تمرين الأكورد 2004 أفيدونا /// شباب تكفى كيف؟؟.. لا اكون عدمتها، وما مرنتها صح...

أخوي ل_ر_ي_8_8_3 كيف حالك ...
المهم ... أول ما طلعت السيارة إلى أن كملت 1000كم ما عديت 100كم ولا زدت الضغط عن 3.5 RPM
وكنت أتبع جميع الخطوات إلي ذكرها أخونا العزيز الأكوردي.
من قبل طبعا.
تحياتي

يسلمكم شباب والله ما قصرتوا...

مشكوووورين..

أكـورد : تسلم حبيبي الله لا يحرمنا منك ومن مشاركاتك الجميلة
خالع وسكن والـع: كلامك جميـــــــــــــــــل جــــــــــداً

أبو نايف9999
مع التحية

المكيف ماعليه اي مشكلة..كثير اعرفهم شغلوا المكيف بالاكورد اول ماطلعوها..والحين ماشين فوق العشرين الف ولا ضرهم شي..

تشغيل السيارة اصلا المفروض مندوب الوكالة يعطيك هالتعليمات..عموما ان شاء الله خيير..بس اهم شي لاتوسوس تصير من اللي يوقف السيارة عند المطب وينزل يدفها..خلك عاادي جدا تراك شاريها تخدمك موب تخدمها انت..بس عطها حقها من الاهتمام وسو فيها اللي تبي..

لاتعليق بعد نصائح اخوي الاكوردي الذهبيه.

خير إنشاء الله ...

يسلمو شباب.. بس أنا بصراحة فكيت المكيف بعد أسبوع تقريباً أو أقل .. وما كنت مكمل الـ 1000 كيلو...؟؟ فيها شي..

وكمان كنت أدق السلف على طوووول ولا 3 ثواني ولاهم يحزنون.. فكيف الوضع ..؟؟؟

معانق الأكورد.. هات شرحك ,, إذا عندك شي تضيفه يا مرحبا بك..


فؤاد

والله ماقصرت يخوي الأكوردي بين كل شي الله يعطيه الف عافية

فهمت ولاباقي اشرحلك

انا مع كلام أخوي الاكوردي


تحياتي

حبيبي كل تأخيره فيها خيره.....أنا مشغول يوم الأربعاء والخميس بسبب السفر .
والأخوان فيهم الخير والبركة

شوف عزيزي أنا رايح أعطيك الزبدة في تمرين السيارة
طبعا يقصد بتمرين السيارة هي مسافة 1000 كلم الأولى لأنها مرحلة مهمة جدا للقطع الداخلية للسيارة .
أعطيك مثال بسيط مع أني لا أحب هذا المثال : إذا أراد واحد يتعلم شرب الدخان وش راح يسوي ؟؟؟ أكيد المرة الأولى ياخذ نفس ثم نفسين في اليوم الأول وبعد سنة تلاقيه يشرب بكت في اليوم (والعياذ بالله)..وأقصد من كلامي أن كل شي بالتدريج.
ونفس الحكاية للسيارة وإليك ضوابط الألف كلم الأولى:
1)لا تزيد السرعة عن 80
2)لا يزيد مؤشرrpm (العداد الثاني )عن 3.5 (((يعني لا تدعس على البنزين بقوة ))لازم يكون التسارع تدريجي.
3) يفضل عدم تشغيل المكيف ..مع أن الوكالة تقول أن السيارة ممرنة من بلدها . والمكيف لا يؤثر .. ((ختياري)
4)يفضل عدم السير في مناطق جبلية.
5)البنزين لا يقل عن الربع
6) عند بداية تشغيل السيارة وعند وضع المفتاح على on إنتظر ثلاث ثواني إلى أن يرتفع مؤشر البنزين ثم شغل السيارة .((((ضروري جدا)))
7) عند تشغيل السيارة لا تدعس على البنزين إطلاقا وانتظر السيارة تسخن لوحدها إلى أن يصل المؤشر إلى الحد النهائي (يعني 5-7 دقائق)
تقريباهذه أهم الإحتياطات الواجب إتباعها في الألف كلم الأولى .
وبعد الألف روح الوكالة ...ثم إنطلق بالأكوردي كيفما تشاء

معلومة مهمة للأخوان ((أنا والحمدلله لم أشرب الدخان في حياتي ))
أبو نايف
مع التحية

اذا عندك اي سؤال تفضل انا تحت الخدمة

وإيميلي فى التوقيع

اخوي معليش توني ادخل الموضوع

بالنسبة لتجربتي مع سيارتي الاكورد 2003 كانت تجربة عادية

يعني لما كانت جديدة ما كنت ادعس بنزين كثيرر( اخليها تمشي على الراحة ما احن عليها )
بعدين المطبات امشي عليها بخيف مرة بس انتبة لا تكون وراك سيارة تعدم عليك الشنطة

بعدين احرص على الصيانة اول بأول

ولا تنسى تتوكل على اللة اذا ركبت سيارتك

تمنياتي لك بالتوفيق ,,,