السلام عليكم ورحمة الله وبركاته
وصباحكم عسل يا اخوان أمس غيرت زيت القير عندي وبما أن لي فتره طويله ماغيرت الزيت وماشي كثير عليه قررت اغير 3علب فقط وال 3الباقي بعد فتره لأن القير عندي ياخذ 6علب المهم غيرت 3 علب فقط وقالي المختص بعد 10000 كم تغير ال3الباقي سألته قبل ماغير الزيت هل راح يكون فيه ضرر عالسياره والفقير ولو بنسبه ضىيله قالي لا مافي اي خطر المهم بعد ماغيرت الزيت مشيت للعمل وبعد مامسكت الخط وعديت قرايب 100 كم وقفت اصلي ولما جيت امشي ماصار القير يبدل معي وكان عالنمره3 مايعشق ابد حتى لما حولته عادي برضو نفس الشي وقفت وفصلت اصبع البطاريه وشبكتها وضبط معي ومشيت بعدها بمسافة لما هديت عند المطبات وجيت ادعس رجع لنفس المشكله وماصار ينفع فصل البطاريه بما انه حل مؤقت المهم السياره ماصارت تمشي لما ادعس مايمشي وكأني مفضي القير يرتفع الضغط حق المكينه ومامشت السياره تقريبا انه خبط القير واليوم أن شاء الله راح ارجع لنفس المحل بعد ماتواصلت معهم البارح وقالوا لي احتمال كهرباء أو برمجه قلت له ياحبيبي واضح ان القير خبط لاكن ماهي مشكله راح اجيب السياره اليوم للمحل على سطحه ونفحصها ونشوف وين المشكلة وراح اوافيكم أن شاء الله باللي راح يصير
تقبلوا تحياااااتي🤭
