بين اليوكن والسيدان / فرق القيادة

اليوكن مرتفع تقدر تشوف الناس زين بس رساوته اقل من السيدان

فرق كبير في القيادة و لو تطلب تجربة قيادة اليوكن من الجميح او التوكيلات يكون افضل

هذا اهم شي :D

مثل ما اقترحت ياصاحب الموضوع في ردك الاخير

جرب الموتر وشوف

والمسألة تعود لا أكثر

أنا متعود على السيارات الكبيرة SUV اكثر من السيدان :smilie16:

الاشياء الكويسة في الانتقال للسيارة الكبيرة

تعطيك مساحة رؤية أطول بالاخص انك تعرف وش قدام السيارة الي قدامك (أذا كانت أصغر) بسبب ارتفاع السيارة

ساعات الارصفة بتحتاجها اذا تقفل خط (ما انصح تستخدمها لعدم الحاجة القصوى)

في مستنقعات المياه نسبة الموتر يطفي أقل لارتفاع المحرك والأجزاء الكهربائية عن الارض رغم أني اشوف الصناعة اليابانية متفوقة على الامريكية بهذا المجال

ساعات ترتاح بالخط بالسيارة الكبيرة أكثر (أقول ساعات وتعتمد على نفس السيارة)

افضل شي تسويه، التاجير حل ممتاز، اسبوع خمس ايام عمل ويومين اجازة تشوفها بالشغل والطلعات

وأنا أفكر استأجر سيارة تاهو او يوكن يوم أو يومين فقط
من باب التجريب والتعود والممارسة الفعلية
هل هي كافية ؟

الله يعطيكم العافية
أرائكم ومشوراتكم محل تقدير
وحقيقة استفدت من ردودكم جميعكم

الفروق لازم كما تفضلتم من ناحية الوقود والسعة والراحة
واستشفيت من كلامكم
ان القيادة ليست بتلك الصعوبة التي اتصورها
وظرف اسبوع قد يعتاد الواحد على سواقتها

والتلبيق .. اكيد مختلف
وانا اقصد أثناء الطريق


لكم أعذب تحياتي

صرفية الوقود ماهي مثل السيدان مهما اضافو من تقنيات تضل يصرف بنزين بسبب الوزن والانسيابية
الرساوة خصوصا في اللفات ماهي مثل السيدان
العزل الهوائي ماهو مثل السيدان بسبب الانسيابية
المشكلة الاكبر التلبيق (توقيف السيارة ) السيارة طويلة وعريضة وقطر الالتفاف طويل بتتعب في
الشوارع الضيقة
في المقابل اتساع وراحة ركوب وتتحمل اكثر من السيدان

راح تشوف فروق كبيره ..

اولهم الراحه في الجلوس و الوساعه

أكيد فرق شاسع من ناحية قيادة و أرتفاع وغيرها من الأمور ,بس اذا عندك سيارة أساسيه ( سيارة صغيره ) يكون أفضل

في فرق كبير
انا صار لي حول 6 سنوات أسوق جيب نيسان أرمادا
يوم أسوق السنترا الصغيرة احس نفسي غشيم شويتين
هذا وأنا متعود على الصعب ( الجيوب ) المفروض السيارات الصغيرة تصير سهلة علي بحكم أن قيادتها سهلة
أتوقع بتحصل صعوبة ولكن مع التعود رح تتأقلم مع الوضع
النصائح إنتبه عند الدخول للمنعطفات
+ ركز وقت ما تبركن بأي موقف لأن القياسات تختلف وقد تنسى
خلي مسافة أمان بحكم وزن السيارة حتى لو فرامل كبيرة بس الوزن له ضريبة
المشورة بالبداية لا تتحمس كثير وخلك رايق وملتزم بالقاونين بحذافيرها
وبعدين بإذن الله تتعود ويصير ما عندك أي مشاكل

اكيد بتحس بالفرق ...

الفرق بين السيدان الصغيرة واليوكن كبيييييييير

1- طريقة الجلوس في اليوكن (الاجياب بشكل عام) مثل الجلوس على كرسي، والسيارة السيدان كانك قاعد على جللسة عربية ورجلك ممدودة على الارض.

2- التحكم في السيارة في المنعطفات(خاصة اذا تدخلها بسرعه) فيها صعوبة شوي عن السيارات السيدان، بسبب الحجم والوزن و الارتفاع للسيارات الكبيرة.

3- صرفية الوقود: بما انك بتاخذ سيارة اكبر من السيارة التي اعتدت عليها، خل في بالك ان صرفية الوقود بتزيد عندك، وخاصة اذا كانت عندك سيارة 4 سلندر فانك بتكون معتاد على ضغطه معينة على الدواسة، وفي اليوكن عندك 8 سلندر يعني لازم تتعود على دعسة اخف بكثر عن السيارة القديمة، تحاول تقلل من الصرفية.

4- احتمال تحس ان اليوكن قاسي في المطبات، ماعندي خبرة في هذي الموضوع لاني ماجربت اليوكن الجديد، وان شاء الله الاعضاء يفيدونك.

وعن الصعوبات ....
اكبر صعوبة بتواجها في البداية هي تقدير حجم السيارة مقارنة بالسيارة الصغيرة الي تعودت عليها، يعني في الزحمة او الامكان والمواقف الضيقة بتحس بصعوبة في تقدير حجم وابعاد اليوكن عكس السيارة الصغيرة.


والله يبارك لك في سيارتك ويعطيك خيرها ويكفيك شرها مقدما....


اخوك سعد