استفار لخبراء SUV

.

الترافرس والاكاديا بالامكان فصل زر الايقاف والتشغيل عن طريق شاشة المعلومات ( عن تجربة وقت تجربة السياراتين )
كما تم سؤال المهندس المسؤول عن تصميم الترافرس عند زيارتي لامريكا لتجربتها بخصوص هذه الخاصية فافاد بان البطارية وجهاز التشغيل (السلف ) يكون اقوى واطول عمر من العادي وبالتاكيد سعرة اعلى

اقترح الجراند سنتافي او الكيا سورينتو
سعرها جيد وتقييمها عالي في امريكا

كل كروس اوفر فيه له عيب.
1-اكاديا وترافرس مشكلتهم خاصيه الاطفاء مع كل بريك تضغطه ومتاكد من انه هالميزه راح تأثر ع السياره واشوفه عيب واي خلل فيها يعني تتوقف ويلا سطحه الافضل تبتعد عنهم .
2- مازدا عيبها الصف الثالث مافي له فتحات تكييف
3- اكسبلور اسعاره قريبه للالماني غالي مره ومدري شالسبب ومانصح تاخذ موديلات قديمه وبسعر يعتبر غالي ايضا
4-باثفندر انت تقول مشكله بالقير بالنسبه لي ماعندي خلفيه كثيره عنه
5- دورانجو الوكيل يعتبر الاسوء

اذا يعجبك الصيني ارشح لك الهافال اتش9 سياره جيب اس يو في ودفع رباعي متطور وناقل حركه 8سرعات من شركة زداف ZF الألمانيه ومحركه رباعي الأسطوانات (اربعه سرندل) سعته 2.0L تيربو بقو251 حصان وسيارة تنافس البرادو والباجيرو سياره واسعه ومريحه لسبعه اشخاص وسعرها مميز الفل ب108 الف مع الصيانه المجانيه اذا لازال العرض موجود وسياره جيب على شاسيه حجمها بين البرادو والتاهو وممكن تاخذها تجربه من الشركه وكيلها شركة توزيع وتسويق السيارات القريشي وضمان 5سنوات و150 الف وصيانه سنتين مجانيه وممكن تشوف موضعين لي عن السياره مجربها في جده وفي المنطقه الجنوبيه وراح يكون لي تجربه ثالثه واخيره وهي رحله من ابها لجيزان للقنفذه لجده وراح انزل موضوع عنها بأذن الله

الامريكي في فئة الكروس اوفر .. مثل الاكاديا والترافيرس.. ضعيف والمنافسين خصوصا اليابانيين أفضل في الاعتمادية واقتصادية الوقود

لو الامريكي ناجح في هذه الفئة لرأيت هذه السيارات تتبوأ الصدارة في مبيعات الداخل الامريكي .. لكن واقع المبيعات يقول ان الكروس اوفر الياباني متسيد السوق الامريكي

الاخوان ماقصور

جربت الباث 2018

https://www.youtube.com/watch?v=npzF1ewsNas

السيارة واسعة ومريحة وتحسن العزل ونظام الدفع الرباعي وكذلك تم تحسين القير ونظام التبريد الخاص فية
لكن خلال تجربتها له في منطقة جلبلية وكان من المفترض تشغيل نظام التراكشن سيارتين وقفوا بسبب ارتفاع حرارة القير ولما برد اشتغلت عادي

الترافرس والاكاديا عليها قير جديد 9 نمر وهي الاكبر سعة من الداخل ومحركها اداءة ممتاز
شخصياً اشوف السعر مرتفع

https://www.youtube.com/watch?v=eV6PwEzNkIU

اذا قدرت تستاجر السيارة وتجربها كم يوم وتاخذ انطباع كامل عنها افضل

ولا تنسى الاستخارة
بالتوفيق

فيق

نعم متطابقة لكن في 2019 القير مختلف و هذا يشكل فارق ، في التحديث المقبل للأكاديا خلال السنة الحالية راح يحصل على نفس قير ترافيرس الحالي

ترافيرس و أكاديا يتطابقان ميكانيكيا .. يعني المشاكل بالأكاديا نفسها بالترافيرس

اختلف معاك اخوي

لان حسب المواقع الاجنبيه السيارة فيها مشاكل في القير وايضاً ( السياره تطفى عند التوقف التام وتشتغل عند الدعس على البنزين من دون زر لفصل هالخاصية) واللي فهمته انهم ممكن يعدلون هالاشياء مع الفيس لفت او ٢٠٢٠

.

الفورتنشر عملي جداً ، و لكنه لا يستحق سعره و لا هو ذيك السيارة الي تبهرك، وغم أني جربت فئة وحدة منه وهي VX 2018 و رغم هذا في كل لحظة اشوفه من داخل أقول سعره اعلى منه بكثير ، 140 الف كثير جداً عليه

بالرغم من إعجابي في جمس أكاديا 2019 لكن ما انصحك فيه لسبب واحد ، لان قيره نفس قير 2014 بالرغم من شكله الجديد و لان كثير كان يشكي من القير في الجيل السابق فاتوقع المشاكل راح تستمر لانا لقيت لم يتغير ، لكن أكاديا 2020 راح يحصل له فيس لفت مع قير 9 سرعات اعتقد او ربما 10 سرعات وهذا هو التغيير المطلوب

هوندا بايلوت جداً جميل و لكن مدري عن توفر وكيله عندكم
و كدلك المازدا CX9 الجديد جداً ممتاز و قوي و كل من جربه يمدحه ، محركه 4 سلندر لكن هو اكثر شي يبهر من جربه
لكن الوكيل مدري هل هو متوفر ، اهم شي الصيانة خصوصاً انها راحت بقى مع سواق

الي اقدر أرشحه لك بكل ضمير مرتاح ان شاء الله هو شفرولية ترافيرس
جيل جديد يعني راح يستمر 4 او 5 سنوات بدون تغيير
قير جديد و بالتالي راح تبعد عن مشاكل القير ان شاء الله
كبير و مواصفاته ممتازة و فيه نوع LT3 ممكن يوصل سعره ل150 الف لكن جلد و سقف بانوراما و مواصفات جداً ممتازة
سعره يبدا من 105 آلاف تقريباً لو حولها لأقل فئة

مشكورين الخبراؤ على الاجابات الشافية

اتفق معك بخصوص الدورانجو

نقطه

كل موديلاته دفع خلفي اساسي او رباعي

لايتوفر بسحي امامي

الباثفندر كان فيه مشاكل في موديلات 2013 و2014 رجه في القير وعملو استدعاء
لكن من 2015 حلوها ونملك في البيت 2015 ولله الحمد مافيه اي مشكلة
كعائلي سيارة حلوة وسيعة ومريحة وسهل الوصول لمقعد الصف الثالث
لا انصح بالستاندر لانه 2 وسائد هوائية لكن الفئة الي اعلى من الستاندر SV تجي بوسائد هوائية جانبية وتجي بكاميرا خلفية وحساسات خلفية

اناا ابنصحك اللي اشوفه افضل من ناحية المواصفات وسهولة الصيانه خارج الوكالة( استبعد المازدا لسوء الوكيل وصعوبة الصيانة خارة الوكالة)

١- دودج دورانقو( سعرها يبدا من ١١٨ الف للدفع الامامي و ١٢٧ للدفع الرباعي) وومكن تحصل اصفار ٢٠١٥ بحدود ٨٥ الف عند الوكيل نفسه واتوقع مناسبه لك

https://haraj.com.sa/1139743046/%D8%AF%D8%B1%D9%88%D8%A7%D9%86%D8%AC%D9%88_SXT%D8%A7_2018_%D8%B9%D8%B1%D8%B6_%D9%86%D9%87%D8%A7%D9%8A%D8%A9_%D8%A7%D9%84%D8%B9%D8%A7%D9%85111_500/

( هذي ٢٠١٥) https://www.unitedmotors.sa/ar/vehicle/2015-%D8%AF%D9%88%D8%AF%D8%AC-%D8%AF%D8%B1%D8%A7%D9%86%D8%AC%D9%88-%D9%84%D9%8A%D9%85%D8%AA%D8%AF-%D8%B3%D8%B9%D9%87-5-7-%D9%84%D8%AA%D8%B1-7094/

٢- فوكس واجن تيرامونت وسعرها بحدود١٣٥ الف

https://ar.volkswagen-me.info/special-offers/

٣- فورد اكسبلورو وتحصل اسعارها بحدود ١٢٠الف لموديل ٢٠١٦ بالمعارض

٤- تويوتا فرونتشر تبدا اسعارها من ٩٥ الف

اذا كانت للسواق لاتطلع عن تويوتا اما اذا لك شخصيا شيك على الدودج دورانقو

مرحبا الف فيك اخوي shagra اذا انت تبغى كروس اوفر 3صفوف عندك الاكاديا او الترافيرس الجديده واذا انت تبغى اس يو في سياره على شاسيه وقويه عندك الفورتشنر او الباجيرو وعندك الهافال H9 هذي السيارات على شاسيه ودفع رباعي ممكن تسافر عليها وممكن تروح رحلات بر واحجامها جيده اكبرهم الهافال حجمه قريب من اليوكن وعزمه ممتاز فيه كل طلباتك مكيفين منفصله وشاشه وكاميرا وتبريد وتسخين المراتب الاماميه مع مساج التدليك وسعره 2019 مع عرض الضيانه المجانيه لمدة سنتين ب120 الف كامل المواصفات وممكن تشوف تجربتي له في الموقع وهذا الرابط https://www.assayyarat.com/forums/t322790.html

الفورتشنر لن يخذلك ممكن يعيش معك 20 سنة افضل من اي كروس اوفر مشاكله ماتنتهي لكن الفورتشنر مو مريح وغيراقتصادي وانت احكم الاعتمادية او التوفير والراحة ..؟؟