تجربتي الشخصية لمازدا 6

أهلاً ياغالي ,
لم أذكر في ردي جودة الديكور أو مستوى الرساوة وأيضاً أنا أعني بردي السيارات السوناتا التي هي بنفس الفئه, من غير المنطقي مقارنة سيدان تصميمها رياضي بكروس أوفر يعتبر عائلي بالطبع سيتفوق في الراحة لأنه نسبياً مرتفع أكثر من السيدان وبالتالي يساعدها في تحسين العزل الأرضي.

وبإعتقادي أنا أو أي شخص آخر سيتقبل إي نقد إذا كان هادف, ولكن من طرح الموضوع مواضيعه تهجمية, بدون ذكر أسباب واضحة أو مصادر معروفة.

بالعكس انا كنت مثلك متخوف من السيارات الكورية وكانت عندي مازدا فل ٢٠١٤ وجلست معي سنتين كاملتين
لكن من بعد تجربة هيونداي سنتافي ٢٠١٥ لمدة 9 أشهر ايقنت تماما ان مايقال للكوري كلام فاضي تماما
جودة الديكور ومستوى الرساوة رائع ومقعدها اريح من المازدا بشكل كبير وصوت المحرك اهدأ

ربما اذا كنت تقصد السيارات الصغيرة مثل اكسنت او النترا او حتي السوناتا بصراحة ماعندي فكرة عن جودتهم !!

يا أ.منصور .. جرب الفورد فيوجن ..

ربما تجد الراحة المنشودة الي كانت في الكراون فكتوريا ..

وخاصة ان وسائل الأمان كاملة مثل المازدا ..

الجيلي لها خمس سنوات يعني تعتبر مولودة، تقارنها بالمازدا اللي تقريبا لها خمسين سنه ولها تجارب مع السيارات.
وكل سنه تطلع سياره جميله تطرح السيارات اللي قبلها ومثال زي السوناتا لما طلعت طرحت سوق السيارات وبعدين جات المازدا واكيد راح تجي سياره وتسحب البساط من تحت المازدا ومن نظري انا اشوفها الاوبتيما 2016
واما هيونداي وتويوتا فلا اتوقع انهم افظل من المازدا اضافه على انهم مايجيبون القطع الاصليه وهذا لعب على عقول المستهلكين. :c0214:

خله بحاله بس داخل المنتدى عشان يعيب بالسياره فقط كل مواضيعه تتمحور عن المازدا ويحاول باي طريقه يعيب بالسياره بدون دليل او حتى درايه بالموضوع او حتى معرفه اي شي عن السياره مجرد كلام.

المازدا كل المواقع تشهد بسوء اعتماديتها ؟ عطني مصدرك
بالنسبة للهيونداي والتويوتا ادخل موقع وزارة التجارة وناظر كم استدعاء على السيارة

وبعدين اخذ هيونداي ليش ؟
عشان لا مسكت خطت انفتحت صداماتها ؟
ولا عشان اذا هديت عند الدوار قلب المكيف حار ؟
ولا مع الإضاءة الداخلية القبيحة اللي نفس الجيلي.
ولا عشان الايرباقين ؟

Hyper Knuckles

شكرا لمداخلتك و راحة الكراسي شيء نسبي و الله يهنيك بالمازدا :smile:





yazeed
Concept-Design

إستعمالي لها يوم واحد وبما انكم من ملاك السيارة فكلامكم اصح من كلامي :xyxthumbs:




fhad2007

طبعا بمقارنة الفئة السياحية لكل من السيارات المذكورة تتفوق المازدا في:

6 وسائد هوائية
فرامل مانعة للإنغلاق ABS
التحكم الديناميكي في الاستقرار DSC
التحكم في الجر TCS

الكامري و السوناتا وسادة واحدة او اثنين بالكثير و ABS شوف موقع iihs.org لتقييم السيارة في حالة الحادث و خلي في بالك انه في امريكا الوسائد الهوائية كاملة و مافيها لعب زي السيارات الموجودة عندنا بالأخص تويوتا و هيونداي.

i-eloop هو نظام يخزن الطاقة في حالة تباطؤ السيارة و يحولها لطاقة كهربائية تستفيد منها السيارة. يعني تقليل لهدر الطاقة

http://www2.mazda.com/en/technology/env/i-eloop/

و أبشر بعزك لو جربت الباسات بنزلها :smile:





Cefiro
شكرا لمرورك. المشكلة كثير ناس تشتكي من الجير CVT و إلى الان مشاكله موجودة و بالنسبة لمواصفات الالتيما شفتها حلوة و يبغالي ادور عنها أكثر.

تبغى مقاعد مريحة خذ الالتيما المقاعد مستوحاه من تصاميم ناسا وكالة الفضاء الامريكية

المازدا حلو اشوفها الافضل تحت سعر ال100 الف ريال
لكن افضل الالتيما القادمة عليها 2016 لانها اريح و اوفر بنزين واعزل صوت واضافو تقنية الرادار لها لكن لا اعلم
متى تنزل للخليج بالضبط

شكرا لك ع التجربه السريعه ولفت انتباهي ويمكن الكثيرين الى نظام i-loop ... وش هالنظام ؟

وهل راح تنقل لنا تجربه للباسات ؟

وما هي عناصر السلامه الي وجدتها في المازداء6 ومفقوده في الكامري والسوناتا ؟

شوف بنهاية الاوضاع عندنا ماتساعد على الابتعاد عن الهيونداي وتويوتا
يعني فكر زين بلموضوع لاتقولي امان ومدري ايش ومواصفات

هل انت مستعد تدفع مبلغ فسياره مابتتصلح الا بمكان واحد يعني لو بعيد عنك بتاكل خابور
هل انت مستعد تدفع مبلغ وقدره فسياره بعد سنة نص سعرها يطيح .؟



شوف يمكن انت قدام الشاشة تقول هالكلام وانت اصلا معك هيونداي ولا تويوتا
ففلا تحاول تبرر بنهاية السياره وسيلة وليست غايه

ابهدل عمري فموتر زي مازدا , الي كل مواقع التقييم تشهد بسوء اعتماديتها
واترك المعروف وماسك السوق , شف المكاوية سووها وطاحوا بجلي واكلوها اكلة اليييييييمة:bigggrin::bigggrin::bigggrin:

الاستهلاك بين 15 إلى 16.5 اعرف ان السيارة اللي كانت معك مجلوده قبل لا تاخذها ومرتفع. وهو غير طبيعي اطلاقاً, ويتغير بتغير نمط القيادة , يعني لو خذيت وحده جديدة مستحيل يكون 15 او 16.5

أتفق معك في سالفة العزل .. أحس ان فيه تهويل كبير له ..
ربما لأن السيارة جميلة ومميزة فكان هناك تركيز على مسألة العزل مقارنة بغيرها ..
لكني أحب كلما سألني أحدهم عن عزل السيارة أن أقول العزل سيء عشان لا يتفاجأ بشيء آخر اذا شرى السيارة ..


بالنسبة لمسألة المقاعد ..
عني أشوف انها ميزة انها مقاعد "حاضنة" وبالعكس اتمنى لو كانت أكثر من كذا !!
لأن الطريق الي امشي فيه كله لفات وهذي الجوانب البارزة تمسكني في الكرسي ما اتحرك ..

على عكس الكراون فكتوريا جربتها مع أحد زملائي واتعبتني في اللفات وانا اتزحلق في الكرسي :smilie16:

كان عندي مازدا ٦ فل ٢٠١٤

وتقريبا كل ماذكرت تنطبق على سيارتي عدا طبعا زر السبورت

لكن من وجهة نظري ان صرفية البنزين تعبتر مذهلة .. لما تفللها تمشيك تقريبا من ٦٥٠ الى ٧٠٠ كيلو متر

وحاليا عندي هيونداي سنتافيه ٤ سلندر لما تفللها تمشيك ٥٠٠ كيلو فقط بحكم تانكي البنزين اصغر

مواصفات السلامة و الامان لهونداي و تويوتا الموجودة في السعودية مهزلة والافضل الابتعاد عنها.
حياتي اغلى من المبلغ اللي بيدفعه الزبون لو بغيت ابيع

و لو تحسبها صح في قيمة اهلاك السيارة بعد فترة بتلقى الفرق مو كبير بين تويوتا و مازدا عطفا انك بتدفع ضريبة توفر قطع الغيار لتويوتا مقدما لأن أسعار سياراتها غالية






ياخي و مين قال اني طول الوقت على الاداء الرياضي. جربته لفترة و عجبني لكن اغلب الوقت على الوضع العادي و حسب الشاشة الموجودة امامي كان الاستهلاك بين 15 إلى 16.5 لتر لكل 100 كلم

بالنسبة لصوت المكينة للتوضيح بدأ يتزايد عندي من سرعة 80 و الصوت شي نسبي من شخص لآخر. غيري يقول صوت الهواء في الباب مزعج و انا اشوفه عادي. و مثل ما تفضلت ثباتها رائع :xyxthumbs:

الله يعينك ...........

انا اختلف معاك بسالفة صوت المكينة و الصرفية اختلاف تام وبسبب انه السيارة بستة غيار يعني ما يمديني اوصل ال80 الا القير محول توه محول على الخامس و لسة باقيلك السادس كيف في صوت مكينة فهمني؟!؟!!!
الاحتمال الوارد انك طلعت من مكتب الاجار و انت حد الدعسة من شارع لي شارع فشيء طبيعي بتسمع زئير المحرك بالاضافة الى صوت العادم المزدوج الرياضي و بشكل عام ذكرت انك مفعل الزر القيادة الرياضية وهذا شي طبيعي انه النمر حتكون قصيرة و يرتفع معاك الار بي ام بشكل متكرر............................^^^^^ و كل هذا يؤدي ايضا لزيادة استهلاك الوقود ايضا ! يا اخي مايصير تسوق السيارة بشكل رياضي و تطلب منها تجاوب رياضي و تبيها تصرف كسيارة هايبرد!

اما من ناحية العزل الارضي انا معاك و صحيح يعتمد على نوع الاسفلت اللي ماشي عليه و اعترف انه كل سيارات مازدا عزلها الارضي ليس مثل التويوتا او الهوندا ولكن في المقابل ثبات المازدا لا يقارن بتويوتا وهوندا و عتقد انه العملية نسبة وتناسب اذا زادت الخشونة زاد الثبات اما اذا زادت الليونة زاد التارجع و الميلان.....و قد سبق لي قيادة بورش بانيمارا لاحد الاصداقاء فكانت خشونتها في الطريق وعزلها الارضي مقارب لحد كبير للمازدا بذلك تيقنت انه الموضوع كله يرتبط بنظام التعليق فكلما كان اخشن كان اثبت في القيادة والعكس صحيح.

هيونداي وتويوتا لاتبعد عنهم

قطع غيارهم بلبقاله - وين مابغيت تبيع الزبون موجود - لاجت مشكلة الكل يعرفلها

وصدقني مازدا مستقبلها زي مستقبل جيلي , تطيحون عليها كم سنة ثم وزززززع