mazda 3 2016

مشكور اخوي على الرد صح كلامك يستغفلوني بابسط الحلول ...

وانا ذكرت لهم ان المشكله ما تطلع بعد ما اسوق السياره واوصل لكم الوكاله دايركت لانها مشت خلاص المشكله تطلع لي بالبدايه لما تكون واقفه فتره قبلها فخلوها واقفه لليوم الثاني وجيكو عليها لان يقدرون يكتشفون المشكله لكن ما اعتقد يسون هالحركه فكلامك نبهني لشي اضمن انهم مخلينها واقفه يوم ...

تسلم اخوي ما قصرت

بحكم انك بمدينه ساحليه فيها رطوبه فيكون طبيعي بعض الاصوات مثل سحبه البريك ( الجلنط ) يطلع صوت احتكاك من الخلف مثلا تكون موقف السيارة على مرتفع او طريق نازل شوي وتسحب البريك يطلع الصوت



مسألة صوت الاحتكاك مع بدايه الممشى هذا فيه ثلاث احتمالات

الاول :
فيه مشكله من نفس صحن الهوب احتمال انه مصدى من نفس المصنع او الوقوف الطويل بالوكاله لانها مدينه ساحليه

الثاني :
في مشكلة بالفحمات انها غير صالحة للاستخدام او انها انمسح القطعة الخشنه اللي تساعد على الاحتكاك ويطلع صوت الخشخشة

الثالث :

فيه مشكله بنظام ABS لان نظامه الكتروني وتوزيعه الكتروني واحتمال لا يعمل جيدا


——————————————

الحل

ادخلي الوكاله قسم الصيانة مرة ثالثة واطلبي مهندس او فني يطلع يجرب السيارة معك ويكون شرح تفصيلي وطريقة خروج الاصوات وهو اللي يسوق السيارة يكون افضل


اما مسألة التسليك هذا تزيد كليبر و تنظيف فحمات ماتمشي علي كعميل اطلبي ولا تسكتي عن حقك احد يجرب السيارة ويكون معك

معب معقوله تنظيف فحمات او تزيد كليبر فقط خليهم يشيكون على نظام ABS وبعدها يغيرونها الهوب و الفحمات على الطمان دام السيارة لازالت جديدة

اذا رفضوا خل معك مستندات وفواتير لاداخل السيارة ضروري من السابق كأثبات لك ويكون عندك جهة لحماية المستهلك مراجعتهم

عندنا هنا بالسعودية جننت ثلاث وكلاء

نيسان العيسى
بسيارتي وسويت حمله استدعاء وجاء وفد من اليابان ونيسان الشرق الاوسط بسبب ناقل CVT

تويوتا عبداللطيف جميل

جننتهم بكورلا 2013 خليتهم غصب يشيلونها يودونها فرع ثاني للصيانه وقلت ما اتحمل خلل بالزجاج الامامي وهي سيارة صديق لي

فورد توكيلات الجزيرة

في فورد اكسبدشن 2015 ايضا سيارة واحد من الزملاء خليتهم غصب يحلون المشكله على حساب الضمان بالمحرك ولا قلت استبدلوا السيارة او ارجاع المبلغ واخصموا منه عدد الكيلوات ورجعوا الباقي


لازم تكوتي ردك قوي بدون صراخ او سب ردك بالقوة والاثباتات واخذ اوراق و فواتير واي شى يقولوا صلحنا الخلل قولي وش يثبت لي ابي اطلع على اصلاح الخلل او القطعة المغيره وين القطعة القديمة

مثلا يقولون انهم نظفوا الفحمات ويمكن هم مانظفوها قولي ابطلع على السيارة وهم ينظفون الفحمات ضعيهم بموقف محرج

صار معي يوم ادخال سيارتي للصيانة الدورية طلبت كل شى ومن ضمنها تنظيف فلتر المكيف ومحسوب علي تكاليفه لقيته يشغل المكيف على اقوى شى داهمته قلت وش تزين قال لي انظف فلتر قلت هذا تنظيف تستهبل انت وادخل لمدير الصيانة واقول كنسل تنظيف الفلتر ولا راح ادفع قيمته لانه ينظف الفلتر بتشغيل المكيف اقوى شى ماطلع الفلتر كنسلوها

الكلام هذا لك ولغيرك هنا من الاخوان مشكلتنا نكون كسلانيين لاخذ حقوقنا اتمنى ماتسكتين اذا رفضوا خل معك مستندات قديمة وحالية للاثبات وبعدها تتوجهين الجهة المتخصصة لحماية المستهلك


تحياتي لك ،،،،،

شكرا اخوي على الرد وجزاك الله خير ردك وايد فادني

غريبة صراحة, هو كان عندي مستمر وبعد فتره اختفى الصوت نهائياً
إذا مانحلت المشكلة عند الوكالة بلغي وزارة التجارة والصناعة ..

كلمي أي مكتب محاماة باستشارة ولو أنتهت برفع قضية

اذا كانت الوكالة ساحبه على العيب فأعتقد من حقك رفع قضية أما بأصلاح المشكلة أو تغيير السيارة دامها لسه جديدة! اذا لم تستطع الوكالة حل المشكلة نهائيا

مع توثيق المشكلة من كبار الورش الموثوقة ذات خبرة واسعة

أستشيري اي محامي في هذا الموضوع وطريقة التصرف كاملة

الصوت يطلع اول ما اسوق السياره مع كل مسكة فرامل لمسافه قصيره بعدها يروح لكن صوت مزعج للاسف وعرفت قصدك لا مو فرمله فجائيه

الصوت هذا اول ماتمشي بالسيارة بعد ماتكون واقفه لفترة يكون صوت التصفير الخفيف جداً طبعاً يروح بعد ماتمشي بالسيارة حق 10 ثوان ،، اذا كانت السيارة جديده وفيها هالصوت من البداية فهذا شي طبيعي ،، عندي نفس الصوت بسيارتي بس زي ماذكرت انه صوت يشبه التصفير بس خفيف وماياكد ينسمع وقت ماوديت السيارة للصيانة قلتلهم عليه وافادوني انه سماكة الهوب الامامي اعلى بقليل من الخلفي ،، لانه الصوت حينسمع من الجهة الامامية فقط .

الصوت يطلع مع كل مسكة فرامل أو مع الفرملة الفجائية فقط؟

قد يكون ال ABS مع المسكة الفجائية يشتغل تلقائي لمنع إنحراف المركبة

إذا كان الصوت نفس الصوت اللي يطلع في السيارة بعد الغسيل طبيعي.

عندي نفس السيارة موديل 2015 وماشية 134 ألف ما واجهت هالمشكلة
يمكن استخدامكم للبريك كان قاسي اول 1000 كيلو .. او عيب مصنعي وإن شاء الله وزارة التجارة عندكم تحل الموضوع

مشكور على الرد صح كلامك بس تعاملهم سيء مع العملاء ويغالطوني بالكلام لاني بنت ويوهموني ان هالصوت طبيعي وكلامهم مو صحيح السياره فيها عيب واهما يماطلون بالكلام من جذي اكره الروحه لهم