الأخ المُتيّم :
أخوي لا تتعب نفسك أنت قمت على مكسيما ما يخالف .
لكن والله الموضوع محسوم من زمان الماكس أقوى بكثير من الكامري ولا تنسى إن محرك الماكس من أفضل عشر محركات في العالم ، يعني لا تحرج نفسك في مواقف أنت في غنى عنها .
وأسمع أخوي هالسالفة :
أنا قبل أسبوعين كنت راجع من الجامعة ولا قدام راعي كابريس LTZ (وأنت تعرف الكابرس LTZ 8 سرندل ) الأخ مسوي فيها زحمة ويساقط على العالم من يمين ومن يسار وبغى يسوي أكثر من حادث المهم ما لك بالطويله ، وقفت أنا وهو في اشارة وهو كان قدامي طبعاً أنا سيارتي ماكس 2003 فل كامل أوتو ، فتحت الاشارة قام هو ودعس وأن اللي أدعس وراه يوم وصلت 100 وأنا متوازي معه يوم وصت 140 وأنا أخليه وراي 180 فرق بيني وبينه سيارة عاد أنا هديت لأني وصلت الاشارة الثانية والأخ يوم وصل بدأ يتصدد من الجهة الثانية .
وآسف إني طولت عليكم لكن هذا الواقع الماكس أقوى من الكامري بجميع أنواعها .
ولا أحد يزعل من الحق .
