السلام عليكم ورحمة الله وبركاته
اخواني انا شريت جراند ماركيز قبل شهرين مديل 99 امريكي
بس عندي كم مشكله المشكله الاولي هي الشكمان يطلع صوت
رحت لمحل قال لي الشكمان ملحم في البدي ولازم تغيره قلت اوكي
بس قلت مدامني ابغير الشكمان ليه ما احط شكمانين مثل السعودي هل تنصحوني اني احط شكمانين
او شكمان واحد وايش الحل انه ما ترجع لي نفس المشكله الا وهي صوت القرقعه
واذ تخبرون لي ورشه في الرياض حلوه اروح لها وارهم لي شكمانين اكون من الشاكرين
والمشكله الثانيه اني اذ شغلت المكيف وحطيت القيل في الدي تزود الدعسه وتطلع رجه بالموتر
رجه في الديكور الامام رجه بسيطه واذ رجعته للفاضي او البي رجعت السياره عاديه واذ مشيت عادي ما فيه صوت
ورحت لكذا ورشه في الرياض وقالو لي ما فيها شي عادي وانا منقهر منها :)
وشكرا
