رأيكم في شركه نيسان...

اهلا اخي الحبيب

أول شي انا ماجيت أفرض رأيي بالقوة وانا بينت في اول ردي راح اقول وجهة نظري وانا قلت وجهة نظري

وثانيا ..كلام المجلات يردد مايعلن في الاعلانات ..معاك ان نورها قوي لكن أقوى اضاءه في العالم ..كل السيارات تقول ان فيها افضل شي العالم .... وهذا نوع من الدعايه .... وانا شفت سيارات بعيني نورها اقوى من نور الانفينتي وخذ لك مثال ..المرسيدس ذات الانوار عدسات .... وكان معي كم شخص شافوها وكلهم قالوا الانوار الانفنتي مافيها زود الا الشكل .........

بالنسبة لحساسات ... السيارات الفاخره حتى القديمة ماتجي الا بحساسات والان اصبحت من الاساسيات في السيارة ..
ومسألة اذا كان الشخص غشيم ولا موغشيم هذي خلها على جنب ....
لاتوجد سيارة فاخره الا وفيها حساسات ......... وامر تافه كهذا لايتوفر في سيارة فاخره مشكله...

وبالنسبه للخشب انا ماقلت ان خشب الانفينتي مو فاخر ..بالعكس فاخر جدا لكن اسأل عن خشب القيقب ..وعن خشب كاليفورنيا وعين العصفور ... وشوف الفرق :)

ومثل ماقلت اللكزس فيها الموصفات الفاخره التي جعلتها تنافس كبار السيارات ..وهذا ماينكره احد واكبر دليل حجم المبيعات وصل الى رقم قياسي ...

كم حجم مبيعات الانفيتي عندنا؟؟؟؟؟ على الرغم من سعرها اقل بخمسين الف ريال من اللكزس .........

هـُنا المِحك :)

اخوي الحبيب اسمحلي اخوي انت تقول ان خويك معاه انفنتي 2002
اسمحلي اخوي ولاتزعل انت وخويك مانتم متخصصين عشان تقولي ان انوار الانفنتي ماهي قويه
هاذا ياخوي كلام خبراء وناس متخصصه يعني ماهم من الشارع
بعدين ياخوي انت تتوقع يوم الجرايد تكتب والمجلات وتقول ان الانفنتي فيها اقوى نظام اضاءه في العالم كذا صدقه لوجه الله يعني؟؟؟ ماقالو الكلام هاذا الا انهم متأكدين وعارفين وانه فعلا تملك اقوى نظام اضاءه موجود في العالم وازيدك بعد ان خبراء السيارات حاولو يلقون سياره فيها نظام اقوى من نظام اضاءه انفنتي مالقو لذلك تميزت انفنتي عن باقي السيارات
بعدين انت تقولي شفها بالشارع واحكم؟؟؟
ياخي اسالك بالله وشلون اعرف ان انوار هاذي اقوى من هاذي ؟؟ ياخي قياس قوه نظام الاضائه بالسياره له اجهزه خاصه ومعروفه عند جميع شركات السيارات يعني الدعوا ماهي اني اقعد امتر الشارع عشان اعرف مين اطول نور واقوى وغير ذلك خش موقع نيسان وشف مميزات انفنتي وانها اثبتت بعد الاختبارات انها تملك اقوى نظام اضاءه بالعالم بعدين انت تقول الحسسات ياخي وش ابي بالحسسات وانا عندي كاميرا خلفيه يعني تقوم مقامها وتحل المشكله واما من ناحيه الحسسات الاماميه فهاذي انا عندي شكليه اكثر ما انها عمليه بس الا اذا كان الواحد غشيم ولايعرف يركن السياره من قدام فهاذا شي ثاني وغالبا ان وظيفه الحسسات عند ركن السياره من الخلف وهاذي الكاميره حقت الانفنتي تعوضها اما من قدام
فانا اقول ماتحتاج.. لان اصعب شي هي ركن الموتر من الخلف.....
بعدين اخوي انت تقول خشب اللكزس افضل من خشب الانفنتي
عندك اثبات افدني فيه اذا ماعليك امر يعني ماهي الدعوا انك اذا اعجبك الاسم تقول احسن بعدين خشب الانفنتي مميز وفاخر وهاذا شي معروف..
وابقولك عن السيارات اللي تستخدم نظام انفنتي الصوتي
1_ اودي A4بس ماهي موجوده بالسعوديه موجوده فقط بامريكا الشماليه
2 _ فولكس واجن باسات وهاذي نظامها الصوتي من انفنتي وتصدر لالمانيا
بعدين تقول طيحه سعر الله واكبر يطيح سعرها بشكل بسيط يعني مايذكر
اما بالنسبه للمساج فهاذي معاك حق اللكزس تتميز فيها
وبعدين انت تقول غلاء قطع الغيار والصيانه
ياخي انا اعرف واحد شخصيا معاه LS430موديل 2003 وقشع فيها قشعه خفيفه من ناحيه الانوار كلفته 5000ريال
ومن ذاك اليوم وهو يلعن باليوم اللي اشترى فيها السياره وعقبها باعها على طول
عموما حنا ماحنا جايين هنا نفرض راينا بالقوه ولانتهاوش ولانبي احد يزعل علينا
ومشكووورين.....

حبيبي عشقي حزن

أول حاجه ثق ثقه تامه أنني لا أتكلم من فراغ ..

.. أثبت لي ان أقوى نور هو نور الانفينتي ...؟


لي صاحب معاه 2002 .. وانوارها عاديه جدا كأي نور زينون ..حتى بالعكس نور الفياغرا 2003 ذات العدسات أقوى منه

مو مصدق شفها بالشارع واحكم :)

ثاني حاجه ..المصباح ذو السبع عدسات ..قامت تتبجح نيسان بانها ابتكرت هذا النوع

والحقيقه أنه من ابتكر هذا النوع هي سيارة كونسبت مستقبليه من شركة فولكس واجون الالمانيه

نأتي لعيب اللكزس ..لايوجد نظام مراقبة ضغط اطارات ..اتفق معك ولايوجد شيء كامل
..لكن انظر ماذا ينقص الانفينتي .... مقارنه بسيارات الفخامه والترف ... وقارن :)

اما النظام الصوتي بصراحه لا أعلم عنه والحقيقه أنني سمعت من صاحب الانفينتي ان النظام الصوتي من افضل الانظمه
لكن هل تتفوق سيارة باكملها على سيارة من أجل نظام صوتي .

وهل لك ان تذكر السيارات الالمانية التي تطلب من نيســـــــان ان تركب لها الانظمة الصوتيه ؟

وأخيرا ..انا قلت عزم وليس قوة ... وفي العزم اللكزس .وارجع للمصدر الي تاخذ منه :) واحلق رمشي اذا ماكان كاتب أن عزم اللكزس أقوى :)

اتمنى أن تتطرق معي للنقاط التي ذكرتها ولم تتوفر في الانفينتي وهي

نوعية الخشب ( حتى المقود لايوجد فيه الا قطعة خشب كالماكسيما فل كامل ).. الجلد ...المقاعد ( شكل المقاعد الاماميه شبيه بالماكسيما .) التحكم الكهربائي الكامل ..(في الانفينتي الراس يدوي ) ... لايوجد تهوية ولامساج ولاحساسات .. عند البيع يطيح سعرها .. ارتفاع اسعار الصيانة وقطع الغيار .. وغير ذلك :)

وأتمنى أن يكون الكبوت هيدروليك ..لان كل سيارات نيسان حتى الجديده يوجد فيها عصا تمسك الكبوت .. مثل الددسن والـ 200 إل الله يذكرهم بالخير:)

^
^
^
اجل انوار الانفنتي عاديه؟؟ ياخي تبينا نصدقك ؟؟؟
ونكذب المجلات والصحف والشركه نفسها
انوار الانفنتي سبع عدسات منفصله تغني حتى عن لمبات الضباب وهاذ الشي ماني جايبه من عندي هاذي اختبارات مسويتها الشركه على نظام انوارها وتبين انها اقوى نظام اضاءه في العالم وتجي انت تقول انوارها عاديه
وبعدين اللكزس الجديد Ls430
فيها عيب خيالي مافيها نظام مراقبه ضغط الاطارات يعني اذا انفقع فيك كفر تمسك خط وانت ماتدري ان الكفر مبنشر
وهاذا الكلام مذكور بمجله سعودي اوتو المتخصصه بالسيارات وهي مسويه مقارانه بين الانفنتي واللكزس
وبعدين النظام الصوتي حق انفنتي ؛؛ بـــــوس ؛؛ يعتبر اعلى الانظمه الصوتيه في المركبات والصالونات متفوق بذلك على نظام الصوتي حق البي ام الجديده ونظام الصوتي حق مرسيدس الفئه S واكيد افضل من نظام الصوتي حق لكزس وهاذا الكلام مذكور بعد بالمجله يعني ماجبته من عندي
ولاتنسى ان بعض السيارات الالمانيه بعد تطلب من نيسان تركيب انظمه الصوت في سياراتها لانه افضل الانظمه الصوتيه
بعدين استغرب كلامك تقول اللكزس قوه وعزم الانفنتي قوتها 365 حصان واللكزس 332حصان يعني الانفنتي اقوى منها 37 حصان تقريبا بعدين الانفنتي موديل 2004 كلها فيها كامير يعني ماهي بعض الموديلات على قولك
اخوي اتمنى قبل لاتحكم على الشيء ان تكون عندك معلومات يكون لها مصدر يعني مانبي الواحد يقول كلام من راسه
واتمنى ماتزعل من كلامي

أخي العزيز النايم

اسمحلي بمداخله بسيطة

على أي اساس تفوقت Q45 على LS430 ....

خامات اللكزس 430 اعلى بكثير

الجلد جلد الريجنسي ..خشب كالفورنيا وعين العصفور ..مقاعد مكيفه وتدفئه ومساج وحساسات وعزل خارجي كامل وراحه عاليه وعزم أقوى وسيارة تمسك سعرها بقوة

جميع ماذكر فوق لايوجد في الانفينتي .... مقاعدها شبيه بمقاعد الماكسيما .. لايوجد فيها لاتدفئه ولاحتى تبريد ولا مساج
حساسات مافيه على الاطلاق ..توجد كاميرا في بعض الموديلات ... انوارها الاماميه ليست اقوى انوار كما ذكر بل عاديه جدا
الخشب خشب القيقب وجودتها اقل بكثير من خشب كالفورنيا وعين العصفور ...

اللكزس حازت على جوائز كثيرة على عكس الانفينتي ...حازت على جوائز معدودة ... واعلاناتها اكثر من مبيعاتها :)

فكيف تتفوق الانفينتي التي لم تتوفر فيها نص مواصفات السيارات الفاخره على لكزس 430 ؟

اما وجهة نظري في شركة نيسان فهي ثالث شركة يابانية بعد تويوتا وهوندا .. :)

أنا راح أقولك الأسباب اللي تخلي الناس ياخذون الكامري حاليا :

1- شكل السيارة تجدد سنة 2003 على عكس الماكسيما اللي من سنة 2000 وهي على نفس الشكل الناس ملو منها

2 - الكامري تتميز بقطع الغيار الرخيصة والمنتشرة بكل مكان وبكل بقالة تلقاها بجنب علب التونة |243| وطبعا لا تنسى سعر البيع اللي تتفوق فيه تويوتا بشكل واضح

3- توفر خيار المحرك ال 4 سلندر ونيسان تداركت هذي النقطة بطرح الالتيما الجديدة

4- سمعة الكامري بانها أشرف سيارة يابانية سيدان متوسطة الحجم من حيث العملية وقلة الخرابات

هذي الاسباب كلها تساعد على انتشار الكامري

بس ما تزال للأسف سيارة حنس |243|

مشكووورين اخواني على ردودكم ويعطيكم العافيه
وبالنسبه لخوي حارش انا ماتناقض مع نفسي بس اقولك ان العيب موجود بالماكسيما والكامري بعد
بس استغرب اللي يفضلون الكامري على الماكسيما لان بصراحه مافيه مقارنه من ناحيه المواصفات لصالح طبعا الماكسيما
وكلام اخوي اس تورنج يقول قصدك شركه تايوتا على فكره اخوي نيسان ومثل ماقال اخوي النايم موديلات نيسان الجديده اكثر جوده واحسن من قبل ويكفي تصميمها اللي عجزت لاتطلع مثله تايوتا واظنها تبطي بعد
بعدين لو ان مواتر نيسان ماتكرف كان ماشفت الباترول يدهر بكل مكان والماكسيما وباقي المواتر عموما كل الياباني يكرف
من نيسان لين تايوتا وهوندا واتمنى ماحد يزعل من رايي لان هاذا الوااااقع
ومشكووورين.........

واللهى انا فى نظرى احسن شركة سيارات يابانية......

نيسان من بعد 2000 وهي بتقدم شي جميل ومدروس بعناية ،
الألتيما الجديدة وبعدها الماكس ثم الباثفايندر أرمادا ثم العملاق البيك أب أظن إسمه ( titan_kc ) وغيرها من الموديلات بتثبت إن الشركة بتحلل الرواتب اللي بتعطيها للمهندسين والعمال بشكل عام :D

رأيي في الشركة بإختصار بأنها شركة رائعة ،
ويساعد على تفوقها وجود وكيل مميز وعصري في بلادنا ( الحمراني ) .

مشكور أخوي عشقي حزن على الموضوع ،
ونرجو ألا يخرج الموضوع عن الهدف الأساسي لكتابته ..

وللجميع تحياتي .

اعذرني عالمداخلة ...

بس أشوفك متناقض مع نفسك ؟؟؟

أول شي تقول لو ان الماكسيما خفيفة كان ما أحد شراها... ((قصدك يعني ثقيلة ))

والماكسيما معروووووفة عند الحمير حتى .. انها خفيفة وقرطاس ورساوتها مش حالك

بعدين قلت ان الكامري حتى خفيفة وانك اذا تعديت ال 120 كنك راكب سيكل

اللي افهمه من كلامك انك تتفق ان الماكسيما خفيفة مثل الكامري |243||243|

بالنسبة للمكس والكامري رساوتهم مثل بعض كل وحدة تقول أنا أخس رساوة |243|

بس ما يمنع ان الماكسيما مووتر ... بصراحة قهرررر لو يوقفون انتاج الماكسيما ويستبدلون فيها الالتيما

على فكرة .. ترى المكس فيها مواصفات أفضل من الأكورد مثل ما قال اخوي عشقي حزن :)

تحياتي

هلا بك أخوي عشقي حزن :)

بالنسبة لشركة نيسان .. ما في أحد ينكر انها شركة عريقة .. ولها وزنها في عالم السيارات

وبصراحة بعد ما استلمها كارلوس غصن .. تطورت بشكل غير طبيعي.. ونزلت سيارات جديدة خيااال وأفضل من التويوتا سواء في الشكل أو القوة أو الفخامة

أما عن نيسان اللي قبل عهد الرئيس كارلوس غصن .. فاعتبرها شركة عادية ...

وكانت سياراتها تعاني من الفكفكة من أولها لآخرها ...

واسأل أي واحد معاه نيسان قديمة :)

لازم يسوي له تربيط بين فترة وفترة

وباعتراف من الرئيس كارلوس غصن .. قال ان في نيسان كنا نستخدم مواد خام ذات جودة متدنية وراح يتم تغييرها لموادأفضل وأفخم

وتقدر تلاحظ الفرق بالمواد في سيارات الزد 350 والارمادا والمورانو والسيارات الجديدة

راح تعرف الفرق في الجودة بينها وبين سيارات نيسان القديمة






أخوي الكريم ... أنت تتكلم عن وضعك في السعودية ؟؟؟

بالنسبة لهوندا محد ينكر جودتها اللي تتفوق على تويوتا حتى .. وأيضا جودة محركاتها ...

وبالنسبة لجيوب هوندا .. جيب هوندا mrv أخذ جائزة من أحسن 10 سيارات في العالم في أمريكا اللي هي سوق السيارات الرئيسي في العالم |351| وعندي المجلة بعد

يعني السيارة تعتبر ناجحة بكل المقاييس .. اللهم في السعودية اللي ما تشكل ولا 1% في انتاج الشركة

وبالنسبة لليجند فبصراحة هالموتر مظلوم ... من يوم عرفته وشكله ما تغير وهذا اللي مأثر على سوقه عندنا بالمنطقة

وعلى فكرة ترى هوندا عندها ماركة أكيورا وهالماركة تنافس اللكزس والانفينيتي في أمريكا واوروبا وبقية دول العالم وترى أكيورا ماركة لها وزنها في الاسواق العالمية .. يعني لا تستهين فيها

وبالنسبة لميتسوبيشي .. فهالشركة كبيرة جدا جدا ونشاطاتها مختلفة من سفن .. لمحركات مدري ايش ماهي يم انتاج السيارات اصلا .. طبيعي راح يكون انتاجها لك عليه شوي

وبالنسبة لوكيل نيسان الحمراني ... فاعتبر خدماته متوسطة ومو سيء مرة ... يا شيخ أرحم من العيسائي ولا الزاهد |398|

أما أصبر سيارات كرف هي النيسان ..فأقولك ان الياباني كله يكرف ويعيش مو نيسان لحاله

تحياتي أخوي عشقي حزن ..

ولي رجعة اذا استلزم الأمر

مادام الخلاف صاير على مين احسن تويوتا او نيسان خلونا نقارن ..

الصني Vs كورولا = كورولا
ماكسيما Vs كامري = ماكسيما
التيما Vs افالون = التيما
باثفايندر Vs برادو = باثفايندر
هايلوكس Vs ددسن = هايلوكس
لند Vs باترول = لند
اكس تريل Vs راف فور = اكس تريل
كيو 45 Vs ال اس 430 = انفينيتي
كيو اكس 4 Vs ار اكس 330 = لكزس


اعتقد انه تفوق هائل من نيسان على تويوتا وهذا لاشيء امام الموديلات الجديدة اللي راح تنزلها نيسان لو تقعد تويوتا تفحط مكانها عشر سنين ماجابت تصميم واحد من تصاميم نيسان الجديدة ..

أخوي عشقي حزن ... أشوفك متحيز كثير لشركة نيسان

ولي رجعة :)

النيسان والتويوتا والهوندى كلها ماتقول شي من ناحيه الكرف

ولحد يتهاوش خخخخخخخخخخخخخ

ورائيي بالنيسان الصراحه من ناحيه السيارات انا اقول احسن واكثر مواصفات من غيرها انت شوف التويوتا وشوف الهوندى

كلها موصفاتها حلوه لكن اتحدى اي واحدعنده سياره تكون مواصفاتها اكثر من النيسان انت شوف الفرق بالدرجات من المكس

والا كورد والكامري مين اللي يتفوق انا اقول المكس وهذي وجهت نظر لحد يزعل عليها وبالنسبه لقطع الغيار زفت مو زي

الكامري رخيص والكامري ليه صارت حقت كرف لانها ماتنهمل قطع غيارها رخيصه بس عندك النيسان قطع غيار نار

واكثر الناس يهمل صيانتها والسبب غلاء سعر القطع وبالنسبه لخدمه الصيانه زفت ويمكن اردى شركه لا تخدم عملائها

عكس التويوتا احس كل شي مضمون عندهم واذا صلحت خدمه السياره والصيانه الدوريه عاشت السياره ولا شرايكم

--------------------------------------------------------------------------------------
على فكره اصبر السيارات من ناحيه الكرف هي نيسان
--------------------------------------------------------------------------------------

قصدك تويوتا...

^
^
^
^
والله انك صادق ياخوي كارلوس هاذا مسمينه الساحر باليابان لانه حول خساير نيسان الى ارباح
والموديلات الجديده تبي تضرب السوق وتهجد التايوتا كلها بس انتظرو لين رمضان يجي وتشوفون معنى الابداع في صناعه السيارات

الشركة مسكها كارلوس غصن و عرف و شلون يوظف قدراتها و نزلت اكثر من عشر موديلات جديدة

اخوي الازوري
لو انها خفيفه كان ماحد اشتراها شف كثرها بالرياض اكثر من الكامري
بعدين حتى الكامري بعد ماتتعدى 120 خلاص تقل راكب سيكل ماهو سياره ؟؟ خفيفه بشكل خيااااااالي
بعدين لوتشوف الماكسيما الجديده 2004 مواصفاتها بنت كلب مقاعد مبرده ومدفئه ستاره كهربائيه خلفيه
اشياء ومواصفات اطلق من الهوندا اكورد والكامري مجتمعتين
واشكرك على ابداء رايك اللي يهمني ويهم جميع الاعضاء

والله نيسان شركه تعبانه شوي انا جربت ماكسيما وجربت ددسن
الماكسيما واللله على الخط ماتصدق وشلون تمشي تحسها تقول بعدها امزح معاك ترا ؟ ياخي خفيفه مرررررره تحس انك ودك تتقلب في اقل لفه << هذا رأيي ولا حد يزعل على اخوكم الازوري >>

والددسن والله ثقيله شوي بالخط يمكن انها فخر الصناعه اليابانيه :)

والله هذا رأيي ياشباب واسف اذا زعلت احد بس كل واحد ورأيه

تحياتى