شباب لومينا S بكم مستخدم ، وهل تنصحوني فيها ؟؟؟

السلام عليكم ورحمة الله وبركاته ......................................

شباب انا جايكم من القسم اللي جنبكم "السيارات اليابانية " بس بصراحه حبيت آخذ رايكم بصدق بدون إطراء للومينا

شباب ماكتبت هالموضوع الا لأني صرت اشوف اللومينا بكثرة ، من شهر شرا ولد جارنا لومينا S وصرت أشوفها اربع وعشرين ساعه ، كل مارحت الدوام وجيت ولا رحت المسجد اشوفها قدامي وفي كل الأوقات وبصراحه مااخبي عليكم جذبني شكلها الرياضي القوي مع انها اول مانزلت مااعجبني هالشكل ..........

انا بصراحه احب الأكورد وهذي وجهة نظري الخاصة ..........................

بس اللومينا لفتت إنتباهي ، بس اللومينا تحيرني وتخوفني أحيانا من اللي اسمعه عنها ........فمثلا:

واحد من اخوياي كان معاه لومينا LTZ 2001 وباعها ، استغربت وسألته : احد يبيع لومينا LTZ

يقول : كسر ظهري البنزين ، وغير كذا يقول ماهي عملية كل يوم وانا في ورشة ...................هو اللي يقول

اما انا فماجربتها .
غير كذا اللومينا سعرها يطيح على طول مجرد ماتآخذها من الوكالة وهذا شي معروف
والحقيقة مافي احد مدحها لي كل اللي سألتهم عنها أو قارنتها بسيارة ثانية ينصحوني بالثانية ويقولون : وخر عن اللومينا . انا مااذم اللومينا بس والله هذا اللي سمعته .............. ولايزعل علي اصحاب اللومينات حبايبي

فحبيت أسألكم وشرايكم باللومينا بصدق وواقعية

ملاحظة ( أصحاب اللومينات الرجاء الحيادية في الرأي ....................لأن لو كل واحد مدح في سيارته ماكفانا المنتدى)

وشكرا لكم جميعا ( هذي وجهة نظري الشخصية )