السلام عليكم ورحمة الله وبركاته
زي ماتشوفون ي اخوان ب نبدا على طول بدون مقدمات و سامحونا
ف البدايه كنت متشوق ل تجربة سيارات تويوتا خصوصا الافالون والكامري والكوريلا واليارس
والسبب لكثره الطلب عليهن خصوصا الكامري والكوريلا +الافالون لسبب الراحه والثبات مدحها لي زميل ولكن ماكتب الله نجربها
ولله الحمد تمت تجربة الكامري قبل كم يوم وبعطيكم المختصر المفيد
ف البدايه شكلها بعد الفيس لفت جميل نوعا ما
الداخليه لم يحدث لها تحديث ولكن مساحتها جيده
الراحه عاديه جدا لكن اعجبني فيها شي واحد وهو امتصاص الصدمات
حاولت اسرع مع الطرق المتعرجه وجازت لي السياره من ناحيه الامتصاص
المحرك هادي جدا
سياره اعتماديه وتخدمك ل مده خمس سنوات وانت مرتاح ولكن&اذا سلمت من العيوب المصنعيه
........
مواصفات السياره ما اقدر اتكلم عنها واعذروني توقعت اني راكب يارس بس ب شاشه
يشهد الله اني ما ابالغ لا تشغيل بصمه ولا تخشيب ولا مثبت سرعه ولا كمره خلفيه مشلحه بالعربي حاولت انبش الموتر ابي اطلع شي يمكن كنت ناسيه ولا لقيت ف الاخير ماحصلت قلت ب اشوف كم سعر الفئه هذي والقاها ب 77الف🙄
عزلها الارضي ف البدايه كنت راضي به ل حد ما لكن يوم ركبت بالخلف وساقها راعيها ل سرعه 160الله وكيلك تسمع وشييش حدر الموتر كنه موتري (العراوي)الله لا يوريكم
العيب الكبير والطامه الكبرى في السياره هو الديكور
يهتز وانا امشي واسمع قرقعه ايضا وحاولت اوطى على عيون القطط صرت اسمع تغريد وحاجات حلوه من السياره هذا الشي ما توقعته ابدا والسبب ان السياره مدحها كم واحد قلت لازم اجرب الشباب طايرين بها
الكراسي يطلع منها اصوات ايضا اذا صار الطريق متعرج
عزل الهواء متوسط
تكييف السياره جيد جدا الى جيد لايوجد مقارنه بينها وبين تكييف الددسن
مع السرعات العاليه ثباتها متوسط
صرفيه البنزين فيها جيد بالنسبه لي
القطع الاستهلاكيه نااار نااار
فلتر الزيت ب60
فلتر الزيت حق الباترول ب20
الله يخلي العيسى
فلتر هوا المكيف ب160
الشمعات والصدامات وما شابه غاليه طبعا لكن ما استفسرت عن اشيا كثيره
الفحمات بها عيب كبير و هي انها ماتدوم ابدا
خصوصا بعد اول تغييره تدلي تغييرها كل مره و بسرعه خلال 6شهور الى 8شهور تطلب فحمات حسب الاستخدام طبعا
ميزه فحمات الوكاله تطول لكن اذا غيرتها تدلي تطلب .هذا مقصدي
صيانه الوكيل للاسف يطلب على غير سنع تغير زيت وسيفون ب حدود 1000
سعر السياره مرتفع جدا
الاهم ف هذا كله انه يوجد abs🙃
كويس لقيته بعد
مقارنه ب مثيلاتها اليابانيه
اعطيها 55الف بالكثير
طبعا ليس كل مثلاتها يستحقون سعرهن الان لكن لم تتوفر لي جميع السيارات ف اعذروني
