لو خيروك بين 350Z او لوميناSS كوبيه شنو تختار

انا اختار الزد وانا مغمض على الاقل نيسان مو استرالي خخخخخخخخخخخخخخخخ

وش ابغى في سيارة استرالية ياليت امريكية حتى .

اللومينا تكون خربانة وهي واقفة في صالة العرض كيف اذا طلعتها ؟؟

الزد وانا مغمض ....

احين انتو الي قاعدين تتكلموا في الثبات اشوف و تضربون الامثال على البي ام و المرسديس في الثبات

انا ابغي اثبت بي ام جمب ال 3000GT يالله انا انتظركم

ايش قال قال بي ام آخر زمن ولى البورش و جه البي ام

أبيك تناقشني يا مستر رد.
أول مرة أكون ضدك :D (طبعا ضدك بالراي بس)

تدري ان الزد نسبة انضغاطه 10.3 !!!!!!!!!!!!!!
اي والله .
ادخل هني اذا مو مصدق
http://www.nissan-me.com/350z/350z_specifications.htm

أعلى شئ قالنا المهندس ودكتور هو 10 وهذا 10.3
واذا وصل إلى 11 فما فوق فهذا للسباقات الصغيرة.

المهم بعدين راح أردلك
الحين أخليك مع الصور

صح لسانك:D

ويا خوي روني معاك بكل كلمة قلتها، بس خذ لومينا والباقي خله بجيبك:D

أو حط 10 آلاف ريال باللومينا وهذي وجهي إن ماخلت الزد وراها:D

الخزان ماله شغل في الصرفية

يعني الحين باجيب لكم فياقراتMERCEDES S2004
S350 V6
S500 V8
S600 V12
راح تلقون ان الـ350 صرفيتها هي الاقل
وان الـ600 صرفيتها هي الاكثر لان سعة المحرك اكبر من غيرها

بس خزان الوقود نفس السعة ... يعني ما تغير

يعني اذا في فياغرا 12 سلندر تعبيها فل بـ80 ريال
ال6 سلندر ب80 ريال ما يختلف

نفس كلامك.
أنا أحب اللومينا.
بس الحق ينقال.
مثلا الزد أحسن من اللومينا والكورفيت أحسن من الزد.

يعني الواحد يقول الحق|6|
بس طلال وينك من زمان ما تنشاف:confused:

انا سيارتي لومينا الحين بالسكراب مسوي فيها حادث وقالولي الشاصي انعدم!!
سالت عن اللومينا قالولي ان شاصيها ضعيف واغلب سيارات الحين البدي خفيف مو مثل سيارات اول
وبالنسبة للثبات انا ماقصد التوب بالثبات وهالشغلات
انا اقارن بين هالسيارتين لومينا وزد وايهو الافضل بينهم
يعني لو كنت بقارن بين الزد والبي ام بقولك ان ثبات البي ام احسن من الزد
ولو قارنت لومينا مع سياره اقل منها بشوي اقولك مزايا اللومينا وشنو الافضل فيها من السياره الثانية
وبالعكس اللومينا فيها مميزات حلوه وبعد الحادث فكرت اشتريها مره ثانية
بعد ماخذيت فلوس التامين بس فكرت بالزد وقلت اسوي مقارنه :)
وانا الكلام اللي اقوله يبته من موقع شيفروليه وموقع الزد وعطيتك اللنكات
والاختلاف بالراي لايفسد بالود قضية ^_^

هلا إخوي...

الأمان خله على صوب لاتعتمد على نيسان في الأمان لاتظن هالكلام من كره للزد بالعكس هو من أفضل السيارات، لكن عقب حادث ولد خالتي بالماكس عرفت وش هو بديها قراااااااااااااااااطيس...

الثبات ماعليك من الأنظمة، مرسيدس كم نظام فيها؟
بورش بكل بساطة وبعدد بسيط من الأنظمة ماعطينها 10 من 10 في الثبات ومرسيدس 7 ...

الصرف مدري كيف فسرتها:D

بس ولا يهمك الزد أحسن من اللومينا...

اخوي انا ماهضم حق اللومينا
لان انا عندي لومينا كوبيه
وسياره ابوي كابرس LTZ
واذا الكوابرس موجوده منزمان ايضا الزد من السبعينات موجود لي يومك هذا :)
اللومينا اذا قلنا المكيف بارد فالزد ابرد وهذي شغله قديمه ومعروفه ان السيارات اليابانية ابرد من الامريكي
وبالنسبة للامان وموقع معتمد تفضل الموقع
http://www.nissan-me.com/350z/350z_safety_info.htm
وبالنسبة للثبات ادخل هالموقع واختار VDC (Vehicle Dynamic Control)
http://www.nissan-me.com/350z/350z_performance.htm
وبالنسبة للصرف ادخل موقع شيفروليه تشوف ان اللومينا سعه الخزان 75 لتر
http://www.chevroletarabia.com/content_data/LAAM/KW/ar/GBPKW/chevrolet/models/lumina/specification/lumina_capacities.htm
ولو تدش موقع نيسان اقرى عند Fuel tank capacity L تشوف ان سعه الخزان 8 لتر يعني اكبر من اللومينا
http://www.nissan-me.com/350z/350z_specifications.htm
ودام ان الزد سعه الخزان اكبر و 6 سلندر بتم الوقود مده اطول من اللومينا اللي سعه الخزان اصغر و 8 سلندر

السلام عليكم



بصراحة زد


بتقولون ليش صح :D


عشان اللومينا استرالي و ما اقول فيها شي بس انتو خابرين الرساوة وشلون
و هذا رايي


تحياتي |3|

سسسسسؤال

من اقوه 350Z او 300ZX TT ؟

لانه انا ما اخاطر ب 350 زد اوقف في اشارة جمب زد 300 و يقوم عني قومه و خط فمن جذي بختار ال اس اس لانه ولا زد يوقف جمبها

مع تحياتي

شباب والله الزد أطلق

يكفيك الشكل خطيييييير ويغطي على كل المزايا.


.سلام

بنسبه لي انا بختار بدون اي تفكير أكيد ال SS والله يجبي الي فيه الخير
تحياتي...

انا اموت واحب اللومينا SS

لكن الزد افضل منها بكثير بدووون تعصب

بالتوفيق

انا يعني لو خيروني

راح آخد الزد لسبب واحد .. انه غير منتشر

أما اللومينا فهو منتشر ..

وانا احب التميز

اخوي بدون تفكير اخذ الZ350.....غير عادي.....ياحلاوه.....

لاتقولي لومينا ولا يحزنون....
ابي اشوف الSS ايش بتسوي مع Z الغيرعادي؟؟؟

يااخوان الزد طول عمرها كانت سياره كرف ودعس وحرق وتفحيط وفومات وتزويد وكل شي.....
لكن اللومينا معروف متى بدأ عمرها.....
(راى شخصي)
يسلمواااااااا

جيب لي دليل على كل شي سويت له مقارنة بين السيارتين...

الزد وزنه مقارب للومينا فرق بسيط جداً..

أكثر تحمل أشوف الكوابرس كثر الرمل بالخليج سابقاً وحالياً ومستقبلاً...

الأمان تكفى هذي اللي أبي دليل فيها نيسان مع كامل إحترامي بدي مافي....

الثبات أبي دليل من موقع معتمد...

الصرف نفس الكلام...

المكيفات شكلك ماركبت لومينا أو كابريس أو حتى جمس...

Z 350

اشكركم اخواني على الردود
بس اكثر من تكلموا قالو ان اللومينا اسرع والشكل حلو ويدوم اكثر
الزد هم سريع وشكل حلو واخفف من اللومينا
والكل يعرف ان السيارات اليابانية افضل كقوه وتحمل من السيارات الامريكية
ولو قارنه الامان نلقا الزد تتفوق على اللومينا بدرجه كبيره
ومقارنه بثبات السياره اعتقد مافي مقارنه لان معروفه اللومينا ان مافيها ثبات
وتوفير الوقود الزد اقل بالصرف من اللومينا
واحنا في دول الخليج عندنا صيف حار جدا ومكيفات السيارات الامريكية اقل بروده بكثير من السيارات اليابانيه
اعتقد الزد متفوقه على اللومينا بشغلات كثيره اذا خذيناها من جميع النواحي ومو بس بالسرعه والشكل :)