الهايلوكس او الدتسن

أخوي(mmnk) أنا معك أن تانكي الهايلكس 2001 وتحت تعبيها 50ريال وهو 55لتر لكن ترى 2002وفوق يختلف فيه زياده 10لتر يعني يكون 65لتر وتمشي مثل ما تفضلت 500-550كيلو بالكثيروهذي تعبيها55ريال أو60ريال على حسب كلام واحد من الشباب
والددسن ياأخوي التانكي 65لتر ونفسها تعبيها55ريال أو60ريال وتمشي 620كيلو

ومشكلة القير موجود في 2003و2002 أما (2004)ماأدري عنها
لأن واحد من الشباب معه وحده محافظ عليها إذا جاء يعشق الخامس يطلع صوت غالباً وصحيح اللعن له دور لكن هذا وش تقول فيه
من ناحية الصبر ياأخوي لاأناولاأنت تقدر تحكم عليه لأنه على حسب أستخدام الشخص للسياره وعنايته فيها
[SIZE=3][COLOR=red]من ناحية القرقعه أقولك أخوي الهايلكس والددسن من بعد 1998م اصبحت جميع السيارات تقرقع مو بس هذولي الثنتين لأنهم حطو البدي خفيف علشان يمتص الصدمه على حسب كلامهم لكن الخميس اللي فات شفت هايلكس 2004فيها أصوات من وراء وصرصره
وإذا رحت إلى البر ماأشوف إلادداسن أقصد في البر (الصمان) مايصبرعليهم هناك إلاالدداسن
أما بر الثمامه هذا يأتون الشباب علشان كل واحد يطحن الحب اللي في راسه مافيه إلا لعن مواتر وتكسير
وترى الددسن أفخم وفيها راحه شوي أما الهايلكس أعوذبالله نمشي بخط عدال والسياره تهز
*ومع ذلك انا أقولك ان التويوتا الناس تفضله لأنه يمسك قيمته
*وترى للمعلوميه التويوتا (الصحيح) موجود في عمان عند وكالة البريمي (اللي منعها عبداللطيف جميل تبيع على سعوديين).
*والحمراني تفوق على عبداللطيف جميل بفخامة سياراته بإستيراد السياره شد بلد مايلعب فيها, *أما عبداللطيف اغلب السيارات مركب القطع في جده (مسجل ومكيف وخطوط جانبيه وفرشه أرضيه وحساسات وغيرها...)[/COLOR][/SIZE]

اخ ديزل بالنسبه لتانكي الهايلكس يعبي بـ55 ريال ويمشيه 500-550كلم
اما الددسن فانك تعبيه 65 وواحد اعرفه معه ددسن بخاخات يشتكي من صرفه يقول لو اني شاري فكتوريا كان احسن من الددسن...
ومن ناحيه القير الهايلكس فـ2002 كان فيه مشكله لكن 2003 حسنوه وبعدين على فكره اللي معه 2002 وانكسر قيره تراه لاعن الموتر يعني مايغير الا على الخط الاحمر انا اعرف واحد معه 2002 هايلكس ماشي (132000)وماشاء الله مااشتكى منه ابد ومشاه كثير في فتره قليله...وبعدين مواتر الحوض اللي بيشتريها لا يدور الدلع فيها مره ..لا اذا كان يدور سياره دلع يشتري صغيره ويريح نفسه...
وبعدين الددسن مو اصبر من الهايلكس ابدا ... اذا بغيت تعرف رح كده في البر وناظر القرقعه والله ان صندوقه ازعاج انواع القرقعه ..لا والبيبان لك عليها بعد...انا اعرف واحد معه ددسن 98 ربطه 3مرات يقول يقرقع على طول خصوصا البيبان لا واكثر استخدامه في المدينه مو بر...

معروف أن الكبار يحب الشىء الي فيه صندوق لكنه في نفس الوقت
يبغى المريح ياأخ (على احمد محمد)


والقير الأؤتوماتك ميزه ماهو عيب بالسياره والرجال أظنه يدور على الراحه والفخامه
والقوه والصبر والددسن موجوده فيها كل المميزات هاذي وأكثر
.ياأخ (هايلكس 2001 وبس)

وأحسن مافيها إنها شد بلد مالعبها عبداللطيف جميل

لكن الهايلكس الصراحه الأن صارت شبابيه اكثر من اللازم وليست مريحه بالنسبه للكبار طبعا

اما من ناحية الددسن فأظنها أكثر صبر من الهايلكس والدليل أن أغلب أصدقائي
معهم هايلكسات 2002,2003 عندهم مشاكل في القيورو ماهي مضبوطه وراعي2002غير القير مرتين أين هذا الصبر

أما من ناحية الهايلكس فهي تصرف بانزين كثير فالهايلكس تقطع 500كلم والتانكي 65لتر والقوه 160حصان
لكن الددسن البخاخ صرفيتها أقل من الهايلكس تقطع 650كلم و نفس التانكي 65لتر ونفس القوه 160حصان

مع العلم ترى أغلب الناس مايعرف أن فيه ددسن (بخاخ)
(ويوجد كاربريتر هاذي صحيح ضعيفه جداااا)وقوتها 114حصان وصرفيتها متعبه جدااا تقطع 400كلم فقط

وتقبل خالص تحياتي ياأخ (هايلكس 2001 وبس)و(على احمد محمد)

اش دعوه يعني بياخذ ددتسن قير توماتيك

يا ابوي هايلكس وبس ان كان بيطعس ولا لا

الهايلكس يتحمل اكثر

مشكووووووووورين ياشباب على الردود ...............والله يجزاكم خير.....

انا اقولك ((( الهايلكس ))) افضل
تعيش مده
اما
الددسن ماتعيش

السلام عليكم ورحمة الله وبركاته

ياأخ (فارس من الشرق)

كيف الحال

بالنسبه لأختيار الوالد أنا أنصحه بشراء ددسن نيسان من الوكيل الحمراني أو من معرض
وذلك لأسباب:
ولكن خذ مني هذه المقارنه بين الهايلكس والددسن :
1-/ الهايلكس تأتي للوكيل بدون مكيف ولا مسجل وبدون خطوط جانبيه لكي تكون بسعر أقل
لكن الددسن تأتي شد بلد من وكالتها جاهزه بكماليتها
2-/ الهايلكس لايوجد بها تخشيبه داخليه مثلما تأتي الددسن
الددسن تأتي تخشيبه حلوه جدا على الطبلون
3-/ تأتي الددسن قير أؤتوماتيك بينما الهايلكس لايوجد
4-/سعر الددسن أقل مقارنه مع الهايلكس
الهايلكس غاليه جداااا
5-/أغلب الأكستسورات في الهايلكس يتم تركيبها في جده مثل الحساسات و الخطوط الجانبيه, والمكيف,والمسجل وفرشة الأرضيه ورش الجنوط أسود وغيرها
عكس الددسن فهي يابانيه 100%
6-/اما من ناحية الراحه فالددسن بلا شك أفضل بكثير من الهايلكس
7-/يوجد في الددسن أنواع فمنها كاربوريتر وقوتها 114حصان
ومنها بخاخ وقوته 160 حصان وهي نفس قوة الهايلكس بالضبط
مع أن الكثير يقول أن الهايلكس أقوى ولكن هذا هو الواقع ولاتكون الهايلكس أقوى إلا إذا كانت فلاتر أو مراوح كهرب أو هدرز أو ملغومه وأما إذا كانت شد بلد مستحيل أن تكون أقوى من الددسن البخاخ.
ومن معه هايلكس فليجرب مع ددسن بخاخ وينظر النتيجه بأم عينه
8-/ الهايلكس الأن أصبحت شبابيه ولهذا السبب ذاع صيتها بين الشباب وتجاهلوا قوة الددسن البخاخ وإن البعض يظن أن الددسن غير قويه لأنه لايعرف إلا الكاربريتر فهي ضعيفه وغير قويه بالنسبه للبخاخ
ولو قارنا لوجدنا أن الددسن تتفوق بكثير على الهايلكس من حيث الراحه والفخامه والصبروالقوه
فأنصح الوالد أن يقتني ددسن نيسان وخذ شوري
والله يعطيه من خيرها ويكفيه شرها


وتقبل خالص تحياتي العطره

وغير إم اعزيز لاتدور

الرجال يقولك لابوه موله
الشايب مارح يقاوم ولا بيتحدى ولا بيطعس
تحياتي,,,,,,,,,,,,,,,,,

هلا
طبعا الهايلكسس وببسسس وباقي ياكلل خسسسسسس


قوههه عزممم صبرررررررررر تحدي في الطعوسس هافموننن


غير الهلللي لا تدورررررررررررررررررر

ومن ناحيتت الشكلل شف الهايلكس شكلله تحس بالطعوس والناسه

ام الددسن كنههه زوللللللللل


تحياتي