السلام عليكم ...
كيف حالكم انشالله تكونون بخير
اخواني وخواتي الاعزاء
اولا احب اشكر كل اللي ساهم في احياء هذا المنتدى الرائع واللي جمعنا على الخير والمحبه ومعرفه الوجيه الطيبه اللي موجودين هنا
بس عندي ملاحظه او ممكن تعتبرونها وجهه نظر مني واتوقع في ناس كثير يشاركوني فيها
الملاحظه هي : وشو الهدف من المنتدى ؟؟؟؟ ووشو الهدف من تجمعنا هنا؟؟ وليه الواحد يطرح موضوع بالمنتدى ؟؟
اتوقع الجواب ان الهدف من المشاركه هو تبادل الراي والحلول ومناقشة الموضوع المطروح عشان نقدر نوصل لحل مقنع يرضي اغلب الاطراف
وهذا الشي بصراحه انا ماني شايفه موجود بكثره هنا
والمجامله موجوده بزياده سواءاً كان كاتب الموضوع على صح او على غلط الرد المعتاد راح يكون
( مشكور اخوي على موضوعك والله يعطيك العافيه وننتظر المزيد من ابداعك )
بعد الجمله هذي راح ينقفل الموضوع وراح ينطوي مع المواضيع القديمه وماراح يلتفت له احد وكاتب الموضوع ماراح يوصل لحل لان الرد مافاده باي شي ولذلك احتمال كبير مايرد على المشاركات
وهذا اللي حصل معي انا واتوقع كثير من الاعضاء مثلي
اسمحو لي اذا طولت عليكم بس اللي ابغى اوصل له هو ان الموضوع اللي ينطرح لابد يكون الرد عليه ينتهي بسؤال عشان يكون في رد من كاتبه وهكذا .....
واتوقع بالطريقه هذي راح تسمح للاعضاء الجدد انهم يتابعون المواضيع القديمه ويشاركون فيها وبكذا راح تعم الفائده لكاتب الموضوع والمشاركين وراح يكون التواصل اكبر بينهم
وفي الختام اتمنى اني اسمع ارائكم على ملاحظتي وشكرا
تحياتي لكم
