نصيحة لشراء هايلوكس 2016

أذا السيارة بتخصص لتحميل عالي بشكل دايم ممكن بيكون فيه فرق أنه ياخذ عادي أفضل له :c0214:

لكن عن نفسي أذا أنا باخذ الهايلكس مستحيل أني أخذ قير عادي
لأني قد أمتلك قبل كذا قير عادي وكرهت نفسي وش الله حادني أتبهذل أبدل كل شوي بزحمة الرياض :c0038:

الله يسعدكم ويحرم وجيهكم على النار جميع ويزقني ويرزقكم من واسع فضلة

استفدت كثيرا من نصائحكم ومشاركاتكم

والله اني محتار أخاف اتوهك في الموتر وانا اعرف ان المواتر حضوض مثل الحبحب

ياحمراء يابيضاء والله يستر

حسب علمي وزميل لي بالعمل اشترى واحد يقول ان البريمي الافضل بالمواصفات اذا بتاخذ قير عادي اما الساير وارد الكويت ما يجي فل كامل الا اذا اخذت قير اوتماتيك

سيارة صاحبي بشاشه وكاميرا خلفية ومكيف خلفي


وارد ابو جميل افضل ما فيها شكل الجنوط والتشغيل بصمه

واذكر قبل اسبوع شفت اعلان هايلكس دبل 2016 وارد الامارات ب 82 الف فقط تخشيب ومكيف خلفي لكن الي تجي ابيض بدون خطوط
والخطوط ب 700 ريال تشتريها

والله يبو اسد مدري وش اقول لك

ولد عمتي الان بالش بالهايلوكس معه 2014تماتيك دفرنسين اذا حمل شعير يالله يمشي يقول يردني الهوى مل من الموتر ويقول عزمه ميييت مرره انا قد جربت القير العايدي والله بطل ويستاهل اما التماتيك شفته ب عيني فالطعوس فاااشل جدا
المواتر المكسره والقديمه تمر من عنده واهو باطح فالخد مييت عزمه جدا
التماتيك ماينفع الا6سرندل

بكلتا الحالات

سواء قير عادي ولا تماتيك

سواء دبل أو بدون دبل

أحرص أنك تاخذه فيه ABS وأيرباقين

شغلة تاخذه بدون هذي الانظمة الاساسية وأنت تستخدمه يوميا في المدينة فهي فكرة سيئة جدا عدم تواجد هذي الانظمة السلامة ففرامل الهايلكس بدون ABS نكبة وكذلك بالحوادث بدون أيرباق نسبة الأضرار بتكون خطيرة

انا كنت ناوي نصحك بالتماتيك لكن اصدمت من رد اخوي m.h14
اعرف واحد معه 2008 غمارتين تماتيك وجربه بالبر وسالته عن عزمه يقول احسن من GXR موديل 2007 الـ 6 سلندر الي أنت استأجرته ذاك اليوم :smilie16:

يعني عزمه حلو ماعليه (لمحبين الراحة)
طبعا الي بيسوق بتهور ونظام تحديات وعفس للموتر شيء طبيعي ماراح ينفع معه إلا العادي

عموما أين يكن السبب لا تاخذ سعودي مواصفاته ردئية جدا وأنواع التلفيق
خذ الساير او اليحيى أو أي شيء أهم شيء خليجي او بازعي ولا تقرب السعودي

خذ ديزل تماتيك ديزل بريمي البنزين ضعيف مره عن تجربه الديزل افضل منه بمراحل

الفرق بالاكسسوارات بين الموردين
احرص على الفل اوبشن وليست تلفيق وتأكد من رقم الشاص

حسب معلوماتي الافضل الساير ... وانت قارنه بغيره وشوف الاحسن

الاتوماتيك مريح جدا للاستخدام العادي
القير العادي للاستعمال الشاق سواء للبر او التحميل او غيره.

اذا بتأخذ دبل فيكون الافضل قير اوتوماتيك الا اذا بتأخذها للاستعمال الشاق.

قير عادي لا تشاور

خذلك وارد الساير ويفضل اذا بتاخذ دبل تبتعد عن اللون الابيض وتدور الوان ثانية
وعليك بالقير العادي ولاتسمع شور الي يقولك اوتوماتيك
+________+ بس الله الله تاكد ان الكشافات تجي مع الصدام مو كروم غبي زي حق ابو جميل

نصيحه ل وجه الله قبل كل شي

لاتشتري قير تماتيك فيه عيوب مصنعيه
من اول شهر من نزول الهايلوكس ال16 واحد يحكي لي السالفه
قابلني واحد في فرع ابو جميل واهو ضاايق مره يقول شفته ضايق وحالته حاله سكت قلت خله اذا طلع بنشده وش صاير

عقب رفع الاصوات والمناقر اللي بينهم طلع لموتره على معتقد بيدخله للصيانه او بيشوفون وش صاير

سئلته وش فيك قال الموتر فيه خلل فالقير التماتيك في نمره 4فيه بلا ويقول شف ذالثاني وراي موتره قير تماتيك ونفس المشكله

+
مشكله حصلت ل واحد اعرفه علق عليه الدبل ف الهايلوكس ال16 واهو توه شاريه للعلم انه اول مره يشغل الدبل والسبب انه فرار على طول حمله السطحه وعالوكاله


بالنسبه لي انا ب انصحك بالقير العادي الدبل حتى ولو كان به خلل وان شاء الله ماراح يواجهك
لكن القير التماتيك تراه بليه احذر منه
شفت لي ناس واجدين ف معارض الشفا عارضين مواترهم 16 تماتيك
ب امكانك تروح للمعارض وتشوف هل مشت ولالا


العاديه ما انصحك فيه اولا
طامنه عند القاع ولا تنفع فالبر اذا صرت ب تروح مكان وعر
وفالتغاريز ماتجمل عليك بالدبل وزي ماقلت لك القير العايدي

بالرياض
وأعيد عليك أحرص على الأرخص بعدما تدرس الفروقات لأنه حسب علمي الفروقات ثانوية

الله يعطيكم العافية جميعا والله ماقصرتم الله يبيض وجيهكم جميعا

ولكن معارض اليحيى وين بالرياض ولا الشرقية ؟؟؟؟

عن تجربة وارد ابو جميل صحيح السيارة مشلحة وملفقه وبتحس بالشيء ذا ورغم انه ااسيارة متلاعب فيها الا انه مكينة وقير ودفرنس ماشاء الله يتحملون تحمل عجيب خاصة اذا بغيت تسمع صوت vvti يطربك الموتر صوت في في اقصد تخلي السيارة تفتف :bigggrin: صوت طرب


افدتك وكومبو ماقصر معك التوفيق

وعليكم السلام

ماقصر كومبو11"

تعليقي على هذه النقطة

إذا كنت لست من رواد البر أو إستخدامك 98% على الطريق فلا أنصحك بالدبل بسبب الصرفية والقساوة

بالنسبة للقير,هو على حسب إستخدامك يعني إذا كنت تحمل وتطلع للبر أي أن استخدامك شاق أو جلف على قولتهم فالقير العادي يناسب هذا الوضع


وأنصحك تمر أو تتصل على أحد معارض اليحيى مسوي تخفيضات


بالتوفيق