ايش الافضل في اللفات الدفع الامامي ولا الخلفي؟

مشكورين على الردود اخواني
نسيت اقول انه مشكله الدفع الامامي انه العكوس تروح عليك بسرعه
ومافي راحه في المطبات مره
لكن نسيت اقلكم برضو انه السواقه والقلب برضو يفرق والله انا عندي الماكس جنوط 17 اسويبها جنان وعندي المرسديس جنوط 15 اقدر اوصل في اللفات تقريبا نفس السرعه مع انها دفع خلفي لكن تجي هنا كيفيه السواقه وهل انت خواف ولا لأ
بالنسبه ياسالم لكلامك عن الدفع الامامي اقرا موضوعي تلاقي الرد فيه على سؤالك
وشكرا

هذه وجهة نظرك وهي الحقيقة بذاتها
وانا معك بكل حرف من رايك



وشكرا

الدفع الخلفي رساوته ممتازه على الخطوط المستقيمه .

لاكن في المنعطفات و الدوارات انا اقول ان الدفع الأمامي افضل .. ليش ؟؟؟ أنا اقول لكم .

لان الدفرنس و هو المسؤول عن تحريك السياره و دفعها موجود في الأمام و ذلك في سيارات الدفع الأمامي .. وايضا عندما تلف دركسون السياره الكفرات الأماميه هي الي تتحرك ، و بهذه الطريقه تستطيع التحكم بإندفاع السياره و وجهتها في وقت واحد من خلال دعست البنزين و الدركسون لأنهم يعملون مع بعض في سيارات الدفع الأمامي ..
لاكن جرب انك تأخذ دوار بسياره دفع خلفي ، و عدل اللفه و ادعس بنزين تلقى انه الدفع الخلفي يساعد على انحراف السياره في الجهه المعاكسه ، بينما الدفع الأمامي خذ الدوار و اكسر الطاره يمين و اعس بنزين ثم عدل الطاره يساره تلقى السياره رجعت لوضعها الطبيعي .. الخلفي كل ما عدلت جهة الدركسون راح تنحرف السياره من الجهه الأخرى ;)...

وجهة نظر شخصيه تعبر عن رئي صاحبها .. وشكراَ ..

الخلفي افضل
والرباعي حق المنعطفات 100%


تحياتي...

MAX+300E
انت كذا 100%


ومشكور الف على المعلومات .......

وتحياتي للجميع...

الدفع الامامي طبعا

ولاحظو كل السيارات الصغيره دفع امامي

محد سال ليش ؟

ههههههههههههههههه والله حرام فاتني سباق باخشب |5| (( تلقاني موقف السيارة بعيد ماكأني معاي كمارو هههههههههههههههههه

الله يسلمك ترى انتبه المشكله في الكمارو انه عندك قوة تحت يدك ونحنا عاد على قد حالنا مانصدق عندنا شوية احصنه مافي الا ندبل الدعسات زي في سباق باخشب والله لو شفت اللومينات والمستنج والكمارو بس تضحك كل شويه تحوص السياره من ورا

ماشاالله عليك أخوي خبرة بصراحة كفييت ووفيت في هذا الموضوع المهم-- الله يعطيك العافية على هذا الموضوع أخوي MAX+300E
((|8| (( الله يستر علينا من اللفات خخخخخخخخخخخ|91|

الدفع الرباعي/لأاعرف عنه الكثير:confused: لأني ماسقت سيارات دقع رباعي لكنها تستخدم في الراليات لأنهم يحتاجو تسارع كتير ودفع اكتر عشان يهربو في اللفات بقوة سحب الكفرات الاربعه يعني لو اخدت لفة على شكل U بالدفع الامامي حتضطر تدعس زيادة على السياره وتحرق الكفرات الاماميه :(والدفع الخلفي يبغالك تهدي كتيير وتخسر زمن:( لأنه مستحيل تدبل لكن الدفع الرباعي ارفع البريك ولف الطاره خليها تحوص وانت بتحوص رد التاني وادعس تلاقي نفسك مشيت اتحداكم تسووها بالدفع الامامي او الخلفي بنفس الزمن
اما سباقات DTM وDTS وغيرها فبياخدو دفع خلفي لأنهم عندهم 500 حصان وفوق وسرعات عااااااااااليه ياخدوبها اللفات لو دفع امامي ماتعيش السياره كم لفه ويجنب على جنب ولو دفع رباعي ماحيقدر يجيب سرعات عاليه في اللفاات ويخسر زمن
اتمنى اني اكون ماغلطت في شي وسامحونا على الاطاله واذا في غلط عدولني سلام

الدفع الامامي/ للحصول على تسارع اكثر في السيارات الضعيفه نسبيا (الماكس مقارنة بالاس اس:D ) ليست مريحه عند المطبات:mad: لكن في اللفات والطلعات شي تاني|1|
الفرق بين الدفع الامامي والخلفي عند اخد لفه السرعه القصوى فيها 180 مثلا/
لاتدخل ابدا بالدفع الامامي وانت ماشي اكثر سرعه ممكن تتحملها اللفه في هذه الحاله لاتدخل 180 لكن هدي الى 160 او اقل ودعستك وحده على البنزين على النص وفي نص اللفه او الثلث الاخير دبل الدعسه على الاخير وماعليك خوف (لاتنسى كبر اللفه واكسرها بقوه يعني تعال وانت مكبر ارفع رجلك عن البنزين شوي واكسر الطاره على قد اللفه وصغرها قد ماتقدر ثم دبل في منتصف اللفه تلاقي نفسك طلعت لبرة اللفه لاتخاف يعني تعال مكبر ثم صغر ثم دبل تلاقي السياره تكبر اللفه) ان شاء الله فهمتو
في الدفع الخلفي لاتهدي كتير عند دخول اللفه يعني 170 او اقل شويه ودعستك وحده الين نهاية اللفه لكن قبل النهايه بشووووويه دبل ولا تنسى صغر اللفه وهنا الفرق بين الدفع الامامي والخلفي حيث انه الدفع الخلفي لو هدى زياده مايقدر يزيد ابدا الا في نهاية اللفه لكن الدفع الامامي يقدر يزيد في اي وقت ويروح بسهوله عليه لأنه الدفع الخلفي لو زود الدعس عز الله ركب رصيف|5| لكن الامامي كل مادعس زياده وتق السياره زياده
يعني اعطيني ماكس بجنوط 17 اطرحلك كمارو في اللفات بالراحه|6| لكن في الخط مااشوف لمبه منه خخخخخ مثال تاني في السباق اللي سواه باخشب في درة العروس شفتو الستروين ال4 سلندر ستاندر جابت زمن دقيقه و10 ثواني وكماروات ولومينات وموستينجات ملغمه تغليم يبكي ماقدرت تجيب احسن من دقيقه و14 ثانيه :(

انا اتفق مع رأي الليجاسي وححط رأيي دحين
الدفع الخلفي/ يوضع غالبا في السيارات الفخمه والعائليه لأنها اسهل في نقل قوة المحرك حيث تنقل القوة بسلاسه وخفه وماتحس بالمطبات|1|
في حالة أخذ دوار او لفه(بسرعات عاليه طبع|4|ا) تهدي قبل اللفه بس مو كتير وتصغر اللفه قد ماتقدر يعني تكون قريب للرصيف الداخلي وماتدبل الدعسه ابدااااااااا ولاتخاف اذا بدات السياره تلعب معاك وتضرب فرامل هذا اكبرررررررر غلط(سمعتو يااصحاب الكماروات:D) قبل نهاية اللفه بشويه زود الدعسه بس انتبه لاتدبل بقوه لأنها برضو حتحوص معاك لكن زود شويه قد ماتقدر تلاقي السياره تخرج من الداخل للخارج عادي لاتخاف حتكسب زمن (لأنه مطارحاتنا حسب الزمن وليس مين يسبق التاني|6|)
يفضل في حالة اخد دوار ان تشغل نظام TCS(traction control system) اذا كنت غشيم:p للحذر من دوران الكفرات الخلفيه حول نفسها

طيب الكرسيدا ماهي دفع خلفي ولا أحلى منها في اللفات وبعد في الخط !!!
وأعتقد والله أعلم انه في بعض سيارات الدفع الخلفي ماتكون ثابته في الدوار (( أحتمال يكون من قفل الدفرنس )) والله أعلم
واتمنى من المختصين والفنيين يشاركونا ويعطونا أرائهم !

الدفع الامامي ...
في المنعطفات ... في القومات .....
والخلفي ما يقدر عليهم .....
لأن السيارة تمسك من قدام والكفر كاسر في المنعطف راح يسحب السيارة ....
لكن الخلفي حتى لو كسر الكفر الي قدام يمكن يوقف من زود السرعة ...

وهذا من واقع تجربة ... من الي يعرف الدوار الي يجي بعد كبري سيهات ؟؟؟؟
دئما اذا صارت سباقات اصحاب ال
الدفع الخلفي يتوهقون خصوصا الكماروات ... اذكر واحد اسود عليه جناح طويل جاء ومسرع ولاف الدركسون كله ((لكن لا حياة لمن تنادي السياراة راحة قدام ما لفت ... الماكس اخذ الدوار وهو ساحب 1000 ....)))


وتحياتي للجميع........

مدري عن الثلج ماعمري شفته غير في الفريزه ونعم الدفع الخلفي افضل في الطرق السريعه لكن نبغى نشوف آراء كمان وحنزل موضوع طويل انا بعد فتره ارد فيه

ما ادري بس في ايام الثلج الامامي افضل من الخلفي
مجرب الفرق
اما فاللفات افضل الخلفي وفالطرق احساس انه ارسى
===================================== ودمتم سالمين

طيب لسه ماحطيت رأيي بس ايش رايكم في السباقات التانيه غير الراليات كلللها دفع خلفي مثلا
سباق DTM (مرسديس+اوبل+اودي)وDTS (سباق بورشات) وغيرها كثير
والراليات راح اقلكم ليه دفع رباعي بس مو دحين ابغى اراء اكتر لو تكرمتو

أكيد الخلفي
بدليل ان السيارات الألمانية مثل المرسيدس والبي ام كلها خلفي