انا بقول رايي الشخصي
والله يستر ويعين على شبيحة عبداللطيف جميل
ماتلاحظون ان عبداللطيف جميل قوي وماخذ راحته لامن ناحية التلاعب بالسيارات او التوسع والحملة الاعلامية المضادة اللتي قام بها بعد فضيحة تعليق دواسة الوقود و.. و ... الخ . . . .
انا اقول انه سبب وراء عدم صعود وانتشار سيارات كثيرة ليست الاوربية فقط مثلا نيسان وضعها بالخليج ممتاز وفي الامارت من اكثر الماركات انتشار هوندا كم عام لها بالسوق ووضعها مخجل ولاتكاد تذكر في المدن الرئيسية فما بالكم بالمدن الاخرىوالهجر بينما عبداللطيف وتويوتا في كل حدب وصوب مازادا ومتسوبيشي سيارات جميعها في المتناول ليست سيارات مكلفة او معقده مثل الاوربي ولكن للاسف لا نكاد نشاهدها والسبب قلة الدعم والعروض وانتشار مراكز البيع والخدمة ايضا السيارات الكورية مؤخرا صحيح انتشرت ولكن لو ذهبت للمدن الصغرى والهجر لن تجد الا تويوتا اما فورد وجنرال موتورز وهي من الكثر السيارات شعبية للاسف لو تعطلت عليك في هجرة او مدينة صغيرة لن تجد لها مركز خدمة مختص مثل تويوتا
فوكس واجن في جميع دول العالم منتشرة وهي سيارة شعبية لاوجود لها يذكر
ماهذة القوة لدى عبداللطيف جميل !
انا اشك بان له وضع خاص وهذا سبب انتشارة وعدم بروز اي وكيل اخر ولااستبعد محاربته لاي وكالة اخرى وهذا سر تفظيل تويوتا على غيرها عند البعض
اي تلاعب ؟
اكثر وكيل يوضح مواصفات سيارته و ايش القطع اللي مركبها كلها يمديك تعرفها وانت ببيتك عكس باقي الوكلاء نصها نسخ مواصفات ال شركة الام وموقع قديم ملخبط غير محدث
طيب اذا الوكيل مهتم بالعميل زي عبداللطيف جميل ويفتح بكل الاحياء و المدن و الباقي وكلاء كسالى و مهملين تروح تلوم المجتهد ؟
ترا كثير من المدن الصغيرة افتتاح فرع فيها = خسارة للوكيل و اللي اشتغل بوكالات يعرف اشي ذا فلازم وكيل قوي يتحمل الخساير
الدعسة ترا اغلبها اشاعات و عموما المشكلة من الشركة اليابانية مهو الوكيل !!!
السلام عليكم
اخي الفاضل
كونك تقدم منتج بمواصفات خرافية واسعار معقوله مب معناه انك بتكسب السوق .....لان هل يعقل انت تروج لسيارة تستخدم في سيبيريا في منطقه زي الشرق الاوسط
خلنا نرجع للماضي
البيجو قد تكون اول سيارة اروبيه متوسطه الميزات موجودة في السوق ....اقصد ان المرسيدس والبي ام تعتبر فئه عاليه من جميع النواحي وزباينها محددين
البيجو متى بدت تتميز ....للاسف في اوخر التسعينات لما كانت تحت اشراف بالبيد وكان في موديلات مميزة لاكن للاسف كانت ولى زالت اسعار صيانتها فاحشة واعطالها تكون بسبب عدم قدرتها على التاقلم مع استخدامنا وحرارتنا العاليه .....مثل الي صنعوها....
والساب كانت موجودة ....وخذلتها نفس الاسباب زيادة على وكيل دمرها تدمير بانه قدم اسواء خدمه مابعد البيع والناس طبعا تبحث عن راحه البال
السكودنا ازدهرت في فترة وشفنا سياراتهم الصغيرة الي تستخدمها لنقل البضايع واعرف شخص امتلك واحدة من سياراتهم.....وكانت سبب في تعاسته ....قطع غيار اسعارها غريبه وانت كنت مع الرجال وهو يطلب القطع.....طبعا ما شرى القطع وباع السيارة بخسارة
الستروين كان لى زياره لمعرضهم قبل ثلاث سنوات,,,,,سياراتهم مركبات فضائية وانبهرت بدزاين المراتب شي جميل يذكرك بسيور بعض الساعات لاكن......اذا البيجو وهي معروفه اجل هذي.....
السيارات الاوربيه غير الالمان الكبار.......ماتلائم الوضع الي احنا نعيشة علما بان هالوكالات قوية جدا في سياسة التسويق والمتابعه لمنتجاتها لاكن الوكلاء لهم دور في تدميرها وخصوصا عندنا......
وطبعا مب كل الالماني كان مشهور
في البداية كان عندنا المرسيدس ....سيارة الملوك وتستخق هاللقب بجدارة
بعدها بفترة بدينا نعرف البي ام وخصوصا اول مانزلت الفئه السابعه بالدزاين المعرف الي خلنا الناس تلتفت لها .....الاودي متاخرة كثير
ففي هالبلد انا اشوف ان من المجازفه انة تكون وكيل لمنتج مافية اي توافق مع عقلية الشعب اولا وطبيعه المنطقة ثانيا
الالفا رميو موجود.....وما كنت اتوقع رجعتها لهالبلد اخر مشاهدة لها في معرض رتوة الواقع على تقاطع طريق الملك فهد مع خريص ....1990 تقريبا ...هههههههه
البجو مرت على ثلاث وكلاء
بالبيد
ثم المتوكل وهو نفسة اليمني وكيل سوبارو
ثم الحاج اخذ وكاله وورط فيها
واي واحد منهم ما الومه لو قفل بيع هالسيارات لان ماني مجنون اسكن في خميس مشيط او تبوك واشتري سيارة وكيلها مب عارف يسويلها صيا=انه بالشكل الصحيح او يوفرلها قطع او مراكز صيانه او حتى اسعار قطع وصيانه في متناول الجميع
والباقي من الاوربي ما ادري صراحه ليش موجود ......اذا التوجه لليلباني وللامريكي والكوري
وشكرا على الطرح
بالضبط
عمووما ماحد ينكر السيارات الاوربية حلوة من ناحية الرساوة و الامان لكن كلها معقدة بالصيانة
اعرف واحد عنده ورشة متخصصة لصيانة BMW تخيل باع سيارته و اشتري كامري 2017 من كثر ما طفشت انواع ال bmw و هذا موهو صاحب ورشة اجل كيف الناس العادية نص راتبه بروح تصليح حساسات تافهة
فيه بعض الوكلاء ضعيفين نسبيا وبعضهم متعمد ذلك او الوكالاء انفسهم لا يمتلكون الميزانية الكافية
المشكلة ان معظم السيارات الاوروبية الغير فارهة امثال ستروين ورينو وبيجو وفولكسواجن وسكودا وسيات مستواها اقل من بعض السيارات الاسيوية من ناحية فكرة التصاميم ومعدلات استهلاك الوقود بحسب التقاييم محلياً
فمثلا انا ماعمري شفت سيارة اثارت اعجابي من سنتروين وبيجو يعني حتى لو كانت وكالتها قوية لا شكل ولا قوة ولا تميز
وبصراحة واعتذر عن ذلك لكن اشك بذوق من يشتري سنتروين وبيجو :1::
للتوضيح بيجو لدى وكيل اخر اسمه المتوكل وهو نفسه اليمني وكيل سوبارو النائم!
رينو شادة حيها وفيها حقها من التطور لكن تضل غير مرحب بها بين كل الناس وأن كانت وكالتها تحسنت بكثير عن بعض الوكلات اليابانية الضعيفة
فولكسواجن الكثير يتخوف ان صيانتها وقطع غيارها ستكون مرتفعة حتى وان تم تطمين الزبائن ان اسعارها متقاربة مقارنة بالمستهلكين إلا ان احساس الزبون انه قد يتكلف معها مع الوقت موجود بشكل دائم! حتى مع وجود وكيلين بالوقت الحالي مازالت غير مرحب بها,,, وقد يشمل نفس الشيء سكودا وسيات كذلك رغم غيابهم عن السوق
عجبتني سكودا في تركيزها العالي بسيارات الديزل لدرجة مرة فكرت بامتلاك واحدة وهي سكودا سوبيرب لكن الحمدالله ماتوهقت وشريتها
:22:
لان مرها لو شريتها بهذي الفترة وجيت ببيعها بالفترة الحالية زين تجيب لي 10 ألاف ريال واكيد صيانتها بتكون أعلى بكثير من بيعها فممكن تبيها سكراب أحسن لو صارت مستهلكة وتعبت بالبحث عن قطع الغيار
الوكالات الفارهة اذا كانت غير متواجدة في المدن الرئيسية للمناطق (بالاخص اذا نسبة السكان بتلك المنطقة عالية) فهذا تقصير منها أما البقية فقد يكون ليست بالضرورة تواجدها كما ذكر اخوي techmate
التوسع بالعادة يكون مبني على عدد المبيعات وكذلك على ميزانية وجهد الوكالة ولا اذا كانت الوكالة بيد تاجر مقفل المزاج ولا يعرف فائدة وقوة الماركة وبخيل بنفس الوقت مثل ماحصل مع سوبارو ماراح تزيد ولا فرع واحد
السيارات الاوربية عموما مهما الواحد حاول يرقع لها انها كويسة و يضحك على نفسه تبقى مشاكلها كثيرة
