%% ارفع راسك ... معك ... (هايلكس !!! ) %%

path @user_5403 · 25-10-2003

السلام عليكم ورحمة الله وبركاته ....

الآن فقط عرفت ليه الناس ( ميتين ) على الهايلكس ...!!

اول كنت استغرب ليه فلان الفلاني مطلع هايلكس ؟؟ (قلت) المواتر ؟؟

واشوف العالم يتمنون هدية نجاحهم ( هايلكس ) وانا مو مصدق ؟؟

بس المن قبل ثلاث اسابيع بس .. كنا في الكورنيش ويقولون الناس بتصير قومة

بين لومينا LTZ 2003 وهايلكس 2003 غمارة وحده !!!!!!!!! |9|

انا قمت اضحك و ( اطنز ) على طايح الحظ هذا اللي حاط راسه براس لومينا ......:eek:

وما كملت نص ساعه والا بدت القومه .......

والله ثم والله ياجماعة الخير .....

ان الهايلكس رااااااااح على راعي اللومينا بمسافه ..... المن جاب 100 ووصله

راعي اللومينا .....!!

قالو ما يصير :mad: لازم نعيدها

وعادوها ..

وعادوها ..

ونفس النتيجة !!!! :eek:

وصراحة من بعد ذاك اليوم ارتفع الهايلكس كثيـــــــــــــــر في عيني ;)

انتظر ردودكم ..............|4|

CRAZY-8100 @user_44961 · 19-06-2007

مو معقوله ابدا تروح الهايلكس الا اذا هو ملغم

سالفه حصلت معي
اخذت الكابرس حق اخوي وصلت لي مشوار تقريبا 40كيلو
بمعنى اخر انا من بريده وصلت لعنيزه
وانا في الطريق مرت من عندي هايلوكستين وكامري كاطلقه
صوت الهايلوكس مزعج جدا

{{ من المستحيل يكون في بريده هايلوكس او ربع ولم يعبث بسيارته
من فلتر الى مراوح الى هدرز او دبه وقد تكون جميعها }}

فدعست على الكابرس الى تقريبا 190 فقربت منهم الى حد ما
وقفو عند اشاره تدريب الأمن العام
وانا مستعد.. عرفت من مشاوراتهم انهم بيتقاومون هم والكامري

وفتحت الأشاره والله الذي لا اله الاهو.....

من التقويمه رحت عن الهايلوكسات بفارق سياره الى سرعه 100 وبعده سلمت عليهم
اما الكامري اصبحت نقطه في مرايه الكابرس

موديل الكابرس 2002
والهايلوكس واحده 2005 والأخرى 2003
اما الكامري اعتقد 2005

ابوشنب عطي الله @user_48640 · 18-06-2007

الهايلكس تقوم الى 100وبعدها تطلع اللومينا صحيح من خفت الهايلكس القومه لها

(#) ديزل (#) @user_8303 · 23-11-2003

ههههههههه وش تقول الددسن قوتها 160حصان بخاخات
الهايلكس قوتها 157حصان بخاخات

أسمحلي الددسن أقوى وأريح وبعدين الددسن بدأت تنتشر بكثره من عام 2001لأن البخاخ أقوى من الهايلكس ولكن فيه ددسن كربريتر هاذي ضعيفه جدااا قوتها 114حصان فقط 2400سي سي
لكن الددسن البخاخ أقوى من الهايلكس بثلاث حصانات ورح دور لاتحسبون الددسن على خبركم الددسن تغيرت جدااا180درجه والقليل مايدري عن البخاخ صدقوني تراها هبال وكم مره تقوم ددسن بخاخ على هايلكس قدام عيني وكلهن بخاخات وتروح الددسن زي السلام عليكم لكن ترى كلهم شد بلد مارهمو شي يخليها قويه

وشكراااا

أما الموضوع سبق وتحدثت عنه

FJ40 @user_8477 · 20-11-2003

السلام عليكم

اقول يالسرعه القصوى شكلك ماخذ مقلب في الدتسن

ترا الـ 160 HP بتاعتك ماتقوم مع الهايلكس 97 اللي قوتها 2400

وانظر الى اي موقع من مواقع التطعيس مافيه ولا دتسن وحده هذا دليل قاطع على قوتها في الطعوس

طاير بالعجه

تحياتي ولكن انا معك انه بدري على الهايلكس يقوم على اللومينا بدري عليه

ولكن ممكن فيه شيء معدل (( الله اعلم ))

Bader-M @user_3304 · 20-11-2003

الهايكلس سيارة
قويه
ولكن لسيت في قوة الومينا
يعني بالله
سياره حجم مكتنها 5700 سي سي
بينما الهايكلس 2700 سي سي
يعني اكبر منها بمرتيين ويزيد
2700 * 2 = 5400
يعني حتى حجم السلندر اكبر من الهايلكس
من حيث السعه
اما القوه الحصانيه
الهايكلس قوة 160 حصان
بينما الومينا 300 حصان وتزيد
اما الوزن
فاعتقد ان الومينا لا يزيد وزنها عن 3.5 طن
ويعتبر وزن خفيف جدا على محرك بهذا الحجم
اكيد الومينا فيها خراب او ان الهايكلس معدل او مغيرة مكينتها
واذكر مره
اخذ سيارة اخي هايكلس غماره 2002
وتقاومة انا و كامري قراندي
فقام علي
فما بالك في الومينا صاحبه المحرك الجبار
.........
انا لا اكذبك و انت صادق في شاهدتة
ولكنك لا تعلم عن حالة السيارتين الفنيه
لانها غير واضحه لك و للمشاهد الاخر
تقبل تحياتي

السرعه القصوى @user_8541 · 19-11-2003

هلا اخوي صدى الاحاسيس

انا اعطيك بالتفصيل

قوة الددسن 160hb

وقوة الهايلكس 157 عادي

صحيح ان الفرق بسيط

بس الددسن اقوى لأنه بخاخااااات

تحياتي

السرعه القصوى

صدى الأحاسيس @user_8787 · 18-11-2003

عفواً على التدخل يالسرعه القصوى الدسن عزمه22 أما الهايلكس 25
والهايلكس 2700 .
|1| تيوتا وبس .

السرعه القصوى @user_8541 · 18-11-2003

السرعه القصوى

اولا اقولكم

قد سمعتم المثل الي يقووووووول

((الــقــرد فــي عــيــن امــه غــزال))

يعني مو معقوووووووول ان الهايلكس يقووووم على اللومينا

يعني لو قلتم ددسن يمكن نتقبلها

امااااااااااااااااااا هاااااااااااااايلكس

والله زمن هاااايلكس يقوووم على اللومينا

اخوي new

اناااااااا مووووو معاااااااااك

مايصلح في البر الا ابوووووو عزيز

الددسن

اما غير الددسن لا تدور في البر او النيساااااااااان لا تدور غيرها في البر

تحياتي

السرع القصوى

New @user_538 · 18-11-2003

خلوكم من القومات

شوفوها بالطعوس ( بالبر )

تلعب لعب

عندنا بالقصيم الي يجي للقصيم يحصل الهرجه كلها هايلوكس
وتطلع مطاليع مهي طبيعيه

اذا بغيت تأخذ سيارة للبر خذ هايلوكس غامرة عادي وشف ؟

سلاااااااام

صدى الأحاسيس @user_8787 · 17-11-2003

مرحباً ياشباب أنا عضو جديد
الهايلكس زي ماقالو الأخوان خفيف وقوه..............بعدين لاتنسون امكنه غير عادي ومعروف أن الغير العادي يقوم على الأوتمتيك.

path @user_5403 صاحب الموضوع · 17-11-2003

يعطيـــــــــــــكم العافية على هالردووود ...

هايلكس 2001 وبس @user_7991 · 17-11-2003

يا شباب انا تقاومت مع هايلكس غمارة

انا معي غمارتين والله يا شباب راح عني

ما هي سهلة الهايلكس خاصة اذا كانت غماة واحدة

اخوكم

هايلكس

zr1farsi @user_104 · 16-11-2003

الهايلكس وبس

FJ40 @user_8477 · 11-11-2003

كيفكم اعزائي

لدي هايلكس 99 غماره عادي جداً ليست مكيف

حسبنا القومه ثلاث مرات .... على جوال الفيصليه

تدرون كم طلعت

المره الاولى 8.82

المره الثانيه 8.66

المره الثالثه 8.70

يعني تقدر تقول 8.50 كحد معين او وسط

طيب هذا وهي شغل وكاله لم اعدل فيها اي شيء وبعدين كربريتر

ويش عاد لو هيه بخاخ ومسوي بعض التعديلات ويش اللي بيصير

تحياتي

LIMITED @user_1932 · 07-11-2003

ايوه اخوي انا عارف هذا الشي
2800 cc هذي قوه المكينه وسعة الاستهلاك2.8 لتر ديزل
2700 cc برضه قوة المكينه وسعة الاستهلاك 2.7 لتر بنزين

كمان السبب في ان سيارات الديزل ماتتنطفي لمن يدخل الماء في المكينه
( يعني مثلا دخلت بركه ) هو زي ماذكر عدم وجود بواجي وديلكو .

(#) ديزل (#) @user_8303 · 07-11-2003

أخوي ليمتد الديزل 94حصان لكن 2800هذاي قوتها بالنسبه لمكاين الديزل فقط

البنزين له قوه لمكاين البنزين والديزل له قوه لمكاين الديزل يعني مالها دخل البنزين بالديزل كل واحد مستقل

للمعلوميه ترى الديزل مافيه بواجي ولاديلكو والمكينه تشتغل على الأنفجار يعني بدون كهرب وطرمبتها تشتغل مع الماكينه تدور معها هي اللي يطلع الصوت المزعج
الدينمو الموجود فيها يغذي البطاريه ويشغل الأنوارفقط

LIMITED @user_1932 · 07-11-2003

شباب الهايلكس 2800 الديزل كم حصان ؟
وكم سعر موديل 2003 و 2004 غماره ؟؟؟؟

محمد عبدالله @user_8189 · 07-11-2003

شي طبيعي مهيب غريبه غلى
الهايلكس

هايلكس..وبس @user_8007 · 04-11-2003

هوى هايلكس

لا تستغربونن هذا هايلكس تعرفون وش معنا هايلكس

والله الخميس إلي راح

في الدمام مقاووومه بين هايلكس 2002 وددسن 2003 وسني و جمس2002
والله الهايللكس قام عليه وطافهم

هذا هايلكس مهب لعبهه