مشــــاكل الاكورد

يا رجال الوكالة ما عندهم إلا الدجة :D
خلها على ربك

القزاز الامامي الي عن الراكب احياناً اذا فتحت القزازة يطلع صوت طقة وهي فاتحة ( اذا طولت ما فتحتها , ثم فتحتها يطلع الصوت )

كيفك أكورد وبس

650ريال ليشششششششش .. السيارة مو على الضمان وخصوصا الفحمات داخلة في الضمان ؟
ودي أعرف

حيا الله الشباب ..

بالنسبة للفرامل .. أنا كان عندي نفس الصوت .. وغيرت الفحمات والقماشات الأمامية والخلفية .. بـ 650 ريال مع شغل اليد بالوكالة .. والآن ما أسمع أي شيء نهائيا ..

والدرايش .. خل الوكالة يثبتون لك الكلبسات من جوا .. يمكن إنها مرتخية .. حصل معي نفس الشيء والآن تمام ..

والديكور .. يحصل معي زي ما يحصل للاخ Rami .. وأتوقع تحتاج تثبيت لا أكثر ولا أقل ..

أخوي سيارة .. رح لفرع خريص .. صيانتهم رائعة .. عندك المهندس أحمد قل له جايك من طرف أكورد وبس .. :D

أخوي خالد .. يمكن الرابط هذا ينفعك ..

http://www.assayyaratnet.com/forums/forumdisplay.php?forumid=12

تحياتي .. :)

ياشباب عندي القزاز الامامي اذا كنت ماشي على سرعة يعني 180 وفوق يرج ويطلع صوت مع العلم انه ماكان موجود اول..واحيانا قزازة السائق فقط واحيانا الثنتين اللي قدام..وتشييك 10 الاف كان فيه صوت في قزاز السائق اذا قفلتها صوت احتكاك قوي..وصلحوه الوكالة...ماادري اذا احد عنده علم عن هالرجة لاني اذا رفعت القزاز يسكت...

اخوي رامي الصوت هذا جاني بعد ما دخلت السيارة الوكالة لصيانة 30000 كلم
لما طلعتها جاني هالصوت.

بصراحة ادخل السيارة لصيانة ويطلعونها وفيها مشكلة:mad:
اول مشكلة جتني منهم كنت مدخلها لصيانة 10000 كلم طلعتها و خربوا على ضغاط البوري صار ثقيل:confused:

مشكور Rami على الافاده والله افدتني ببعض المعلومات مشكورررررررر.

أخوي سيارة الطقطقة اللي بالديكور لو فكيت بطانة الأبواب و ركبتهم مرة ثانية ...
أنا كان عندي نفس الشي و خصوصا لما تعلي صوت المسجل و ال bass كون عالي يطلع الصوت
أعتقد بعض الكلبسات تكون مو راكبة عدل
و بالنسبة للصفير كان يطلع عندي ولما غيرت التظليل راح لأن التضليل تصير فيه خطوط من فتح و إغلاق الشباك و هذا يسبب الصفير .. هذا والله أعلم

تحياتي لكم

اخوي H@SS@N

الطقطة فى الديكور تجي حتى فى الليل

مشكور حبيبي

اخواني الأعزاء
مافي داعي للوسوسه الزايده السيارات ممتازه والي فيها في السيارات كلها
اخوي سياره مشكلة الديكور عندك اذا كان صوتها زي صوت احتكاك
كراتين الفلين مع بعض او مشابه له فهذي مي مشكله واذا تبي الصوت يروح
لا توقف سيارتك في الشمس او يمكن تكون المدينه نفسها حاره لأن الطبلون حق
السياره مصنوع من الجلد وطبيعي مع الحراره يلين ويبدأ يتحرك مع المطبات
ويطلع صوت ، وبعدين جرب يوم اركب سيارتك في الليل علي المكيف واقعد لفلف
ماراح تسمع الصوت لأن جلد الطبلون سار قاسي مع البروده .
مع تمنياتي لجميع السيارات بالشفاء العاجل .

H@SS@N |3|

M.S.2
اخوي عاشق الماكس
سيارتي ما شية 35700 كلم
وعلى فكرة انا مدخل سيارتي يوم الاربعاء وكنت موقف ورا سيارتك بالضبط
وعرفتك عن طريق( ل وس +M.S.2 )
==========================================================
**الأكوردي**
اخوي لا نيب راعي سرعة ولا مقاومات اقود سيارتي بشكل طبيعي

بعدين امس الخميس طلعتها من الوكالة بعد صلاة العشاء وكنت معطيهم تقريباً
خمس ملاحظات ولا زينوا إلا ملاحظتين فقط ؟؟:mad:
الفحمات + صوت فى الحزام(القاعدة )
بالنسبة لديكور هذي ثلاث مرة

وشكل الصبر نفذ مرة :mad: ابدخل على مدير الصيانة وبخربها معة |4|

=========================================================
Rami

هلا بك اخوي

سيارتي جنوط اصلية

كنت مركب تضليلة وفكيتها قبل شهر

تحياتي لك ,,,
==========================================================
خالع وسكن والـع

هلا بك اخوي
كلامك صحيح

لازم نستغل الضمان قبل لا ينتهي
==========================================================
أكـورد

اخوي مشكلة الديكور الي عندك نفس الي عندي لكن غريبة جت سيارتك بدري
=========================================================

AHMED900
لن اجد الاجابة إلا من الاعضاء
شكراً لك
=========================================================

مشكور ين شباب على الردود|3|

الحمدلله شهد شاهد من أهلها وأكثر من واحد يشتكي من الفرامل 00 والرساوة 00 والصوت من التخشيبه 00 وتنسيم الهواء عند سرعه محدده 00 وأصوات في الكفرات يعني تأخذ لك شطرطون عفش وترقع هالاصوات أصرف لك

يعني اذا بيتك من زجاج لا ترمي الناس 00 مع اني ما شفت شيء باللومينا ولله الحمد ولكن تبقى اللومينا لا تلومينا
أقروا التوقيع

خـــالـــد

أخي سيارة أرجو طرح موضوعك في منتدى الورشة
لعلك تجد الإجابة الشافية هناك

الحمدالله كل شي عندي تمام كان عندي صوت الفرامل سويت تشيك وراحت

اما بالنسبة مشاكل الومينا ما تقارن بالاكورد

ياشباب والله اني مستغرب من صوت الفرامل الي تقولون عنه انا والحمدلله من اول ماطلعت السياره والحين ماشيه 5800 كم ولا قد سمعت صوت في الفرامل بالعكس ماشيه معي تمام بس عندي مشكله وحده ذابحتني الي هي فيه صوت في الديكور حق القزازه الاماميه والصوت طالع من يمين الاطار ويجي ويروح متقطع يعني.

تحياتي:أكـورد

^
^
^
ترى المنتدى الامريكي تحت..

وصدقوني والله ان مشاكل الاكورد اللي تقولون عنها عادية جدا جدا..لكن المسالة ان العالم تدقق وتخاف على السيارة من اقرب صوت..طبعا هالمشاكل بالنسبة للومينا ولا شي لان راعيها يبتل يسمع اصوات الين تطيح المكينة ولاينكسر القير ولا هالمشاكل..:p


اجل بالله واحد يقارن مشاكل الاكورد باللومينا...يالله لك الحمد...




تحيااتي...

وانا أشهد الخافي أعظم حرام واحد يضيع فلوسه في الأكورد وبالأخير يقل مادحوها ويكثر ذاموها الله يكون بعونك 000

إقروا توقيعي وبس

خـــالـــد

أخوي سيارة عندي سؤالين لك و انشاالله بتنحل مشكلتك ؟
1- هل سيارتك جنوط ولا طوس؟
2- هل مركب تظليل على سيارتك ؟

يا ريت تجاوبني علشان أفيدك ... تحياتي !

السلام عليكم

انا اعرف كذا واحد عندهم اكورد 2003 و 2004 و الكل مرتاح منها على الاخر

مشكوووور يا الغالي
تحياتي لك
اخوك
مستشار التفحيط