محتار بين ألتيما وأكورد

مشكور اخوي على الموضوع


انت بين خيارين :


اذا كنت بتاخذ سيــاحي :: الاكورد ::
،،،،،،،،،،،،،،،،،،،،،،،،،،،،،،،
واذا كنت بتاخذ فل كامل ::الالتيما ::

أنا من رايي تاخذ أكووووووووووورد لك وللزمن ...

أنا عندي وحده سياحيه موديل 95 والله انها ماخربت ابد بس أغير زيت وفحمات فرامل وبعض التغييرات اللازمه اللي

لابد انها تتغير ... خذهااااااااا وبتدعيييييييييييييلي ....

طبعا الاكورد
زي ما يقول الوالد شبح الياباني زمان

لاوالله غلطان يالصابونه الحمرا

وين حتى محدد وقت للملل من داخلية الالتيما

وربي انها داخليه روووووووووعه وحتى من برا روووووووعه

والله ياحبيبي انا انصحك بالاتيما

سرعه---- ثبات ----- رحاااااابه------ وسيعه ----------- مريحه ------- فخامه ---------- صرفيه جيده بالنسبه لخزان صغير ومحرك 6 سلندر

<-- هذا رايي الشخصي وانت براحتج ياقلبي

وترا حتى الاكورد لها وزنها وانا معجب فيها وترا اهم مثل الشي ههههههههههههه الفرق بس الشركه والتصميم شوي الاكورد مقوسه خخخخخخخ

وسلملم

بصراحة الاكور سياره جميله جدا وخاصة اللون الأبيض لكن حط في بالك هل راح تتحمل غلاء قطعها في المستقبل

ايضا الالتيما جميله ومحركها الأقوى في فئتها لكن مشكلتها شكلها الداخلي شهر وتمل منه

اكورد من كل النواحي ( رساوه. تحمل. شعبيه . شكل. صرفيه) ما عدا المراتب في الالتيما أريح.

تحياتي

أما أكوردتينك ( أتحداك تفهمها :D ) فأكيد فيها بلا

تعلمني بالأكورد !!

أصلا ما يجي عادي 6 سلندر إلا كوبيه :D

أما الصوت فمثل ما قلت لك ، الصفاوة أكيد لصالح الأكورد ، يمكن الألتيما واطها قوي ، مدري والله

وسلام :D

أخوي أكورد .. الأكوردتين ( اثنين اكورد :D) اللي جربتهم وحدة سياحي مسدحة مرة مافيها شيء والثانية فل اوبشن مخمل ..

كل ابوهم اربع سلندر وحدة طيس والثانية جنوط وكالة !! والله نفس الكلام اللي اقول لك ..

اما سالفة الصوتيات يمكن عشانك مجرب الألتيما سياحي .. صدقني وقفنا السيارتين عند بعض الأكورد والألتيما .. جربنا الأكورد وجربنا الألتيما طلعت الألتيما اقوى بكثير وبشكل ملحوظ وأوضح !!

والله اتذكر بعد إن القزاز عندي كان يطق مع الصوت وأنا أضحك !! :)

بعدين القير العادي من الأكورد ما اظنه يجي ست نمر !! اللي اعرف الكوبيه فقط يجي ستة ..

سلام .. :)

الخبير ، هذا في الخارج فقط ، وإذا نظرنا للأكورد في الخارج كان شفنا شي آآآخر

القير تيبترونيك ، والمكينة تجي هايبرد ( اختياري ) من أفضل عشر مكائن في العالم ، ومواصفات فخامة متناهية ، لكن اللي عندنا تختلف

vAMP

لا تجيب لي مواصفات ألتيما أمريكية وتقول لي هذا الألتيما اللي عندنا

للأسف ، كل من نظام ABS و EBD يود في الألتيما بشكل اختياري ، أما باقي الأنظمة غير موجودة عندنا ، ولو كانت موجودة كان شفت سعر السيارة حول 110 آلاف

أما نظام TCS فهو موجود في الأكورد 6 سلندر ، وكذلك نظام EBD موجود في الأكورد حسب ما سمعت

أما أنظمة التعليق فما أفقه فيها شي ، لذلك ما راح أدخل فيها بنقاشات

أمر آخر ، عن رساوة السيارة ، لا أخفيك إني غيرت جنوط سيارتي إلى جنوط تجارية ، وصارت الرساوة ضعيفة ، لكن والله العظيم أعتبرها راسية حتى مع جنوطها التجارية ، وقبل ما أغيرها كنت أشوف فيها رساوة رهيبة مرة ، وشكلك جربت أكورد جنوطها تجارية

وعلى فكرة ، بالخطوط أمشي فوق 180 ، وأحيانا أوصل 220 ، فعلا أحس إن الطارة تنزلق معي شوي ، لكن هذا بعد تركيب الجنوط فقط ومع كفرات دنلوب المقرفة، أما أول ما كنت أحس بالشي هذا أبدا ، بالعكس الطارة ثابتة ، وأنت تعتبر الشي هذا عيب بينما أحس إنه ميزة تدل على ثبات الكفرات على الخط ، ولا وصلت إلى حد قاسي يخليني ما أقدر أتصرف فيها ، بالعكس والله تتجاوب معي بشكل سلس جدا

ولا أدري على أي أساس ذكرت إن الأكورد تهز بعد 190 ، شكل سيارة صديقك فيها بلا !!

أما القير ، فأنا أتكلم عن القير الأوتو ، لأن العادي 6 سلندر ما يجي عندنا ، وإلا هو موجود في الخارج بـ 6 تعشيقات أيضا ، أما قير الألتيما الأوتو في الـ 6 سلندر يجي 4 تعشيقات ، ما تحس إنها قليلة !!!

أما الـ 4 سلند فالأكورد 5 تعشيقات والألتيما 4 تعشيقات ، والعادي 5 تعشيقات لكلا السيارتين

المراتب أنا معك 100 % ، لكن مراتب الألتيما مو ذاك الزود ، صحيح إن فيها ليونة جيدة لكن تفصيلها ما أعجبني مرة ، أحس إنها منتفخة وصغيرة نوعا ما

أما متعة القيادة ، والله ما شفت في الألتيما متعة تستاهل، ومثل ما قلت سابقا ، إذا أخذت الألتيما أقول يا زين الأكورد ، والله من جد ، هذا شعوري تجاه السيارة ، ما أعجبتني من الناحية هذي ، مع إنها 2005 وسيارتي 2003 مكسرة تكسير حمير ، لكن هوندا تبقى هوندا

وإذا كنت ملاحظ ناس يكرهون الأكورد ، فأنا أعرف ناس باعوا الألتيما أصلا ، ما أعجبتهم ، ومنهم العضو ( ألتيما 2005 ) يفضل السوناتا على الألتيما

أما قساوة الأكورد مع المطبات فأنا معك ، لكن تراها ما تفرق كثير عن الألتيما ، بالعكس سيارتنا أسمعها تطقطق مع المطبات ( الألتيما )

أما سماعات الألتيما ، أرجع وأقول ، أنت تقارن سماعات أكورد سياحية بسماعات ألتيما 6 سلندر ، أكيد الألتيما أقوى لأنها 6 سماعات ، والأكورد السياحية 4 سماعات ، لكن من ناحية صفاوة الصوت فالأكورد في نظري أفضل من الألتيما وأصفى صوت ، من واقع تجربة ( تراني متخصص في الصوتيات )


والله يوصلك بالسلامة ويمتعك بسيارتك :)

هذا في أمريكا ..

لكن إحتمال ال SE-R اللي جاية بالصيفية هذه بتكون كذا ..

أنا بنظري الأكورد تتفوق على الألتيما فقط بالفخامة ..

ولا باقي المواصفات كل شيء تتفوق فيه الألتيما .. جنوط 17 .. ونظام سماعات أحسن بكثير بكثير من الأكورد !! (عن تجربة)

عااااااالي وفوق هذا واضح بشكل خيالي .. درجة أربعين عند الأكورد تساوي 18 او 20 عند الألتيما بس !!

الألتيما سماعاتها عالية جداً وواضحة ..

سلام

الله يصلحك يا أكورد وبس !!

الألتيما أرسى من الأكورد بمراحل وحقت خطوط .. رح سق الأكورد وبعد ال 160 (أو 180) رح شوف كيف الطارة تصلب عندك !! يعني اي شيء يسير لك مايمديك تتصرف زين .. واظن هذا سبب هجات المفحطين فيها ..

بعدين انا لاحظت ان بعد ال 190 السيارة كأنها تهز من قدام .. وماتحسها بالأرض !! معليش ما أبالغ بس يمكن عشان مافيها جناح يرميها بالأرض .. والجناح من اهم الأشياء بالرساوة ونادراً ماتلقى سيارة مافيها جناح إلا إن كانت حقت مدن بس ولا حقت سرعة !

الأكورد يجيك الفل منها ب 100 ألف لا زينون لا كشافات لا EBD لا BA لا جناح ..

الفل من الألتيما يجيك ABS و BA (مساعد مكابح) و EBD و TCS وإذا مو غلطان VDC ..

الأكورد صح القير الأوتو 5 نمر .. لكن الألتيما بعد قير عادي 6 نمر :) يعني اكثر بنمرة يعني بيكون تسارع السيارة أسرع وبيكون إقتصادي أكثر مع النمرة السادسة !!

القوة والعزم لصالح الألتيما أكيد ..

بالنسبة للريموت انا مستغرب منك !! بس يمكن عشان عندكم التيما سياحي .. انا عندي يفتح القزازات وضغطة يفتح باب السواق وضغطتين يفتح الأبواب كلها .. وكمان السيارة ماتدق بوري لاجيت تقفلها إلا لو كل شيء مقفل زين .. يسير لو مادقت بوري تعرف إنه في باب ما تقفل زين وكذا ترجع تشيك وفيها زر إنذار وزر يفتح الشنطة ..

عندك مراتب الأكورد مرة مو مريحة !! وانت عارف الشيء ذا ولا تريح ظهرك بالخطوط !! بتطفشك !!

انا سيارتي سافرت فيها كثير (وبأسافر الحين طالع جدة بعد ساعتين :)) وماقد نزلت بالخط عن 180 واغلب المرات 200 وفوق ..

صدقني اوصل جدة ألفها كلها أشبرها بعدين بالليل أروح ادور لي سكن انام فيه ..

بعدين ياحبيبي فيه حاجة مهمة .. وهي عنصر المتعة !! صدقني تسوق الكامري قير عادي ولا التيما قير عادي تكيف وتنبسط عليها .. لكن الأكورد لأ !! ليه ما ادري بس كذا انا ما ارتحت لها يوم سقتها !! وحسيت لو بتكون سيارتي راح اطفش منها والله !

وبعدين انا ملاحظ فيه ناس عندهم أكوردات ويكرهونها بعد !! اعرف واحد من اخوياي زي كذا وواحد من العيال قد قابلته وساير يطلع بجيب أبوه أغلب المرات !! ليه مو عارف !

وبعدين يكفي نظام التعليق حق الألتيما هو حق الزد .. يعني رياضي .. والست سلندر يختلف عن الأربعة بحاجات بسيطة بنظام التعليق ..

وبعدين الأكورد يقولوا قاسية بالمطبات ! ليه ما اعرف ..

بعدين في نظام التعليق الألتيما فيها Anti roll bar .. يعني قضيب(أو عارضة) مانع الإهتزازات .. امامي وخلفي .. الأكورد لا سقتها ومشيت 120 وكنت راكب بالخلف تحس السيارة تطلع وتنزل !! لاحظ هالشيء قدام يمكن مايكون موجود .. لكن بالخلف موجود !! كيف لو سقتها بسرعات أكبر !

انا بحثت عن هالشيء لقيت موديل 2003 بأمريكا مافيها مانع إهتزازات .. و 2004 فيها أمامي بس .. خلفي مو موجود .. و 2005 موجود بالفل أوبشن فقط امامي وخلفي !!.. << الكلام عن الأكورد ..

قعدت اقرا عن قضيب مانع الإهتزازات طلع يوصل بين كل كفرين ويريح بالخط ويزيد من الرساوة خاصة في المنعطفات ويخليك تدخل بسرعات أكبر بالمنعطفات ..

هذا اللي عندي ومعليه يمكن يكون الكلام مو مرتب لأني مستعجل بأتجهز وبأسافر ..

ولي رجعة :)

أنا قلت ( قياسي ) يعني في كل الفئات ، السياحية والنص فل والفل كامل ، أما الألتيما فما يوجد الـ ABS إلا اختياري في الستة سلندر

تعليق على كلام الأخ أكود وبس ,

( MADE IN JAPAN ) بالنسبة للأكورد، و ( MADE IN USA ) بالنسبة للألتيما :).


بصراحة ضحكتني بقووووووووووووووووة :D :D :D

الأتيما ما فيها ABS ? ? ?

لايكون انت المشرف على شركة نسيان في أمريكا ؟ ؟ ؟ :confused:

ابو عبدالهادي

هم نرفزوني قبلك ، وش أسوي لهم

وراح أنرفزك أكثر :D

( زينون ، جناح ، كشافات ، ستارة ، مراتب لينة ) كلها مواصفات تحسينية ، أو اكسسوارية ، ممكن تركب أو تعدل في الغرابي

( قير خمس سرعات ، مكيف مزدوج ، ABS قياسي ) مواصفات تقنية لها وزنها وثقلها ، ودور لك غرابي يصلحها لك :D

والفرق النهائي ( MADE IN JAPAN ) بالنسبة للأكورد، و ( MADE IN USA ) بالنسبة للألتيما :)

شفت الفرق بين تفكير الناس :)