نبي نشتري سيارة عائلية ونبي فزعتكم

طيب فكر بتوسان . ررخيص وعملي وينفعك

بصراحه فكر في كيا كرنفال وشوفها في المعرض , مريحه جدا واسعه و سعرها معقول واسهل في الطلوع الدخول والخروج. وقطع غيار الكوري معروف برخصها نوعا ما .

وبصراحه استبعد تويتا فورنشر : سيارة دفع رباعي وقاسيه جدا عن بقية السيارات لانها مخصصه للبر وكمان فيها عيوب بالعزل بعد السرعه 100

التاهو الجديد
الركوب فيه متعب ومقاعده بتصميمها الجديد غير مريحة
هذي من تجربتي , هذا غير ان شنطته ضيقة وما تشيل شيء

الباترول
ممتاز ومريح وعملي ومراتبه عندي اريح من التاهو والسكويا
لكن يشرب بنزين + شنطته ضيقة

===

فيه خيار الي هو الاكسبيدشن اوسع وشنطته وسيعة وجيد

===

ملاحظة بسيطة :

ترى الواحد اذا وده يشتري سيارة عائلية مب ملزم يشتري جمس ولا تاهو
اغلب الناس صاير عندهم هالهوس بالجموس حتى لو ماعنده فلوس ياخذ قرض
بس عشان يشتري وهو لا هب مريح ولا حتى شنطته تؤدي الغرض

===

فيه سيارة مظلومة بالمدح انصحكم تشوفونها بتعجبكم وراح يعجبكم سعرها
الي هي النيسان باثفندر , مراتبها مريحة وتوفير البنزين ممتاز ووسيعة
مراتب الصف الثالث في الباثفندر اوسع من التاهو من تجربتي
ومرو الوكالة وشوفها

حتى سعرها ارخص بكثير من التاهو والجموس والجيوب
سعره بـ 100 الف

وجودة المواد الداخلية فيها عندي احسن من الاكسبلورر رغم اعجابي فيه
لكني ركبت الاثنين والكفة لصالح الباثفندر

يعيبه فقط سعر البيع لكن اظن انتم بتستخدمون منتم حقين بيع

===

انا باختصار نصيحتي لا تدفعون 150 ولا 160 عشان جمس ولا تاهو ولا باترول
هذا مبلغ كثير وخاصة على سواق يمكن يدمرها بيومين
وانتم توكم طالعين من خساير عقب الاكاديا

فيه خيارات باسعار معقولة كثير :
الباثفندر
الاكسبلورر
الاكسبيدشن ( الي هو بحجم التاهو واوسع منه بالشنطة وسعره بـ126 ارخص بمراحل )
الفليكس

===

أنصحك بفورد فيليكس

مريحة جداً جداً وركوبها سهل تنفع للعائلة ولكبار السن

التاهو جميل جدا مريح عملي سعر جدا مناسب وسياره ليس عليها كلام

عزيزي صاحب الموضوع

نصيحة شخصية وأخوية لا تقرب اي منتج أمريكي أذا تبي راحة البال ولا تبون تريحون مع السيارة م ناحية الصيانة الدورية أو الاستهبالات في الخرابات والملاحظات فلا تقرب اي امريكي مهما تم أمتداحه

والي بيقنعك ان السيارة مع المحافظة اموره طيبة أعرف كثير من يحافظون بشكل غير طبيعي ومتبهذلين مع الامريكي فلا تكررون نفس الغلطة كنصيحة شخص تاريخه قديم جدا مع الأمريكي

خذو اي منتج ياباني بالدرجة الأولى ثم كوري

سيارات الفانات بتكون اريح لوالدتك شفاها الله وعافاها في الركوب من السيارات الكبيرة كالسيكويا والباترول وماشابه ... الخ

بريفيا كويسة (اذا مافي اهتمام بقوة المكينة) وأينوفا أقل جودة وممكن اقل امان من بريفيا وبرضو كويسة

شوف وش الي يعجبك أو عطنا وش الي حاط عينك عليه وحنا ننصحك

انصحك بالهوندا بايلوت 2016
لعدة اسباب سيارة يابانية وهوندا معروفة بالجودة ثانيا ماتحس انك تسوق سيارة كبيرة ماخذة خمس نجوم في اختبار السلامة

اللي ينصحك بالفورتشنر لعائلة ولإمرأة كبيرة عز الله ما نصح.

وإلا اللي يقولك المكينة ضعيفة، يعني العائلة تبي تشارك براليات وإلا تبي تطامر بهالبران!


غالبا السيارات الأمريكية (suv) بما فيها الاكسبدشن والإكسبلورر والتاهو ... إلخ ركوبها غير مريح لكبار السن.


كما أن السيارات اليابانية بقدرات الطرق الوعرة كاللاند كروزر والفورتشنر والباترول أيضا مرتفعة عن الأرض وركوبها مرهق لكبار السن والعوائل.

إكسبلورر لمتد جيد وممتاز لكنه مرتفع قليلاً
الوالدة ولله الحمد بعافيتها وتقدر تمشي ولله الحمد
لكن تقول الفورد مرتفعة لو فيها دواسات جانبية أفضل
اتوقع أنها تجي كخيار ويمكن لا

الاكسبلورر هو الي يلبي طلبك

انصحك من بين كل هالخيارات

الافضل هو الباترول

واذا الميزانيه ماتساعد عندك الاكسبيدشن سعره رخييص مرره

والسكويا ايضا لكن ارى ان سعره مرتفع بالنسبه للاكس بدشن


اذا ب تاخذ الباترول ب ترتاح عندك بترومين ف كل محل لا زحمه ولا قروشه ولا بعد

اما باقي السيارات يفضل استبعادها

ارى انها ماتناسب للعايله

السيارات باللون الأزرق موجود عندنا أو امتلتكناها قبل ذلك

سأعرض لك تقارير لي كتبتها سابقًا
تقريري وتجربتي فان تويوتا بريفيا 2012 حتى 130 ألف كلم ‏( 1 2 )
تقريري وتجربتي فورتشنر 4 سلندر قير عادي دفع رباعي إلى 55.000 كلم ‏( 1 2 3 4 5 )
مقارنة بين سيكويا وإكسيبديشن تجربتي الشخصية ‏( 1 2 3 4 5 ... الصفحة الأخيرة)
:: تقريري وتجربتي لتايوتا سكويا ليمتد دفع رباعي بعد 100.000 كلم ::

إذا قرأتها تلقائيًا ستختار السيارة المناسبة
أما لو تقول لي ما أقدر أقراها كلها فأقول مستعينًا بالله ثم حسب تجربتي
بريفيا في المقام الأول
انوفا
سيكويا
فورتشنر
اكسيبديشن

هوندا بايلوت كان جداً منخفض وحلو لما شفته
خاصة مع الدواسات الجانبية
بالتوفيق
من بين خياراتك سكويا