بسم الله الرحمن الرحيم
السلام عليكم ورحمه الله و بركاته
شباب ابي استفسر و استشير عن تركيب دبه الكترونيه xforce varex للتاهو 2015
كلمت الوكاله و اخبروني انها ماتطلع السياره من الضمان و تتركب بشكل طبيعي و طبعا يبون يستفيدون فقالو جيبها قسم السمكره نركبها لك
شفت مقاطع صوتها طرب و المهم اني اقدر اقفل الصوت و ترجع صوت خفيف كانو وكاله عشان وقت ماطلع مع الاهل او اكون ماني مروق اسكرها و وقت ماكون مروق ولا على خط و الجو حار افتحها ولو بشكل نسبي عشان تخفف على المكينه من الضغط ولو بحاجه بسيطه
و غير كذا الميزانيه مضروبه و ماقدر اركب نوع كورسا صوته بطل لكن غالي و ماقدر اتحكم بالصوت و هذي الميزه الدبات الاكترونيه
ولا حصلت ماقنا فول و فلوماستر اصليه حول 700 ريال تقريبا
المهم حصلت اقيامهم هنا غاليه نوعا ما حول 2200 بدون تركيب
و حصلت اشخاص يبيعونها ب 1500 و على كلامه و في ذمته انها اصليه من استراليا و هذا الاقرب مع انو نوع الدبه ماشفتها في الموقع الاصلي
و حصلت شخص يفصلها ب 1850 او 1750 اجهزه و ريموت امريكي و ضمان مدى الحياه لكنه في الخفجي و ارسلي صور الشغل حلو لكن الدبات صغيره و دائريه و يحتاج ترتيب في اسلاك الكهرباء (مو مثل الاصلي يعني )
تعبت رحت كذا محل و كذا شخص و ضيعوني بين الاصلي و التجاري
واحد يقول لون الفيش اذا اسود يعني اصلي و اذا ابيض يعني صيني وادخل عن واحد ثاني يقول العكس ولا مو شرط و ادخل المواقع الاجنبيه احصل صور بعضهم اسود و البعض ابيض و كلهم اصليه !!!!
قابلت هندي يقول التجاري ممتاز كذالك لكن الي يصير التركيب او الاستخدام مايكون مضبوط و اغلب الي يجون تتصلح بتعديل الويرات للراس و حتى المكينه تتصلح او تتبدل عادي بس اهم حاجه لا تفتح و تقفل وانت داعس
و غير كذا الريموت يضعف البتري و الاغلبيه يفكرون انه اخترب عاد هنا اذا وداها حق ورشه ممكن ينصبون عليه
التركيب
تركيب الدبه راح اركبها عن العتيبي كامل التركيب بدون تلحيم ب 150 ريال
يبقى الشكل النهائي عاجبني المخارج حقين الكورسا لكن ماحصلتهم و احاول ادور حاجه مشابها لها و تكون اصليه مايتغير لونها حصلت في كذا محل بس يقول مع الوقت راح تصدي !!
و في شكل كذلك في الصور مكتوب انه للسكاليد
صاير مخرجين مفصولين و جاي على شكل مائل ----- هذي يمكن تحتاج تركيب Y بعد الدبه و يصير مخرجين في نفس الجيها
و يمكن سعره عند العتيبي حول 200
الكهربائي لتوصيل الويرات حصلت واحد يماني ب50 لكن يمكن اسحب عليه مع انها جاهزه فقط تمرير الويرات لانه يشبك على مدخل الولاعه
في المواقع الامريكيه تطلع علي بحول 2000 مع الشحن غير التركيب و كذا
فاي احد عنده نصيحه او مشوره تفيدني في هذي ياليت مايبخل علينا فيها بخصوص شراء الدبه او محل التركيب في الدمام
و شكرا لكم
الموضع هذا مؤقت وراح احذفه بعد فتره و بعد التركيب ان شاء الله و تسهلت الامور
