دعوة للنقاش السيارات الأوروبيه وخدمات مابعد البيع

بسم الله ابدا
السنين الاخير كان عندي رنج سبورت 2013 وسبق نزلت عنه تقرير جلس معاي 3 سنوات تقريبا مشى 160 الف و كذلك حاليا مرسيدس S400 2016 كلهم اخذتهم بعرض 50 % حالي وبعد سنتين 50 % الاخرى

تجربتي ملخصها الاتي
الرنج روفر وكيله الناغي على ذاك الوقت كانت الخدمه سيئه ومع مرور الوقت تحسنت بشكل كبير جدا اسعار الصيانه غالبا تتراوح بين 1700 الى 2200 تقريبا كل 3 اشهر او كل 15 الف كم وجميع الامور خارج الصيانه الدوريه اسويها خارج الوكاله مثلا الفنقر بريك اصلاحه بكلام الوكاله حول 3000 بينما صلحته بورش متخصصه ب 900 ريال الفحمات قالي ب5000 وغيرتها برا والقطع اخذتها من عندهم ب 1600 تقريبا وعندهم اشكاليه انه يمشي على جدول ومايشوف السياره وش تحتاج يعني لما غيرت الفحمات وجيت على الصيانه اللي بعدها كلموني انه لازم تغير الفحمات اقوله كيف حكمت والفحمات جديده بعدها اعتذر انهم ماشيكو بس ان على هذا الممشى مفروض تغير , الوكاله يمشو على خط معين وجدول ومنها تصير فواتير مرتفعه مثلا واحد من الزملاء معاه بنتلي فلاينج السياره نظيفه وكاله مافيها شيء وداها الوكاله دفعوه فاتوره ب 51 الف بينما انا متاكد ماكان يحتاج ولا شيء من التغييرات اللي سووها .

المرسيدس حاليا توها ماشيه حول 60 الف وديتها اول صيانه على 15 كانت حول 2000 و30 نفس الشيء بعدها على 45 الف كم قالي ب4800 وعلى امور عاديه جدا رحت وديتها مركز كارتك فحص كامل ب370 وقالي على بعض التغييرات ضبطها عن المالكي بالصناعيه القديمه ماكلف الاجمالي 1300 تقريبا . وغيرت فحماتها خارج الوكاله بحول 1100 والقطع من الجفالي بينما عندهم لا تقل عن 3000

وللاسف معنا جيوب لكزس اكثر من واحد صيانتها عن عبداللطيف زي الورد والاسعار ممتازه وتخلص السياره على طول تجربتي مع الجفالي و الناغي لازم تاخذ يوم كامل عندهم
واعتذر جدا على الاطاله