هــــام / الرجاء المساعدة للضرورة

فتى الحجاز1 @user_325459 · 02-01-2018

السلام عليكم ورحمة الله وبركاته

اخواني الكرام عندي كورولا موديل 2013 ماشيه تقريبا 80 الف
من يوم شريتها ما غيرت فيها غير كفرات وتغيير زيت وعبي بنزين
لاني من الاحتياجات الخاصة فمشاويري ماهي ذيك المشاوير

الان بغير البنزين من 95 إلـى 91
وقالي شخص نظف البخاخات

فمدري وش اسوي الان هل انظف البخاخات وش انظف او وش اغير بعد ؟

ياليت اهل الخبرة يفيدوني وجزاكم الله خير

نابولي89 @user_38727 · 11-01-2018

مثل ماذكروا الاخوة الافاضل / غير البنزين ولاتعمل اي صيانة.
حتى ترى اي ملاحظات او فوارق في الاداء العام للمحرك . عندها تعمل صيانة لو تطلب الامر.
وان شاء الله تعالى الامور تسير طيبة ولاتحتاج صيانة .

موفق اخي الكريم.

H-KYD @user_76343 · 09-01-2018

السلام عليكم

اخي الفاضل بارك الله فيك

بكل بساطة غير البنزين واستخدامك للايام الجاية يوضحلك اذا الامور تمام او لا

يعني اذا حسيت السيارة بدت تفقد العزم وبديت تلاحظ لون اسود ثقيل على الشكمان وتغير صوت المحرك ....بختصار الموتر يعاني
فمالك الا ترجع للبنزين الاول
لاكن ان شاء الله كل شي بيكون تمام
وبرضو خذ بتوجيهات الشباب فيما يخص الصيانه

والله يوفقك

فتى الحجاز1 @user_325459 صاحب الموضوع · 04-01-2018

جزاكم الله خير يا اخوان ما قصرتوا

مركز جوانا @user_231566 · 03-01-2018

توكل على الله وغير نوعية البنزين مافيه اشكال بحول الله
الشي الثاني طالما ان السياره لاتشتكي من شي واصل استعمالك لها وعند 100.000كم اعمل صيانه شامله
الكورلا سياره اعتماديه وتمشيك بحول الله لصيانة ال100.000 كم بالراحه
موفق

محمد القحطاني @user_269829 MOHMAD · 02-01-2018

هلا اخوي فتى الحجاز لازم تروح صيانة تويوتا عندهم تسعيره الصيانه وخصومات على الصيانه انت دخل السياره صيانه الثمانين وقلهم يشيكون على السياره وان شاء الله تكون امورك محلوله

فتى الحجاز1 @user_325459 صاحب الموضوع · 02-01-2018

S

SAHERR

هلا فيك اخوي ماقلت لنا هل عندك مشكله بالبخاخات هل فيه تقطيع او تكتيم هل غيرت فلتر البنزين قبل كذا

.

لا يوجد تكتيم .. وفلتر البنزين لم اغيرة

فتى الحجاز1 @user_325459 صاحب الموضوع · 02-01-2018

S

SAHERR

هلا فيك اخوي ماقلت لنا هل عندك مشكله بالبخاخات هل فيه تقطيع او تكتيم هل غيرت فلتر البنزين قبل كذا وفلتر الهواء ايضا لازم تتأكد من الكويلات اللي تغذي البواجي بالكهرباء وايضا تنظيف دائرة الوقود وطالما السياره مشت 80الف يفضل انك تغير الكويلات والبواجي وفلتر البنزين وفلتر الهواء وايضا تتأكد من سير التيمن سير المكينه وبقية السيور وزيت القير وشيك على البطاريه وان شاء الله امورك طيبه هذي اهم الاشياء اللي تحتاجها السياره في المده اللي مشتها هذي اشياء اساسيه وممكن توديها مركز عبداللطيف جميل وهم راح يساعدونك او اي مركز محترم ولاتنسى تتأكد من بلف الحراره لانه ممكن يحتاج تغير مع غطاء الرديتر وتغير ماء الرديتر حتى تعيش معك السياره بدون ماتظهر معك مشاكل وتحافظ عليها وبنزين 91 ماراح يأثرعليها

اخوي والله ما غيرت ولا شي ولا اعرف في السيارات كثير

محمد القحطاني @user_269829 MOHMAD · 02-01-2018

هلا فيك اخوي ماقلت لنا هل عندك مشكله بالبخاخات هل فيه تقطيع او تكتيم هل غيرت فلتر البنزين قبل كذا وفلتر الهواء ايضا لازم تتأكد من الكويلات اللي تغذي البواجي بالكهرباء وايضا تنظيف دائرة الوقود وطالما السياره مشت 80الف يفضل انك تغير الكويلات والبواجي وفلتر البنزين وفلتر الهواء وايضا تتأكد من سير التيمن سير المكينه وبقية السيور وزيت القير وشيك على البطاريه وان شاء الله امورك طيبه هذي اهم الاشياء اللي تحتاجها السياره في المده اللي مشتها هذي اشياء اساسيه وممكن توديها مركز عبداللطيف جميل وهم راح يساعدونك او اي مركز محترم ولاتنسى تتأكد من بلف الحراره لانه ممكن يحتاج تغير مع غطاء الرديتر وتغير ماء الرديتر حتى تعيش معك السياره بدون ماتظهر معك مشاكل وتحافظ عليها وبنزين 91 ماراح يأثرعليها