تويوتا هايلكس ديزل 2.8 أو جي إم سي سييرا

تم شراء GMC سيييرا موديل 2016 ممشى 50الف وبسعر مناسب جدا

مشكورين وما قصرتوا على النصائح الغالية

خذ في الاعتبار

2019 رفع سعر البنزين مع زيادة نسبة الضريبة 10%
2020 متوسط السعر العالمي للبنزين مع زيادة نسبة الضريبة 15%

جزاك الله خير الجزاء ...

مشكورين حبايبي

أحمد الدهمشي
&
السكوت أرحم

ولا عدمناكم

.البنزين بيغلى اكثر واكثر وانا من وجه نضري البنزين ماينفع الان غير سيارات ٦ و٤ سلندر وتكون دفع ثنائي او رباعي مستمر (مو دبل خفيف وثقيل)
فا انا انصحك ببدلاء بدال ال سييرا
ديماكس gt 3.0 تيربو
فورد رينجر 3.2 او 2.8
شاص تويوتا ديزل 4.5 ٨ سلندر تيربو
الهايلكس ما انصحك ديماكس ارخص واقوى
وسعر الهايلوكس قريب للشاص

اذا تبي سيارة بيك اب متكاملة للتحميل والراحة ماراح تحصل مثل فورد F150

فيها مزايا كثيرة مثل سلم لطلوع الصندوق وفيها افياش كهرباء وتحصل فئات مثل غمارتين وغمارة ونص وغمارة بالاضافة فيها انوار LED في الصندوق في الليل وانوار LED في المرايات الجانبية لو حملت بعذرها تتقوق بالسوق الامريكي اكثر ترك مبيعة في العالم تتوفر بمكينتين الازل 8 سلندر 5.0 لتر قوتها 390 حصان ومحرك الثاني 6سلندر ايكوبوست 3.5 لتر تون توربو 375 حصان عزم التوربو افضل من 8 سلندر سعة خزان التانكي 136 لتر تقريبا في الوكالة غالية لكن تحصلها في المعارض تقريبا سعرها 118 الق ريال عاد احسبها بالضرائب كم تطلع


شف مواصفاتها

https://www.youtube.com/watch?v=vEeE3N1YrPU


جي ام سي سييرا افضل كشكل لكن حط فورد ضمن خياراتك وفيها دفلوك اذا ناسبتك السيارة

.الهايلكس خيار ممتاز لاستخدامك
خصوصا مع محركات الديزل المتطورة
والله يكتب اللي فيه الخير،.

fhad2007

أبـوأسـد



Cefiro



WZ1420

ahmad882

SAHERR





شكرا لإرائكم وسعة صدركم واتمنى لكم التوفيق

الى الآن : الراحة والشكل وقوة المحرك والسلامة تتجه بي لل سييرا والله يعيني على بنزينه :38:

بنتظر للفترة القادمة اذا نزلت عروض من الوكالة وبإذن الله بشتريه

الديماكس لايعلى عليه وسياره مطلب للشركات لتحملها اذا تبغى الراحه اغلب سيارات البك اب غير مريحه وتتفافت الراحه من شركه لشركه واذا تبغى مواصفات مع قوه عندك الفورد رنجر اقواهم محرك واكثرهم مواصفات الهايلكس بمحرك 2.8L بقوة 177 حصان الديماكس بمحرك سعته 3.0L بقوة 163 حصان الفورد رنجر بمحرك وجربه3.2L بقوة 200 حصان ومواضفات كامله من شاشه ومثبت سرعه وناقل حركه اتوماتيكي وكاميرا ورادار امامي وخلفي ومقاعد جلد في فئة اللمتد او جلد مع قماش في فئة وايلدترك الرياضيه زعندك النيسان نافارا الجديد اذا نزلو منها ديزل فهو جيد ايضا شيك على الوكالات وشوف اللي عندهم سيارات تجربه ترا فورد عنده عروض وعنده سيارات للتجربه وعنده قسم تأجير ممكن تاخذ من عنده رنجر اذا كان متوفر وجربه كم من يوم حتى تقتنع وبالتوفيق مقدما

عندي ديماكس 2011 ديزل الشكل الرياضي 3000 سي سي غمارتين ماشفت منه اي خربات او عيوب من اول مانزلته من الشركة ماسويت صيانه في الشركة بس تحتاج تهتم في صفايه الديزل وغيار الزيت ماشاءالله قوي في القومه وعزم يطرح الهايلكس جميع الشركات في المملكه يشترونه بكثره ونسيت التكييف ثلج فريزر من قوه تكييفه اوقات كثير اقفله من البروده, بالاخير خبره ايسوزو في محركات الديزل تتفوق على تويوتا ومحرك الديزل عكس محرك البنزين مايحتاج صيانه زي البنزين, وصرفيه الديماكس اليتر الوحد 14 كيلو.
.

.
من تجربتي للديزل خاصة الهايلوكس

فلتر الديزل يمشيك حسب نظافة المحطات ويوصل الى ١٢٠ الف لاكن الافضل ٥٠ الف مع فلتر الهواء والهايلوكس فلترة كبير اكبر من اللاند

مشكلة الطرمبة من دخول الماء بالبنزين والديزل
والجديد اللن ينبهك بالطبلون عند الحاجة للتغيير او دخول ماء
مع عمي هايلوكس ٢٠٠٦ ماشي ٨١٥ الف والممشى هذا مع اهمال بالصيانة والفلاتر ومع كبير بالسن

بالنسبة للزيت التويوتا مع محركات D4D لايوجد نقص زيت والذيت يضل اصفر بعكس السيارت القديمة

الهايلكس سريع الانقلاب ماهو راسي ولاهو مريح والسييرا بيسلخك في البنزين .. حاول في خيارات اخرى !!

هذه معدلات استهلاك الوقود من كفاءة الطاقة

تويوتا هايلكس غمارتين دبل تماتيك ديزل 4 سلندر 2.8 لتر 13.4 كيلو/لتر
تويوتا هايلكس غمارتين دبل تماتيك بنزين 6 سلندر 4 لتر 9.4 كيلو/لتر
تويوتا هايلكس غمارتين دبل تماتيك بنزين 4 سلندر 2.7 لتر 10.4 كيلو/لتر

جي أم سي سييرا غمارتين دبل تماتيك بنزين 8 سلندر 5.3 لتر 9.4 كيلو/لتر
جي أم سي سييرا غمارة دبل تماتيك بنزين 8 سلندر 5.3 لتر 10 كيلو/لتر

ملاحظ الهايلكس الديزل هو أكثر شيء بيمشيك
لكن فيه كم شغلة لازم تعرفها عن الديزل قبل لا تشتريه:
1- محطات الديزل بوسط المدن تتعب علشان تحصلها!
2- فيه فلتر لازم تغيره أسمه فلتر الديزل ويعتمد كل سيارة متى يتغير وبعضها كل 20 ألف كيلو لازم يتغير ولو ماتغيره ممكن تجيب لك العيد بطرمبة الديزل وتكلفتها حسب ما سمعت انها غالية جدا في الايسوزو الديماكس قيمتها حسب مانسمع 13 ألف ريال! ما ادري كم حقت الهايلكس اسئل عنها.
3- ترى معظم محركات الديزل تستهلك زيت! يعني ممكن كل 5 ألاف كيلو أذا لاحظت ناقص علبة ترى شبه طبيعي! ومعروف هالشيء بمعظم سيارات الديزل.
4- تكاليف صيانة الديزل أغلى وعدد الي يسوي صيانة للديزل اقل من صيانة البنزين (أقصد كمحرك وملحقات الديزل الميكانيكية).

وشغلة مهمة الديزل بشكل عام حالياً رخيص لكن ما تدري عن الارتفاع وش بيصير هل بيضل رخيص او غالي؟ للأسف الوضع مبهم ففي كلام أن اسعار الوقود بترتبط بأسعار النفط او أسعار الوقود عالمياً وسعر الديزل بأمريكا أغلى من سعر البنزين 87 أوكتان! الي يعادل عندنا 91 Ron الأخضر

الي بتستفيد منه بالديزل تكلفة التعبية أقل ويمشيك أكثر وعمر المحرك الأفتراضي أعلى وممكن المشاكل الميكانيكية أقل من البنزين لكن أن صار فيه مشكلة أعرف أنه بالاغلب صيانته أغلى من البنزين

لا انصح كثير بالديماكس لكن يتميز عن الهايلكس أنه اريح فقط! (للمعلومية لو تسوق أي بيك أب متوسط الحجم بفئته بتلاحظ أنه اريح شوي او مريح من الهايلكس بمعنى أصح الهايلكس هو الأسوء راحة بفئته بحسب مجلة الاسترالية Car Advice) لكن الخامات المستخدمة داخلياً للديكور للأسف الديماكس أسوء من الهايلكس!

شوف هل ترى يسوى الانتقال من للديزل أو تاخذ بنزين؟

فرق الممشى ما اشوفه كثير جدا بين البنزين والديزل الهايلكس إلا ان تكاليف التعبئة فقط بتكون فرق واضح
حتى ما الاحظ فرق يسوى تفكر في 4 سلندر وفرق الاستهلاك بسيط جدا بينه وبين 6 سلندر إلا ان كنت شايف فرق السعر يفرق معك

وحسب كفاءة الطاقة السييرا غمارة 8 سلندر دبل اقل صرفية من هايلكس غمارتين 6 سلندر دبل

توكل على الله وخذ هايلكس .. تتحمل شوي عدم الراحه لكن ارحم من صلخ البنزين .. والله ان تصيح

شكرا جزيلاً .... بخصوص الديماكس ما عجبتني وكذلك لقيت إنتقاذات كبيرة للوكيل من ناحية مستوى الخدمة وسعر الصيانة

يا هلا فيك ...

سعة التحميل ما تشكل عائق

لكن مستوى الراحة مهم بالنسبة لي :(
.