه الآن

وأخيرآ انت وضعت بصمتك :xyxthumbs:,ردودك وتعليقاتك هي مرآتك

خطا بامريكا الكامري ارخص من اكورد وسوناتا

ق,,,,,,,ق كلام جرايد جبلي سعودي من ربعنا مهايطي

مستعد يشتري كامري امريكي ويترك السسعوديه او الخليجية

وبنسبة للاعتمادية السوناتا تكرف اكثر بس جيل 2011-2014

كان نكبة ونكسة قوية

زين ،، دامك تعرف وش الدعوة سويتها أفخم من الأوروبي و من الـES و انت تعرف ان الكامري تيجي بكل هذه المواصفات و زيادة حتى بأمريكا 10 ايرباق ، نظام الوقوف الذكي ، مساعد الفرملة و غيرها

الخلاصة المشكلة باليابانيات من وكيلك و ليس لأن السوناتا فيها تقنيات ليست موجودة فيهم !

السوناتا رائعة لكن بصراحة مستوى الراحة و العملانية لا زالت أعلى بالكامري و هذا يفسر تصدرها مبيعات فئتها عالميا رغم انها أغلى .. هذا هو السوق و هو الحكم ... الالنترا أيضا رائعة لكنها لازالت لم تلحق مبيعات الكرولا ،، أيضا الكرولا نفس مشكلة الكامري أبو جميل ماهو مقصر فيها كعادته ..

بالنسبة للأمريكي بالعكس مهم جدا لأنه موجود عندك بالسوق تجار يجيبونه و في ناس كثير تسأل عنه ،، أنا شخصيا لو متواجد بالسعودية الآن و بغيت كامري مستحيل ألتفت للسعودي أو الخليجي حتى ،، أمريكية أو شوف لك سيارة ثانية ..

و أشكرك لحسن أخلاقك :wavey:

ياكرهي لامثالك , اعذرني بس جد وش ابي بحق امريكا
انا ابي الي عندنا صراحة شلفايدة من اني اعرف ان المواصفات الامريكية تجي كذا
هل بشتريها مثلا ؟

وبعدين مبين معلوماتك يبيلها تحديث اجل تقارن كامري بسوناتا؟

الكامري خلها تتفوق عالالنترا اولا ثم تحط راسها بذي

تجي بالسعودي الفل كامل كانك ماتدري تراني علمتك

يا غالي ما ذكرته كله متواجد بالكامري و المازدا و الألتيما بأمريكا و عدة أسواق أحرى ، و زيادة

السوناتا فيها زيادة عن الكامري فقط :
البانوراما
الشفط
فقط :wavey:

المشكلة بالوكلاء هنا :wavey:

تحياتي لك ..