استفسار بخصوص سيارة رياضية لشخص عادي
السلام عليكم شباب
انا عندي سيارة جيب 2015 استخدمها غالبا للعمل والعائلة ,,,
وعندي لومينا 2003 قديمة كنت استعملها كل يوم بس يوم شريت الجيب وقفتها سنة والحين رجعت استعملها بعض الاوقات اذا بروح مكان زحمة مثلا او بطلع مشوار سريع خصوصا ان المكيف خربان ومحتاج تصليح كامل وناوي ابيعها بس ماجاها عريس J
في خاطري من فترة اشتري سيارة رياضية اغير جو فيها واعيش ايام شبابية خصوصا اني ما عشتها ايام زمان مع العلم عندي طفلين وعمري 35
انا ما ابيها للمقاومات والتعديلات بس ابي سيارة رياضية انطرب فيها
شفت الكلام بالمنتديات عن موستنج - كومارو - شلنجر ..... الخ
وحصلت مثلا ان الموستنج تجي 4 سلندر و8 سلندر
بالنسبة لي ما اعرف شي بهالسيارات
ياليت تفيدوني عنها
وش يناسب مع العلم ابي ((اقل ميزانية))
وكم اسعارها
-- بس بنفس الوقت ما ابي اتعب بعدين مثلا اذا 4 سلندر مخيسة ما يحتاج اتعب نفسي واخسر فلوس على الفاضي --
بالنسبة لهدفي جديد حتى لوكانت 2014 او 15
لاني سمعت ان المستعمل كله مقاومات ومهلوك , الا اذا حصلت شي نظيف مثل استخدامي :)
بنتظار ارائكم والي يعرف جروبات لهذي السيارات ياليت يفيدني فيها
وتراي ابي قير اوتوماتيك ,,, ماعندي مشكلة انه يكون باب واحد واتوقع السيارات الرياضية مميزة بالباب الواحد يفضل انها تاخذ 4 اشخاص, بس ماعندي مشكلة انها تكون بابين
اكيد الكشف غير مناسب في منطقتنا
وللعلم ما عندي حوش اخبي فيه السيارة :)
