اللهم بلغنا رمضان لافاقدين ولامفقودين ..
.
في البداية مافكرت اشتري سيارة هوندا ابدا
لكن شفتها تمشي وعجبتني وفجأة شطحت واخذت اكورد
وحبيت اطرح انطباعي لسيارتي بعد ممشى 100 الف كم
طبعا راح اذكر ماواجهني من مميزات وعيوب بكل امانه
نوع السيارة : هوندا اكورد
فئة : اسبيشل مخمل
الموديل : 2015
الوكيل : سعودي عبدالله هاشم
الممشى : 103 الاف كم
نوع الاستخدام : يوميا امشي 234 كم
هل منتظم بصيانة الوكالة : لا
.
* العيوب :
1- قساوة عجيبه في مقاعد السيارة على سرعة 210 كم/س .
2- كسرة الدريكسون على الاخير طويلة جدا ، بمعنى ان لفة الطارة كاملة لجهه معينة تحس انها غير كافية بعض الاحيان ( وهذي المشكلة لاحظتها بموديلات 2008 الى 2016 ) .
3- مواصفات الاسبيشل قليلة جدا بالنسبة للسعر 98 الف ريال سعودي الى انها تفتقر بعض مواصفات الراحة مثل : بلوتوث ، كشافات ، كاميرا ، مقاعد كهرب .
4- صوت الجلنط اللمس اذا ضغطته بجهة الربط يطلع صوت غريب (ليس عطل) بس صوت يوسوس بك .
5- بعض اسعار الصيانات مجرد ارقام فلكية .
.
* الايجابيات :
1- راسية في الخطوط الطويلة وثابتة في المنعطفات على سرعات عالية .
2- المكيف اشبه بعاصفة ثلجية في الظهر ماشاء الله
3- وسع المقصورة الداخلية
4- الاعتمادية واقتصادية الوقود في المدينة والخطوط
5- قوة واستجابة الفرامل بدون زحلقة او تأخر بالوقوف
6- مواصفات الامان كاملة في جمييع الفئات
.
* تغييرات القطع في خلال ممشى 100 الف كم :
1- بطارية جديدة على الضمان
2- تم تغيير جلد كراسي مساعد على الضمان
.
* رايي في السيارة :
بشكل عام جميلة جدا واعتمادية للي يسافر كثير
صحيح ان سعرها مبالغ فيه لكن والله ماني ندمان اني اخذتها
وفي النهاية حبيت افيد غيري بتجربتي البسيطة المتواضعة
تحياتي لكم
