ولا يهمك يابو الشباب العدد مو مقياس
العبرة بالكيف وليس بالكم
ممكن يكون عندك الف عضو في أي منتدى ما
وهم عدد فقط ولا يستفيد منهم المنتدى اي شي
وممكن يكون عندك عدد بسيط لكن ... نشيط!!!!!!!
وهذا ما هو قدح في حق الآخرين وانما من باب التوضيح لا أكثر
فكل انسان وقدراته
وان شاء الله نبذل قصارى جهدنا في سبيل تعميم الفائدة للغير
وهذه بعض المقتطفات من منتديات متفرقة تتكلم عن موضوعنا
وان شاء الله تفي بالغرض : -
--------------------------------
عاجل جداً بخصوص الـ باسات / PaSsAt
شباب ...
اللي عنده فكرة عن هذه السيارة باسات 2002 PASSAT 2002يعطيني فكرة موسعة عنها ولا يحرمنا من نصيحته وعن كل ما هو مفيد بخصوصها
وعلى فكرة ... ايش رأيكم بالأودي oudi وهل يوجد منها 4 أو 6 سلندر؟
لأني على وشك شراء سيارة جديدة قريب جداً
وعلى فكرة قيمة السيارة - اللي انشاءالله ناوي آخذها تقريباً سعرها-
كاش 74800 ريال سعودي وتقسيط ممكن تو صل 105000 ريال سعودي
وايش رأيكم ؟؟؟؟
--------------------------------
للاحاطة :
الرابط أدناه يفيد كل من يريد معرفة المزيد عن مواصفات كل نوع من سيارات الفولكواجن PASSAT 2002
-----
http://www.vw.com/passat/tech.htm
وبإنتظار مشاركاتكم
---------------------------------
شف دامك وصلت لـ 105 خذ لك كابرس اس اس ولا احلى
اصرف لك من الالماني لأن الالماني يعور الراس مافيها كلام
واذا ناوي على الاودي فمن الحين اقولك الله يعينك
والباسات يمدحوها والله ومواصفاتها حلوه والشكل روعة
واذا تبي شي فخم نصيحتي دور لك على لكزس 300 موديل 2001 او 2002 بحدود 105 وتكون نظيفة
عمومن اتمنى لك التوفيق ياحبيب ألبي
وبالنسبة للتقسيط صراحة زيادة فوق ال25 الف مالها داعي
حاول انك تدبر منا ولا منا وتخليها كاش
--------------------------------------
السلام عليكم
كيفكم شباب
شف نصيحه اذا كنت ادور شكل الباسات خذلك Audi A6 وهي 6 سلندر بس في العزم تعطيك وفي الخط راسيه وحلوه واحلى من الباسات بس بالنسبه للسعر ماعندي فكره كم بالضبط
بالنسبه للباسات هي احسن شي في كل شركة الفولكس واجن وبجي منها 4 و6 سلندر والثانيه حلوه ما علها كلا بس الاودي تعطيك من جد
المهم انت استخير ربك وانشاله الله يوفقك للاحسن والله يعطيك من خيرها و يبعد عنك شرها قولو امين
ســbYeـــلام
--------------------------------
BOY
أشكرك على الملاحظة وتعديلها ويعطيك ألف عافية
عاشق الإنترنت
ميرسي كتير ( باللبناني)
وعلى فكرة مبروك المنصب الجديد وتراه تكليف قبل ما يكون تشريف
وفي كل الأحوال أنت .... قدها
ويعطيك ألف عافية
أخوي الفيـalfaisalـصل
أشكرك جداً على اهتمامك البالغ والجاد
لكن الكابريس ما اقدر أقول فيه شي ، كان ولا يزال معي
وشغال ( زي الحلاوة ) بس عاد 8 سلندر وهات يا بنزيييييين
وبحجمه يعتبر باخرة في زحمة جدة ..غير ،،، لا تقدر تتجاوز
و لا تزرق ( تدخل ) بين السيارات ومثلك خابر سواقة ( الغشم والعليمية)
والسواقين البنقالى وو و و و و و وغيرهم من سواقين اللي مو زين
وعلى فكرة يالفيـalfaisalـصل ترى 105 آلاف هذه تقسيط ( الله لا يحدك عليه )
واللا الكاش 74 ألف تقريباً
وبالنسبة للكزس 2001 فتوبة من المستعمل أما 2002 فاعتقد إنها ما هي لي
أما عن تدبير المبلغ .... خلينا واقعيين .. وين تلقى أحد يعطيك 70 ألف
ويصبر عليك 5 سنوات ؟؟؟؟؟؟؟؟؟؟؟ وان عندك غير هالكلام !!!! وريني!!! هاهاهاهاه
شفت ؟؟؟ ترى ((( مكرهاً أخاك لا بطر )))
أخوي a_free_boy
أشكرك لاهتمامك بالموضوع
وعلى فكرة ترى سعر الأودي Audi A6 تقريباً بالدولار :من 22,000 الى 31,000 دولار
حسب بعض المصادر يعني أعتبره غالي مقارنةً بالباسات
ولمزيد من المعلومات عن هذه السيارة يمكن زيارة الموقع
http://autos.yahoo.com/newcars/audi/index.html
وللإحاطة لمن يود التعرف على تلك السيارات Volkswagen Passat 2001 وعنده وقت وفاضي يروح يشوفها في وكالة ساماكو بفروعها في المملكة. واللي ما عنده وقت فبإمكانه زيارة الموقع أدنها لرؤية واستعراض السيارة من الداخل والخارج ( بس على فكرة 2002 مختلفة شوي وأحلى
http://www.speedex.cc/models/interi...id=110&maker=43
------------------------------
حبيبي
دفعة اولى 40 الف
والباقي شهرياً 1500 ريال تقريباً الظاهر على سنتين
تقدر تزرق فيها ولا عليك لا من بنغالي ولا افغاني ولا تكاسي
وتراها زي الحلاوة ومايبي لها قطع الا فحمات تغيرها كل شهرين
------------------------
هلاوين والله
والله شف خالي عنده باسات بس موديل 98
بس انها 4 سلندر عمومن بنزين طبعاً مايصرف كثير .. بس انه مره صدم فيها بس الحمد لله انه مأمن ولا كان أكلها خابور من أسبل لأنه صدم من زاوية الوجه اليمين يعني كم قطعة من المكينه انعدمت وكبوت ورفرف يمين وصدام .. وطبعاً تخبر قطع صغيرة مايمديك تعدها بس هذا البازر صلحها من التأمين في وكالتها التكاليف 22 الف
شف نصيحتي هي حلوه وكل شي ودعستها ماعليها اخف من الكامري ام 4 سلندر اما اذا انت تفكر ب 6 سلندر فالبنزين بيتعبك اكثر .. عمومن هي سيارة تستاهل والمانية
والالماني عيني عليه باردة
الله يوفقك حبيب البي
بس لاتنسى التعاونية للتأمين التأمين برؤية اسلامية
------------------------
والله ياخوي انا اقولك توكل على الله و طلعها لانه توه ولد جرانا مطلع وحده وكاله
فيها ميزات تهبل من جد الكراسي الي ورا يمديك تتحكم فيها و الطبلون لو تموت اللومينا ما تجيب زيه وفيها وسائل ترفيهيه رهيبه اما اذا انك تدور العزم و الماكينه والاشياء هاذي طلعلك لومينا واسكت
ســbYeـــــلام
-------------------------
يبارك فيكم واشكر لكم اهتمامكم
أخوي الفيـalfaisalـصل
أشكرلك هذا الاهتمام المتعود عليه من حضرتكم
وعلى فكرة تراني خلاص حجزت السيارة
( 4 سلندر قير اتوماتيك واللون أزرق والفرش الداخلي البيج ترى خلص في السوق ولا عاد فيه . وما لي الا الرمادي)
وللمعلومية كنت عند شركة متاجر للتقسيط وعرفت منهم انهم حتى الان مقسطين سبع سيارات باسات خلال هذا الشهر
واقولك شي ... وانا باقرا مشاركتك جاء في بالي شغلة التأمين قبل ما اكمل المشاركة.
ويش رأيك فيه؟؟ لأني بصراحة بصراحة انا راح احط دم قلبي في هاذي السيارة والله يكفينا وياكم والسامعين شر السيارات والمصايب اللي تجينا من وراها
وكم تكلفة التامين على سيارة من هالنوع؟ وكيف طريقة التأمين هاذي؟
وسلامتك
أخوي a_free_boy
أشكرك لك الاهتمام وترى والله بصراحة السيارة مو عاجبتني ...!!!!
وبس...؟؟؟؟؟
السيارة خلتني كل يوم يا انِّي اروح اشوفها في الشركة او ازور موقعها على النت
مجننتني ( ترى فكرة ... يمكن أصير مجنون ... باسات بدل نوكيا )
----------------------------------------------
على ( فكرة ) حبيت اعطيكم ( فكرة )عن ارباح البنوك
في عملية التقسيط ((( من واقع خبرة ))
-البنك الأهلي : 8.5% عن كل سنة ( الله يحرقهم وبنكهم) على فكرة ترى راتبي عندهم
-البنك الهولندي: 6.5% عن كل سنة( القوات البرية مافي برنامج تقسيط لهم )
-البنك السعودي للاستثمار: 5.7% عن كل سنة ( ضباط فقط الله يعين الأفراد )
-شركة تأجير (احدى شركات دلة) : 9% عن كل سنة (الله لا يربحهم) لا ويبغون دفعة أولى
ونظام تأجير ينتهي بالتمليل عفواً بالتمليك
-شركة متاجر للتقسيط : 8% تقريباً عن كل سنة (الله لا يربحهم) لا ويبغون دفعة أولى
وكفيل غارم ( عسكري ) وغارم مدني ( الله يعقدهم .. اصحابي كلهم عسكر )
برضه لا تنسوا ... ولا تقاطعونا بأي جديد ومفيد حول الموضوع
--------------------------------
يابو راكان ..... وين المقاطعة
وين مقاطعة الكلاب ( لا مؤاخذة ) الامريكان ؟؟؟ وين ؟ وين ؟ أشوفك مندوب للجميح؟
بصراحة ابغى اشوف الالماني كيف؟
انا جربت المرسيدس 3 سنوات بس كان مستعمل
ودي اجرب الالماني جديد وعلى يدي
وجربت الكابريس 8 سنوات
لكن الباسات .... جنان
بصراحة وبدون زعل ... حتى الآن في المدينة تعتبر شي مجهول وغير معروف
علشان كذا .. الواحد صعب يحكم عليها
يالله .... اسلم وسلم
------
للعموم
على فكرة .... ترى سعر السيارة في الوكالة 74800 ريال
لكن اليوم لقيتها في معرض موزع معتمد بـ 73500 ريال
وللجادين ... ترى الفرق من 1300 ريال الى 1800 ريال
----------------------------------
مبـــــــــروك والله يعطيك خيرها ويكفيك شرها يامجنون باسات
على فكره انصحك تعمل التامين صحيح انه مافي شي يمنع القدر بس العمل في الاسباب موب حرام فعشان كذا روح امن عليها تامين شامل بس شف لو قالولك كم سعر السياره قلهم سعرها باكاش بيطلع عليك ارخص بس لو تقصيد بتفرق معك كثير المهم توكل على الله ومالك غير الباسات
ســـــbYeــــلام
--------------------------------
آخر أخبار الباسات بس باسات 2004
فولكس فاجن تعرض الصور الأولية لباسات 2004
باسات الجديدة ستكون مشابه لكبيرة VW الجديدة من حيث الشكل وذلك بحكم أن فايتون هي أفخم سيارة لدى VW والتي تنافس كبار مصنعي السيارة كمرسيدس الفئة S أو بي إم دبليو الفئة السابعة . والصور الموجودة للسيارة توضح لنا بأن السيارة مشابه بتصميمها لأودي A4
وتقول الشركة أنها تنوي طرح باسات كوبيه وذلك في عام 2005 . وقاعدة عجلات السيارة الحالية هو الموجود حالياً على أودي A6 واستنادا على ذلك فإن قاعدة عجلات أودي A6 الجديدة ستكون من الألمنيوم و ستكون معقدة بعض الشئ وهذه القاعدة ستكون غالية وباهظة الثمن بالنسبة لباسات ولذلك باسات الجديدة ستكون على قاعدة عجلات جولف القادمة , وهذه القاعدة سميت بـPQ35 وهي نفسها التي استخدمت في جولف MPV وجيتا الجديدتين . وستكون السيارة مجهزة بسلسة من محركات البنزين والديزل بعدة أحجام مختلفة وأكبر هذه المحركات سيكون نفس الموجود حالياً على باسات وهو محرك الـW8 الكبير والذي من 4لترات والمسمى حالياً بفور موشن وبعض هذه الموديلات ستأتي بدفع على العجلات الأربع .
--------------------------------
مرحبا مجنون نوكيا<<<<<<
كيف حالك وش اخبارك<<<<<
اخوي عنده وحده اربع سرندل لونها ازرق فحمي<<<<<
والسيارة ما لها الا خمس شهور<<<<<
وماشيا زي العسل(قولوا ماشاءلله)<<<<<
بس شوف يا طويل العمر احنا اخذنها من الوكاله الي في الشرقيهوموجوده في هاي وي الدمام والخبر بس اول ما جينا نشتريها قعد اخوي شهر يفكر كل يوم وثاني ناقعين عندهنم وهم ما يصدقون خبر من نجي (مرحبا خيو_شو بدك_اهلين وسهلين _والابتسامه العريضه.....الخ)الى ان شرا السياره ويوم جا فحص ال1500كلم ودها الصيانه ولا احد معطيه وجه ومعاملتهم زفت ويوم دخلها طلعت السياره متوسخه من داخل والمخمل البيج جا عليه زيت وسريع سريع لـ زيبارت(شركة تلميع) ورجع كل شي زي ما كان<<<<<
زبدة الكلام ان السيارة ما عليها كلام بس الوكاله معاملتهم حدث ولا حرج<<<<<
على فكره اذا قررت تاخذها روح لمدير الوكاله علشان يعطيك خصم حلو اكثر من الي يعرضون السيارة(حقين المبيعات)
وانشاءالله قدرت افيدك واذا بغيت شي عن السيارة خذ راحنك واسأل<<<<<
------------------------------------
أخوي Abady
حقيقة أشكر فيك هذا الاهتمام الذي يدل نبل أخلاقك وطيبك
أما بعد
فلقد سرني شيئين في رسالتك
الشيء الأول هو تفاعلك وتجاوبك مع الموضوع والذي قلما تجد من يوليك الاهتمام الجاد في بعض الأحيان
الشيء الثاني هو شجاعتك في اقتناء سيارة كثرت حولها الأقاويل والتوقعات التي تفتقد الخبرة في معظم الأحيان. والاختلاف في الرأي لا يفسد في الود قضية ( لا يزعلون الشباب بس ... فهم مشكورين على اهتمامهم ومشاركتهم في كل الأحوال )
والله يعطيك من خيرها ويكفيك شرها ان شاء الله
بالنسبة لعملية البيع والشراء فهي تختلف من بلد لاآخر بإختلاف البشر ففي جدة الى الآن لم أسمع احد اشتكى من سوء معاملة أو خلافه وبالعكس ما تسمع الا ما يسر الخاطر وبامكانك نقل سوء الملك تلك لمسئولي الشركة الذين ( ان شاءالله ) لن يرضيهم السكوت عن تدني مستوى سمعتهم بين منافسيهم في المنطقة.
وبالنسبة للسعر, فعلى ما أظن ان المسألة محسومة سلفاً لأن السيارة تم شراؤها بالتقسيط حيث تم توقيع عقود شراؤها وبانتظار وصول الموافقة النهائية من الرياض خلال يومين ان شاءالله
وأخيراً أكرر شكرك على افادتك لي فقد قمت بجولة انترنتية عارمة تكللت بالكثير من المعلومات التي أورت بعض منها في هذا المنتدى الناجح ان شاءالله
------------------------------
اخوى مجنون نوكيا
اذا كنت شرين الباسات فمبروك عليك
لكن ودى تنتظر vw فايثون 2003 لانها راحتكون افخم من الباسات
واذا كنت تبعى صور لها فااحول اجيبلك صور
-------------------------------------
هلا وغلا ..
ترا السياره مره حلوه على الاخير انا عندي وحده من خمس شهور على قولت اخوي عبادي السياره حلاوه بس معيبها الصيانه هم من النوع اذا شريت السياره ما يعرفك بعدين بس اذا كنت من سكان المنطقه الشرقيه وكتب الله انك تشتريها الصيانه ودها بالبحرين احسن وارخص على فكره بعض الاشيائ مايعرفون يصلحونها انت ادخل الصيانه تشوفه مره صغيره ما كانهم فاتحين وكاله فاتحين تصليح سياكل ج الصيانه تلمع بس المغزا شغلهم ونا من بعد صيانه 7500 مادخلتا الوكاله ولحين ماشي تقريب 14000 على فكره اذا شريت السياره كل مره بتروح الصيانه بتقعد تصارخ على هذي الاغبيه ولا بتلقه دافع لانه مو بس انت الي بتصارخ كل البشريه ونصيحتي خذ بندول والله يعينك اذا تعاملت معا السوداني وهذا الي عندي بااي
---------------------------------
الف مبروك يا مجنون ( باسات )
الف مبروك مقدما .. والله يعطيك خيرها ويكفيك شرها .. اهم شئ الصيانة أول بأول ..
واترك عنك المقاومات وكثرة الفرفرة لانها من النوع الرهيّف ما تتحمل دوجة
عموما .. انا ماعندي معلومات عن الباسات لكن اعرف شباب عندهم هالسيارة
ومرتاحين معها ع الآخر ..
اما بالنسبة للتعاونية للتأمين ..
انا مأمن عندهم .. وهم اولا يسألونك كم تبي فيها اذا السيارة راحت وطي .. ( تشليح )
وعلى حسب السعر اللي انت تبيه راح يحسبون المبلغ حق التأمين
يعني اذا طلبت مثلا 50 الف ريال ..راح يكون المطلوب دفعه 1800 ريال تقريبا ..
لمدة سنة .. هذا الكلام عن التأمين الشامل .. والي يشمل مايلي :
1- ضد الحريق ( ترى موب نافعك الدفاع المندي )
2- ضد السرقة ( اذا ما لقو الموتر خلال شهر صك بالـ 50 الف بجيبك )
3- ضد الكوارث الطبيعية ( تخبرون ايام المطر البّرد قبل 4 سنوات تقريبا)
4- الحوادث حتى لو كان الخطأ عليك 100 %
5- يتحملون عنك الدية لو صدمت احد ومات ( ) <-- لا يلعب بك ابليس
6- لك تامين طبي في حالة الاصابة ( ادلع ياكايدهم ) لا وتقدر تأمين على اخوياك انت حر
هذي بعض اللي اذكره عن مميزات التأمين .. ( وين هالشركة عني بس ؟ )
--------------------------------
أخوي Raa]-[eeB
اولاً الله يبارك فيك وشكراً على التهنئة القلبة الصادقة ... وبعد
اما من ناحية الصيانة أول بأول .. فالله المستعان
اما من ناحية المقاومات وكثرة الفرفرة ... عموما .. فجدة ... غير ومشاويرها ...غير
ولابد من الضغط على السيارة شوي.. وذلك تلبية للاحتياجات اليومية ... والاسبوعية
اما بالنسبة للتعاونية للتأمين .. فأشكرك جداً على مساهمتك المفيدة جداً ويسرني فتح موضوع جديد وخاص بتلك الخدمة العصرية وفتح باب النقاش حول السلبيات والايجابيات المتعلقة بهذه الخدمة العصرية الضرورية وهذا الرابط أدناه يفي بالغرض المنشود
http://www.alshog.net/vb/showthread...&threadid=16300
اما من ناحية ( يتحملون عنك الدية لو صدمت احد ومات ؟؟؟ لا يلعب بك ابليس )
لووووووووووووووول والله ضحكتني من قلبي هاهااهاهاهاههههها وبصراحة تستاهل اعفاء من رسوم التامين لمدة سنة وذلك مكافأة لك على دعايتك المجانية لهم !!!!!!!!
وفي الختام لا يسعني الا الدعاء بالسلامة للجميع
------------------------------------------------
بس ان شاءالله أكون قدمت شيء من المطلوب
ووعد ان شاءالله موافاتكم بكل جديد ومفيد حول تلك السيارة في القريب العاجل
والكمال لوجه الله وحده
والسلام
:باي: :باي:
