كل مايتعلق بصيانة واسعار قطع الغيار الخاصة لسيارات نيسان وانفينيتي

ابشر من عيوني كل اللي اعرفه برسله هنا

لك الشكر الجزيل على المعلومات القيمة.
أتمنى وضع رقم مدير ورشة بخاري. و توضيح العنوان فضلاً.

طبعا شيك على قطع الغيار لسيارة اخوي بالعيسى مع ستيرنك لوك تبع الماكسيما وطلع يستهبل هو اسعاره طبعا سحبت الناس اللي عنده وعطيتهم ارقام الموزعين طلعوا ارخص منه بواجد

سألت عن فلتر الهواء للسنترا يقول ب 90 ريال
فحمات امامية وخلفية 400 ريال


قمت وصرخت بوجيهم ليه شاري انفينيتي حتى انفينيتي ماتوصل كذا يالحبيب سنترا هذه غرنوقة صغيرة مهب باترول وحشرتهم باسعرهم السابقة وتناحشوا مني ويضحكون يوم نتفتهم والناس طلبوا ارقام الموزعين ورحت نفس الموزع اللي شريت منه ستيرنك لوك وشيكت عنده قطع السنترا وطلعت اقل منه بنسبه 65% من العيسى وشريت فلتر هواء للسنترا

فلتر الهواء ب 50 ريال الى 60 ريال اخذتها ب 45 ريال

سعر الفحمات الامامية والخلفية ب 130 ريال وهي نفس فحمات التيما 2005
فلتر المكيف ب 120 ريال


لا اخفيكم ون استوب يبيع فلتر الهواء الخاص بالسنترا ب 90 ريال يستهبل بعد هو. اشترها من بره 50 او 60 ريال وركبها عنده اذا غيرت الزيت

وهذه صور لتركيب الفلتر طبعا معقدة واتعبني فلتر الهواء الخاص بالسنترا بالفك والتركيب







وهنا الفك والتركيب









تقرير السنترا قريب

والموضوع مستمر لمن يبحث عن قطع الغيار علشان لا اسمع احد يقول قطعها غير متوفر اكتب هنا وارد عليك بخصوص قطع الغيار

اخو خويي بالعمل يشتغل بوكالة العيسى بجدة بقسم الصيانة وفاتح ورشتين بجدة متخصص نيسان باخذ اساميهم وارسلها هنا ان شاء الله

طبعا البعض يعرفها والبعض لا يعرفها وهي مشكلة ستيرنك لوك steering lock الخاص فقط بالجيل السابق للنيسان التيما من بين 2008 حتى 2012 وكذلك الخاص بنيسان ماكسيما 2010 حتى 2015 بعضهم خربت معه وهي نظام اقفال الدركسيون سبب خرايها

1- تعرض لحادث قوي للسيارة
2- السيارة تكون واقفة لمدة طويلة بالغبار او تحت الشجر لمده طويلة وتخرب


خربت بسيارة خويي ماكسيما 2010 لانها تعرضت لحادث قوي وكانت واقفة لمده شهرين وكان محتار يصلحها او يبيعها تشايح وصلحها بعد فترة خربت steering lock ودها عند ورشة يعرفه وقال اصلحها ولا اضمنها لك وكان سعره مبالغ 900 ريال وثاني يوم خربت وقفل الدكسيون مرة ثانية وهذه القطعة لا تصلح ابدا


طبعا خويي قال بشتريها من التشليح او العيسى قلت العيسى يستهبل غالي قلت لا تروح انا بشيك عليها عند العيسى رحت عند العيسى وصدمني من السعر يستهبل قال ب 4500 ريال طبعا تهاوشت معهم وقلت انتم رفعتوا اسعاركم بعد ماضمتوا الوكالة سحبت عليه واتصلت على الموزعين اللي اتعامل معهم سنين جابوها لي ب 2000 ريال واخذتها ب 1950 ريال

وهذه شكل steering lock القطعة جديدة

‏


هذه شكل الكرتونه والقطعة

‏

‏

‏

‏

‏

‏

‏


طبعا انا ما اعتمد الا على المتخصصين لسيارات نيسان لان سيارات نيسان ميكانيكيا في تعقيدات شوية
وديتها لورشة عبدالعزيز بخاري وفي ورشة ثانية لا اذكرها حاليا هو من درب عبدالعزيز بخاري على سيارات نيسان. الحدث بعد المكاسر بالسعر وتوصلنا لحل رفض تركيب قطعة انفينيتي مع البرمجة سعرها 2500 ريال المهم شريت القطعة وركبناها عنده مع البرمجة وارقام الاكواد وشغل اليد طلع 1000 ريال يعتبر مرتفع شوي لكنه متخصص بنيسان ولا اوديها عند واحد يسوي فار تجارب بسيارة خويي اقل من ساعة وخلصت السيارة مشكلة ورشة عبدالعزيز انها من الساعة 4 العصر لين الساعة 9 في الليل

‏

‏

‏

‏

‏

قبل اسبوعين كنت في مركز ون استوب

اسوي تربيط لسيارة اخوي فقط اهتمام اكثر للسيارة علشان مستقبلا ماتخرب المساعدات ولا المقصات وانصح اي سيارة نسوي تربيط تحافظ على عمر اطول للقطع السفلية بالسيارة سعر التربيط عندهم ب 100 ريال


وهذا مقطع بسيط

https://b.top4top.net/m_4617tgb30.mov

https://b.top4top.net/m_4617tgb30.mov


هنا سالته لو اشتري زيت CVT من الخارج بس تغير الزيت بدون تغير فلتر الجير ولا صوفة رده لي ب 50 ريال

تغير فلتر الجير اذا مشت السيارة من 180 الف الى 200 الف لا تخلي المراكز يلعبون عليك وتطلع بمبلغ اكثر من 800 ريال انتبه

سعر زيت جير CVT الان وصل الى 150 ريال يعني ماتكلف ولا 200 ريال


‏https://c.top4top.net/m_461zx07n1.mov

‏https://c.top4top.net/m_461zx07n1.mov

للاسف غرب الرياض باسال اللي اعرفهم عن محلات القطع

هلا وعليكم السلام ... موضوع جميل ... لاهنت ماتخبر لنا محلات رخيصه بغرب الرياض صناعيةة العاصمة او المدينة

السلام عليكم

تقرير رائع وجهود جبار تشكر عليه بالتاكيد
محلات قطع الغيار تحصل على خصم يصل الى 35% من الوكيل كموزعين وبأمكانهم تقليل هامشهم الربحي واعطاء خصم ممتاز للمشتري

شكراً مره اخرى وفي انتظار جديدك دائماً

واحد من الأخوان ماقصر عطاني اسامي محلات الموزعين باسعار كويسة في منطقة جدة

1- بن ماضي
2- بن عفيف
3- أمجاد الوفاء

هذا اللي اعرفة واعطاني اياهم أنا من سكان الرياض

صحيح يوم العيسى ماكان وكيل هذه قطع الغيار


لكن بعد اعتماد نيسان الشرق الاوسط هي اللي رفعت اسعار الصيانة عند العيسى وبترومين للاسف


الموزعين اللي ذكرتهم بالعلى هم الارخص واتعامل معهم اكثر من 10 سنين تقريبا


بعض القطع النادرة تكون للاسف عن الوكيل مثل الاكسسوارات الازياق والنيكل الفضي وانوار العاكس الضباب و بعض الزيوت مثل الدركسيون وتشحيم عنده

لكن تحصلها عند ون استوب


اخر شخص يعتمد عند الوكيل هو انا

اتمنى اللي بجدة يدخلون ويردون عن اماكن المراكز الثقيلة بجدة يخدمون فيها بجدة

لكن الضمان مايطلع من السيارة الا في ثلاث اشياء

1- تغير المكينة والجير
2- لعب بكهرباء السيارة مثل زينون وتقطيع سلام وتركيب شاشة وتقطيع اسلاك
3- البرمجة والتعديل

هذه اللي يطلع من ضمان السيارة فقط لجميع الوكلاء

كان اعتقادي ان اسعار الوكالة اغلى من الموزعين لكن مو دائماً..
لانه حصل مره وكنت ادور على فلتر مكيف للارمادا في صناعية ام الحمام عند الموزعين حصلته بـ 70 ريال و عند العيسى بـ 41 ريال.

كما انه مع الاسف الموزعين لا يوفرون جميع الزيوت الاصليه مثل زيت الدركسون الاصلي من نيسان حيث انه لا يتواجد غير بالوكالة فقط.

انا عميل عند العيسى بالنسبه للصيانه الثقيله و الخفيفه وحقيقه ان الاسعار كانت ممتازه ومعقوله (تغيير زيت وفلتر للمحرك 209 ريال) حتى دخول بترومين وبعدها تم رفع الاسعار بشكل غير منطقي ومبالغ فيه (تغيير زيت و فلتر شغل يد 387 + زيت محرك 130 ريال).

يعطيك العافيه

بخصوص الصيانة الثقيله هل توجد مراكز معتمده في جده غير الوكاله بدون ماينحذف الضمان

شاكر لك وهذه اضافة جميلة لتسهيل على ملاك نيسان ولا زال تحت التطوير وتسهيل عليهم معرفة الاماكن

و عليكم السلام و رحمة الله و بركاته

أضيف في صناعية الدائري:
بانعيم
بن شبيب
و محل ثالث ما أذكر اسمه

و طبعًا موجود فيها الاثنين: العيسى و الحمراني ,, قطع و صيانة.

.العفو وشرفني مرورك

المهيلب :

موقعه في ام الحمام مقابل مسجد الملك خالد بين محلات الزجاج في دخله لصناعية ام الحمام هو بالدخله هذه يكون باليسار موزع معامد لتويوتا ونيسان


عتق :

موقعه كذلك في ام الحمام مقابل مسجد الملك خالد عند دخلت صناعية علي بن علي قبل بوابة الصناعية تلقاه يمين بزاوية هذا ميزته في البوري و الاكسسوارات والفحمات كذلك واذا ماعنده القطعه قله اطلبها لي طلبيه وعربن عنده

وجاي لك من طرف حاتم او السكوت ارحم

السلام عليكم ورحمة الله وبركاته ،

شكراً أخوي (السكوت آرحم) على المعلومات المفيدة والقيمة.

إذا تكرمت ممكن وصف أدق لمحلات (المهيلب و عتق للتجارة)؟

صحيح هذه النقطة إلي أبي اوصلها ان الشخص ياخذ قطع الغيار من الموزعين افضل من الوكيل معدى قطع الأكسسوارات غالبا تكون عند الوكلاء لكن انا افضل المحلات الثلاث هذه بسرعة تلبي الطلب

عندك مثلا مؤسسة عتق للتجارة هذا اعتمد عليه في قطع الإكسسوارات يوفرها لي والبوري وغيرها .... ألخ

لا ما اعتمد على الدرجة الثانية لانها كذبه اعتمد على الأصلية فقط لانها تجي ( ياباني أو أمريكي )


هدف من هذا الموضوع اللي يبحث ويضيع لان كل شوي اسمع نيسان ماتوفر قطع ومن هذا الكلام الشائع ( من راسهم يتكلمون ) حطيت افضل ثلاث محلات اتعامل معهم

بإضافة مشاكل تصفير الفحمات بسبب خرط الهوبات !!!! وعدم تركيب كلبسات الفحمات بشكل صحيح

وحلها لا تخرط الهوب سولها صنفرة عن ون استوب او عند متخصصين بالصنفرة الهوب فقط

واشياء كثيرة وهذا الموضوع ينفع جميع ملاك نيسان وينفع اكثر لملاك انفينيتي