السلام عليكم ورحمة الله وبركاته
هلا بالغالين
ياشباب طبعا كلكم عارفين اني اخذت جيب لكزس rx330 موديل 2004
وتوه ماشي 2000
والحمد لله زي الحلاوه واعشقه بجنون
لكن انا بصراحه ناوي اكمل نص ديني فقررت اني ابيعه وازود عليه واشتري لي شقه تمليك والحمد لله لقيت شقه تستاهل اضحي علشانها بسيارتي ولو ان الموضوع باقي ماتم يعني فيه احتمال الغي الفكره كلها واخلي سيارتي معاي
صدقوني ماتهنيت فيها لكن دام بشتري بيت عادي بعدين ان شا ءالله اشتري لكزس سواء الجي اس الجديد او اي نوع من انواع اللكزس
لكن
بصراحه ياشباب انا ودي اشري لي سياره رخيصه ونص فخمه قلت اطقطق فيها 3 سنوات وبعدها اخذ لي لكزس موديل سنتها
فدلوني الشباب على الكابرس سواء رويال او اس اس ولو اني ماحب الامريكي
بس المشكله ومابي احد يزعل ان الكابرس معروفه خراباتها كثيره وانا خايف اشتريها واتوهق كل شوي رايح الوكاله وانا ماني متعود على ذا الشي الحمد لله دايم اودي سياراتي الوكاله بس علشان الفحص
ماطولها وهي قصيره
ياشباب بالله دلوني على اللي يريح اخوكم خصوصا اصحاب الكوابرس
اخذ لي كابرس رويال او اس اس وتدوم معاي سنتين او 3 ولالا ؟
وارجوكم ابعدوا عنكم التعصب ولايجون اصحاب الكوابرس يمدحون بكلام موب صدق تكفون ابي الحقيقه
واسف للاطاله
سلام
