معي كرايسلر 2015 غيرت الثلاجه من 7 شهور كان فيها تهريب فريون وضبط المكيف لين بدايه الشتاء من شهرين لاحظت المكيف بادي يمزح بالذات في الوقوف مرات يكون بارد في الوقفه ومرات لا وانا ماشي التكييف ممتاز المشكله بالوقوف وكان قبل وقت مايكون حار اشيك ع المراوح القاها طافيه لكن ذا ال3 ايام المراوح تكون شغاله وحراره السياره ممتازه ومع ذلك مايكون بارد بالوقف ومره يكون بارد ..
وديته لورشه شبك ساعه الضغط وكان الضغط 60 اعتقد قال الكمبروسر عطاك عمره غيره ووقت ما الساعه مشبوكه صار المكيف بارد وصار الضغط 35 ثم فصل ورجع 60
هل فعلا الكمبروسر ودع او ان فيه نقص فريون مع اني عالجت التهريب كان عندي لحدود السنه ونص بتغير الثلاجه .. كان يميز تهربب الثلاجه بصوت تسس تسس والان مهوب موجود الصوت ذا
كيف اتاكد اذا الكمبروسر ودع او نقص فريون او اي مشكله ثانيه
حتى مرات افتح الكبوت امسك الماصوره مرره تكون باارده ومرات لا
