حساس الحرارة وبلف الحرارة - كابريس 2008 تجاربكم ونصائحكم

أنا بالنسبة لي مايفرق كثير عن كلام أخونا Amount وبالعكس في سيارات حرارتها نفس الدرجة اللي وضعتها أنت أخوي مثل الشفر الامبالا الموديلات الحديثة

صباح الخير جميعاً

أمس جربت طريقتك أخوي Amount لكن كانت بالليل والجو بارد والسيارة كانت واقفة 12 ساعة بالظل تقريبا فالي صار:
بعد عشر دقايق تحمية وصلت الى السبعينات
ومشيت وشغلت المكيف ووصل مؤشر الحرارة للمستوى المعهود وهي تتردج إلى التسعين تقريباً
وقفت شوي يمكن ترتفع أزود ثم واصلت المشي ولكن كان أقصى شي لها تقريبا 93-94 (خلال ساعة من المشي)

مدري هل هذا يعتبر انخفاض؟ وبحاول أسوي تجربة بالنهار وأشوف النتائج

علق على الزر الايسر لتغيير قناة المسجل من الدركسون وشغل السيارة بتفتح لك معلومات السيارة انزل لخيار coolant temperature وانتظرها لين تسخن وعطنا كم درجة الحرارة اللي ظاهرة واول ما تشتغل المروحتين عطنا برضو قراءة درجة الحرارة

غالبا الحرارة الطبيعية اذا سخنت السيارة بين 95-98 وعند 109 تشتغل المروحتين على اقصى سرعة غير كذا بيكون عندك خلل

هلا وسهلا..
ارتفاع ماتوقع لان المويا ما هي ناقصة واستخدم مويا مقطرة مع العلم ان المويا الخضراء لسى بالرديتر لاني اصلا كان عندي مشكلة بمبرد القير غيرته قبل 3 شهور تقريبا فخليتهم ايضا ينظفون الرديتر والمكينة من أي مويا وحط المويا الخضراء حقت الرديترات.

بالنسبة للانخفاض انا هذا الي اشوفهم يلمحون عليه يعني كانهم يقولون الربع يعتبر نازل مو شغال البلف او العيار ! ذاك اليوم وقفتها عندهم وخلوها ساعة تقريبا تبرد وهي كانت شغالة من ساعة ونص او ساعتين تقريبا فلما شغلو بعد توقيفتها ساعة وفني الكمبيوتر شاف العيار على ثاني خط قال هذا ما شُغُل ! قلت ياخوي السيارة باردة :confused1:

هل فعلا تعتبر الحرارة نازلة؟! وبالنسبة لممشى السيارة 200 وكسور :smile:

الكود هو اللي راح يفصل الامر اذا كان مولعة من ارتفاع الحرارة او من انخفاضها عن الطبيعي
اذا كانت مولعة من ارتفاع فهي يا البلف قافل يا المراوح عطلانه يا موية ناقصة يا اديتر واﻻسباب ياكثرها
اذا انخفاض ماعندك الا البلف غالبا
السيارة كم ماشية ووش نوع الموية اللي تستعملها عادة ؟
وبعكس كلام الميكانيكي تماما الحساس هو اللي يتعطل غالبا البلف ما يخرب الا من ممشى كبير بحكم استهلاكه او من استعمال مويه غير موصى بها

والله الكود اني حاطه في بالي من موضوعي السابق :ch19:
لكن للأسف اول مرة بس قلتله عطني الكود وقالي معروف وفك الكبوت ووراني مكانه بالسيارة وعند راعي القطع وانا اذكر كأني شفته بكابريس 2011 بنفس المكان فتجاهلت الموضوع بعدين :rolleyes1:

ايه نعم نفس الصورة اللي وضعتها لك بالضبط في ردي السابق واللي أخونا العزيز " Amunt " قال أنه نفس المكان بحكم أنه عنده نفس سيارتك

- عموما اذا السيارة ماتلاحظ عليها أي شئ ماعندك أي مشكلة أنك تستخدمها وبدون ماتغير البلف مع أنه عتبي عليك ماوضعت لنا الكود اللي ظهر لك أثناء الفحص ...............شكرا لك وبالتوفيق أخوي

نعم أستاذ بشير وهو مثل ما ذكرت أعتقد، وهذي صورته من سيارتي (المعذرة ماهي واضحة :) )

طيب أنت شفت وين مكان الحساس يوم يغيرونه لك ؟؟؟

هلا والله بالجميع وشكرا لمشاركاتكم،، فعلا الحساس هو الي ذكرتوه ورحت للورشة قلت امس قلتولي الحساس غيروه هذا هو وشغلته بسيطة مثل ما تفضلتم واخذ عليها 80 ريال، لكن بعدين قلت للكمبيوتر يبرمجه لأن العلامة باقية ولما جاء تذكرني وسوا الفحص ولسى يقول فيه الخطأ ومسحه وقالي ما غيرت البلف قلت لا قال لازم البلف يتغير ونادالي المكيانيكي الفاهم عندهم!

قال الميكانيكي الحساس لما يطلع معناها بلف الحرارة فالطبيعي على طول تغير الحساس وتغير البلف دايم وهذا الشي معروف :blue: وقال بعد هذي 6 سلندر شغلها 600 مو 400 ريال! وهو مثل ما تفضلتم يجي مع الكوع الي يركب بالمكينة من ورا وقيمته 190 ريال.

قلت طيب تغييرة الحساس مي حل قال مو شرط لان الحساس نادرا جدا يخرب بالاضافة ان بلف الحرارة ما هو الكتروني يظهر بالكمبيوتر فظهور حساس الحرارة يعني تغيير البلف ولكن يتغير الحساس معاه أفضل ولانه بسيط قيمة وشغل. كلامه مقنع لكن تفاءلت انه غلطان ومشكلتي حساس وتغييرة الحساس بتحل المشكلة (الي قاهرني ان ما فيه مشكلة والحرارة طبيعية بس هالعلامة الي اظني خلاص بعود نفسي عليها :a120(115): )

المهم طلعت من عندهم مبسوط العلامة راحت ولكن اليوم قبل شوي ظهرت واظني ماني مصلحها او بنأخرها لانها اكلتني كثير السيارة هالشهر :smilie20::mad1:

من المعتاد مكان بلف الحراره يكون عند مدخل خرطوش الماء الي جاي من الرديتر الى المكينه

و البعض يسميه الكوع و صحيح البلف ان غيره وهو سليم ماراح يضر بشي لكن حركه استغفال و سرقه غير مباشره

لو تحط الكود الي طلع لك بيكون افضل عشان الشباب يقدرون يحددون الخلل بالضبط و تتفادا التكاليف الزايده

صحيح كما تفضل الاخ بشير اعلاه مكانه حول الدعوه هذي

احتمال بسيط أنه يكون مكانه مثل الصورة

اخوي لا تستعجل
اول شي لمن تفحص كمبيوتر

اخذ الكودات من عنده و ضعها هنا في المنتدى و الشباب رح يفيدوك اكثر

يعطيكم العافية استاذ بشير والأخ الفاضل Amunt

الحقيقة أني اشك فعلا ان تغيير الحساس لوحده بيحل المشكلة، لأن بالبداية قال حساس وما قال بلف ولما رجعتله المرة الثانية قال حساس وراح كلم الميكانيكي وقالي الميكانيكي حساس وبلف وقعد يقول تكلف 400 ريال لان البلف ورا الثلاجة وفكها صعب ومن هالكلام.
فأتوقع انها مشكلة حساس لكن لانها بسيط سعره لقيته بـ50 ريال أصلي وشغله اذا بسيط فبياخذ حولها شغل يد لكن الله اعلم ولا احط بذمتي انهم بيلهفوني بتغييرة البلف وهو إذا ما فاد ماهو ضار !!

اظني برجعلهم بقول غيرو الحساس لحاله، بس هو وين مكانه بالضبط؟؟

عليكم السلام

غير حساس الحرارة فقط سعره 80 ريال او حولها وتغييره وانت واقف خمس دقايق